Stangvik Historielag

Stangvik historielag minner om årsmøtet i kveld.
Stangvik historielag kallar inn til årsmøte i klubbhuset på Søyabanen måndag 24. februar kl 19:00.  På saklista står vanlege årsmøtesaker, og presentasjon av budsjett og aktivitetsplan for 2020.
Frist for å koma med forslag til saker som skal takast opp på årsmøtet, er 14. februar 2020, til leiar Einar Grønnes. Etter årsmøtet blir det orientering om restaureringa av steinløå oppi Svarrafjellet, og sjølvsagt kaffepause og litt traktering.  Bla vidare for å sjå saklista…

Forfattarane Torbjørn Polden, Lars Steinar Ansnes og Erling Myrbostad har gjennom 12 år samarbeidd om å gi ut bøker med utgangspunkt i lokal historie knytt til Eidet og Lykkjebygda der karane voks opp. I alt har det vorte fem bøker. Torsdag kveld var det bokslepp for «Under Skarfjellet» – bind 3. Da har dei produktive forfattarane gjeve ut 3 bøker i løpet av det siste året! «Men det blir ikkje tre nye bøker neste år,» slo Lars Steinar Ansnes fast.

Torsdag 28. november kl.18.00 inviterer Stangvik Historielag til bokslepp i forsamlingshuset Myrvang. Her vil forfattarane Erling Myrbostad, Torbjørn Polden og Lars Steinar Ansnes presentere den tredje og siste boka i serien «Under Skarfjellet».

Eit 30-tals personar var samla utafor Hamnesvikan sist laurdag for å delta på siste post i årsprogrammet for Stangvik Historielag, eit samarbeid mellom Hisorielaget og Turstigruppa på Årnes. Før vi starta orienterte Svein Aarnes om turen opp skogsvegen, som var nyrydda heilt opp til den gamle seterstølen. På Hamnes hadde dei tidlegare to setrer, Nersetra og Øversetra. På Nersetra setra dei til 1940, men på Øversetra tok setringa slutt tidlegare.

Tur til Øversetra på Hamnes laurdag den 31. august, med oppmøte ved Jørristufjøset på Årnes kl 11. Parkering blir anvist, og ein kan samkjøre herifrå til startstedet på Hamnes. Turen blir arrangert i samarbeid med turstigruppa på Årnes.

Dagen kom med opp mot 20 varmegrader, landvind og opphaldsver da Stangvik Historielag arrangerte tur frå Stangvika om Storsetra og til Torviksetrene. Ca 15 stk møttes på Storsetra for å gå den nyrydda og nymerka ruta over mot Torviksetrene. Før vi gjekk vidare, fekk vi høre litt om historia til Storsetra. Det gamle seterskjelet brann opp etter lynnedslag den 22. juli 1954, og dermed vart siste året for setring her i 1953.

Vi minner om turen som Stangvik Historielag arrangerer førskomande laurdag, den 10. august. Alternativ for start på turen kan vera ved Skjersåa innafor Rønnan, ved bommen for skogsbilvegen som går utover Stangvikliene, eller ein kan kjøre utover denne vegen (bomavgift kr 50,-) til ein ser skiltet STORSETRA på høgre side av vegen.

Forfattarane, Erling Myrbostad, Torbjørn Polden og Lars Stienar Ansnes, inviterte torsdag kveld til lansering av boka «Under Skarfjellet – Lokalhistorie frå Eidet og Lykkjebygda». Det var stappfullt i hallen på Stangvik skule, ca. 70 personar, og det vart ein interessant og triveleg kveld med flott presentasjon av boka og musikalske innslag.

Stangvik Historielag heldt sitt årsmøte på Stangvik skule den 19. februar, med bra oppmøte. På saklista stod vanlege årsmøtesaker, bl.a. val, rekneskap og budsjett. Valkomiteen hadde gjort ein god jobb, overtala både formann og to styremedlemmer til å fortsette. Styret vart da som følgjande: leiar Einar Grønnes, nestleiar Marit Haugen, sekretær Hallvard Kvande, kasserar Rolv Lysø og styremedlem Rolf Smisetfoss.

«Kjøle med folk for ei lita bok, men velkomne er de alle saman», slik opna Lars Steinar Ansnes boksleppet på Stangvik skule onsdag kveld. Her presenterte han i lag med Erling Myrbostad og Torbjørn Polden den nye boka «Under Skarfjellet». Desse tre karane har arbeidd i lag om bokprosjekt i snart ti år. Den første boka om Kvenndalen kom i 2010, den neste om Søyådalen i 2015 og no ei lokalhistorisk bok om nærområdet, altså «nedom ovagjerdsutgarden» på Lykkjeeidet og i Lykkjebygda. Dette er ei bok med breitt emneval, men kvardagsleg.

Årsskrift for 2018 frå Stangvik historielag er på plass i butikkhyllene. I tradisjonelt A4-format og med 60 sider med lokalhistorie er historielaget i rute både til historieinteresserte og som jule-lesnad. Årets nummer er den 12. utgåva frå historielagets skriftstyre og det inneheld mykje god og variert lesnad – litt for ein kvar smak.

Setrer og kulturlandskap – Ålvundeid og Ålvundfjor heiter boka som no er i handelen og vart høgtideleg presentert i Ålvudeid Grendahus sist onsdag. Ideen til boka vart unnfanga våren 2017, og alt i oktober i år gikk boka i trykken med rundt 160 sider med seterhistorie frå Ålvundeid og Ålvundfjord – ispedd mykje historie rundt kulturlandskap og høyløer.