Todalen sokneråd minner om aktivitetane i påska 2012. i Todalen kyrkje er det kveldsgudsteneste skjærtorsdag kveld kl 19.30. Da er det nattverd.
Seinare i påska er det friluftsgudsteneste på Haugligardane, 2. påskedag kl 12.00. Her deltek også Todalskoret og Trimgruppa i Todalen I.L. sørgjer for litt grillkos etter gudstenesta. Dersom det blir dårleg vær blir arrangementet flytta til kyrkja. Plakaten kan du laste ned her.

Det store snøfallet siste døgn har gjort at det er utstedt snøskredvarsel for Sunndalen og Trollheimen. I Todalen er det kome minst 30 cm blaut nysnø og i fjellet er det muligens kome meir. Dette skaper stor snøskredfare og folk blir oppfordra til å vere ekstra forsiktig.  Her finn du meir info om snøskredvarselet på yr.no. Vermeldinga på yr.no finn du her.

Været i helga, og vêrmeldingane i dagane som kjem, er ikkje akkurat så innbydande for for uteaktivtetar. Har du behov for å bruke energi og få rørt på kroppen, så kan vi anbefale å ta ein tur til Surnadal trenings- og velværesenter! Dei arrangerer ein skikkeleg innedag på sentret tyrsdag 3. april. Da opnar dei senteret for ekstra trening, og dei sel «drop in» for kun kr. 50,-, og melder at resepsjonen er bemanna frå kl 09.00 – 20.00.

Les heile saka

Todalen Båtforening hadde kalla til arbeid i båthavna lørdag 31. mars.  7 medlemmer møtte opp for å fjerne rekved, tang og andre uhumskheter som stormen Dagmar hadde lagt igjen etter sine herjinger. Alt var imidlertid skjult under et jomfruelig lag nysnø, og havna så ut som et julekortmotiv. Det viste seg helt fånyttes å prøve […]

Les heile saka

Siste ord er ikkje sagt enno i telefonsaka da både mobiltelefonar og fasttelefon i Todalen var ute av drift i 6 dagar i februar. Det var i tidsrommet 17. – 23. februar at heile bygda var utan telefondekning, da både fasttelefon og begge mobilnetta var ute av drift. Surnadal kommune tok omsider fatt i saka, og etablerte naudtelefonkontaktar for IP-telefoni og satellittsamband i bygda. Ordførar Mons Otnes seier til Todalen.no at han har følgt opp denne saka, og etter fleire rundar med forhandlingar har han fått til ei løysing med Telenor, der dei vil refundere heile telefonrekninga for 1. kvartal i år. Dette gjeld både Telenors fastnett og mobilnett, men omfattar ikkje dei som har Netcom abonnement.

Les heile saka

Det ser ut til at rasstaden i Falla har stabilisert seg, men vegen er framleis stengt på grunn av rasfaren. Stengt er også gammelvegen opp Falla for andre enn oppsittarane ovafor rasstaden. I løpet av natta har det kome 10-15 cam nysnø, og det har nok gjort den usikra gammelvegen enda farlegare å trafikkere. Vêrmeldinga utover dagen er opphald, men yr.no melder om meir regn til natta og etter kvart ein kaldare vêrtype og snø til søndag.

Les heile saka

Påsken nærmer seg med stormskritt, og på Nordvik er man i full gang med å planlegge det tradisjonelle seterrennet på skjærtorsdag som i år arrangeres for 84. gang. Det har sett dårlig ut med skiføret på setra i år, men i dag har snøen lavet ned, og vi krysser fingrene og håper på mere snø fram til skjærtorsdag. Imidlertid har vi en alternativ løsning for arrangementet hvis det ikke blir nok snø. I 2003 var det også snømangel på setra, og da ble det gjennomført konkurranse med natursti, snøballkasting og kringelhauking.

Les heile saka

Torsdag kveld vart Sigrun Ørsal gjort stas på av Dametrimmen. Forleden feira ho 75-årsdag, og da tykte medlemane i Dametrimmen at det var ei høveleg anledning til å feire litt på siste trimkvelden før påske. Denne kvelden var det 11 spreke damer som møtte opp, men May Elisabeth Holten fortalte at dei kan vere opptil 17-18 på trimkveldane i Todalen oppvekstsenter. Og dei er ikkje akkurat nybegynnarar, for dametrimmen har halde på sia 60-talet ein gong. Men Sigrun har vore med heile tida, og er med for fullt enno!

Les heile saka

Frå konstituert rådmann Gunnhild Eidsli har vi fått ei pressemelding vedrørande Dalavegen: «Dalavegen opp til Kårvatn i Todalen er stengt, ved Falla oppi Brusetmarka, på grunn av jord-/leirras.  Arbeidet med reparasjon kan ikkje startast før værtilhøva betrar seg og området er trygt for anleggsmaskiner. Ut i frå værmeldingane kan ikkje dette arbeidet ta til før tidlegast etter påske. For fastbuande er det arrangert moglegheit for omkjøring over privat eigedom. Det same gjeld for transport i nødsfall.
For nærare informasjon kan Surnadal kommune sitt sørviskontor kontaktast på tlf. nr. 71 65 58 00».

Styret i Todalen Båtforening minner om at det er dugnad i båthavna førstkommande laurdag kl 11:00. Da blir det opprydding etter Dagmar sine herjingar og klargjering for vårens båtaktiviteter. Dei oppfordrar til å ta med familie og venner, hansker, trillebår og rive. Det er store mengder av tang og rekved som må samlas i haugar for bortfrakting seinare.

Les heile saka

Dalavegen er stengt i Falla i Brusetmarka, der det er gått eit ras torsdag kveld. Gammelvegen, som er privat veg, er også vurdert som rasfarleg område, og vegen der er også stengt for trafikk. Surnadal kommune skal i dag vurdere kva som skal gjerast for å sikre atkomsten til Kårvatn og til oppsittarane ovafor Falla. Vegstenginga skaper problem for Kårvatn Fjellutstyr og deira verksemd som i dag har 3-4 arbeidsplassar på «butikken på låven».

Les heile saka

Vi har fått melding om at vegen opp Falla er stengt på grunn av ras. Vegen har enno ikkje rasa ut, men det er gått ras på nersida av vegen, og utover ekra ved Falløya. Det er no folk på veg frå Surnadal kommune for å avklare situasjonen og sikre området. Det har vært mykje regn dei siste dagane, og dette er nok årsaka til at massane er ustabile.  Vegen opp Gammelfalla er også stengt på grunn av rasfare. Vi kjem att med meir informasjon når sistuasjonen er avklart.