På føremiddagen i dag er det akkurat eitt år sidan raset uti stranda vart utløyst etter store nedbørsmengder. Ei hektisk tid, i allefall dei første døgna, men også ei tid med mange trivelege minner som ein av og til tek seg sjølv i å savne pittelitt. I den anledning har vi naturlegvis vore i kontakt med mannskapet både på skyssbåten Tollesund og frakteskipet Maursud, for å høyre kva dei driv med året etter.
Tollesund
Tollesund er for tida på oppdrag i Aurland for å frakte turistar mellom Flom og Balestrand kan skipper Per Daniel Losnegård fortelje. Han har også denne sommaren «sommarjobb» på far Einars båt eit par veker for å avlaste. Til dagleg er han styrmann på fiskarbåten Gambler, som ferdast litt over alt. Han nemner både Irland, Finnmark og Island. I løpet av eit år kan han være rundt 3-4 månader ute. Far Einar, som er skipper på Tollesund til dagleg har no teke seg ein velfortjent ferie og er på kvalsafarie fortel Per Daniel.
Dei fleste husker nok også den unge matrosen Yngve Lien som var med i den første tida. Han starta i fjor haust på styrmannsskulen i Måløy, og har no eitt år att der. I sommar jobbar han på settefiskanlegget til familien.
Maursund
Maursund gikk i reinfrakting rett etter ho forlot Todalen fortel vår kontaktperson Rune Stråmyr. Etterpå vart det ein tur til Svalbard for så å få alle maskiner ned fra Sørøya. Det var utstyr som var bruka til fjerning av den havarerte Russiske destroyeren som havna i fjæra der. Ellers har Maursund vore på Jan Mayen i år og er no på ny tur dit og til Bjørnøya.
Maursund har også blitt malt i sivile farger og er blitt ordentlig flott fortel Rune. Han har fra mars ført ferger i nord men har ukentlig kontakt med sine gamle kolleger i Seaworks.
Maursund er måla i rederiets farger etter at den var i Todalen. Foto: Seaworks
Samtlege av mannskapa som redaksjonen har vore i kontakt med ber oss helsa til todalingane!
Under er eit mimregalleri frå sommaren vi seint gløymer. Foto ElinorB og JonO
