Hovudretten var i allfall den same som i fjor, og i forfjor og året før. Og den er det ingen grunn til å forandre, for «kjøtt og påsse» er så absolutt på pallplass når det er snakk om lokal god mattradisjon. Og i år, som i fjor og året før var underteikna så heldig å bli invitert til feiring av feittysdag på Vestrum, med Karen Johanne og Svein Talgø ved grytene. På menyen var det ertesuppe til forrett, kjøtt og påsse til hovudrett og Créme Brûlée til dessert.

Les heile saka

Endeleg er den digitale revolusjon nådd til Jostua. Jon Bjarne og Liv Ingrid har lenge vore i tankeboksen og lurt på om dei skal kjøpe seg PC. Løysinga vart nok 70-årsjubileet, for da dukka det opp ein kartong der det stod ACER på sia. Det var bursdagshelsinga frå juniorane som bor i Oslo, og innhaldet var ein splitter ny og moderne PC med Windows 8 installert. Dermed hadde dei fått eit dytt i ryggen, og da var ikkje vegen så lang for å kontakte Svorka Aksess for å få installert breiband.

Les heile saka

Eldremiddagen markerer feittysdagen førstkomande onsdag. Da er det sjølvsagt «kjøtt og påsse» med tilbehør på menyen, melder Reidun Østvik. Dei startar som vanleg kl 13.00, og etter middagen er det som vanleg kaffe og kaker i triveleg lag. Eldremiddagen ønskjer både gamle og nye medlemar velkomne til Sanitetshuset.

Vi er godt i gang med siste vintermånad, og det betyr at det er tid for å finne den første vinnaren av månadens bilete for 2013. Vi har fått inn en mange fine bidrag til dagens bilete så langt i år, så konkurransen er stor.

Les heile saka

Det vart bokstaveleg fortalt ei historisk ettermiddagssstund, da historielaget inviterte til ettermiddagskaffe i Ungdomshuset søndag. Eit førtitals historieinteresserte personar var møtt fram for å ta del i arrangementet til Todalen historielag. Denne søndagsettermiddagen kunne dei by på ei unik utstilling av utskårne storfe og hestar etter Kristoffer Gjeldnes. I tillegg var det historiske videoglimt, som Svein Åge Saksen hadde filma på nittitalet og først på 2000-talet.

Les heile saka

«Der den smale grusveien slutter, ved foten av Trollheimen, en mil fra sentrum i Todalen med 350 innbyggere, 13 mil fra Kristiansund og 16 mil fra Trondheim ligger Kårvatn Fjellutstyr AS. En populær sportsbutikk for folk som vil ha ordentlig fjellutstyr, distributør av kjente merkevarer og offisiell leverandør til Norges skiforbund Randonee.» Det er Ingrid Kvande som skriv dette i teksta for omtalen av Kårvatn Fjellutstyr på heimesida til Destinasjon Kristiansund og Nordmøre.

Les heile saka

Fredag og laurdag aksjonerte medlemane i Todalen sanitetsforening med salg av fastelavnsris. Det er ein årviss «happening» at dei lagar bukettar med fastelavnris, som dei pyntar med fargesprakande fjer, som dei så sel til inntekt for sanitetsarbeidet . I år hadde dei altså gjort ein vri og laga stand ved Matkroken L. Hals. Da dei starta laurdag morgon var det rundt 15 kuldegrader, og da hadde dei laga bålplass, og serverte nystekte bollar og varm kakao til dei som kom på handlerunde.

Les heile saka

Søndag 10. februra kl 11 er det gudsteneste i Todalen kyrkje. Det er sokneprest Bernt Venås som forrettar.  Takkoffer til Nordmisjonen.  Velkomen!

I årets første nummer av DNTs medlemsblad «Fjell og Vidde» har dei ein omtale av 5 anbefalte toppturar. Ein av disse er turen til Tydalsnebba (1274 m.o.h.), med start frå Kårvatn. Dei skriov at turen tek 5 timar, og at toppturski er å anbefale på denne turen. Her er det 1060 meter nedkjøring, som blir krona med ei avslutning ned «norges beste li», med spredt, gamal furuskog og artik kupert terreng. Du kan laste ned den omtalte sida som JPG her.

Les heile saka

I helga er det fastelavnsaksjon, og Todalen Sanitetsforening kjem også i år til å markere dette. Fredag og laurdag blir aktive medlemmer i foreninga å finne på L Hals med salg av tradisjonelle fastelavensris. Norske Kvinners Sanitetsforening har til årets fastelavn utarbeidd nye produkt og spreke markedsføringsstunt, og Todalen Sanitetsforening er ei av foreningane i organisasjonen som har teke godt i mot desse nye ideeane. Derfor vil det laurdag bli stand utanfor butikken der det blir solgt nye , store fjør til å pynte eit heilt vanleg tre med.

Les heile saka

Tirsdag kveld var det årsmøte i Todalen Sanitetsforening, der det vart nokre endringar i styresamansetjinga. Åse Ville Redalen takka for seg etter 10 år som leiar i laget, og årsmøtet valde samstemt Maren Ansnes som ny. Ho gjekk opp frå nestleiarplass, og denne vart erstatta av Ingrid Pedersen. Saniteten hadde lagt eit aktivt år bak seg, men blandt anna oppussing av ytterste utleigeleilighet og måling av heile Sanitetshuset. Godkjent regnskapet viste totalte utgifter som huseigar på nesten 169 000 kroner, medan totale utgifter for 2012 kom seg på vel 268 000 kroner. Likevel gjekk laget med eit overskot på vel 14 000 kroner.

Les heile saka

Tysdag var Jon Bruset ein tur til fjells for å prøve skiføret. Han tok turen opp Klævhauan forbi Talgøsetra og opp til Tristeinan. Det var godt føre og etter at Todalen idrettslag med Arnt Ivar Brønbo på snøskuter hadde køyrd på spor vart det nok bra.

Les heile saka