Todalen Sanitetsforening

Ein heil gjeng var i full aktivitet med rundtvaskdugnad i Sanitetshuset. Når våren kjem er det godt å få ut siste rest av støv og lort frå vinteren, og få ei god grønsåpelukt i staden, og vi har tradisjon for å ta eit skippertak før konfirmasjonen, seier maren Ansnes som er leiar i Todalen Sanitetsforening.

Todalen sanitetsforening er pådrivar for å arrangere trimturar kvar veke. I beste folkehelseånd motiverer dei folk til å røre på skrotten litt og prøver å variere målet for turane litt, slik at det skal bli variasjon og for at folk skal gjera seg kjente på heimlege trakter. Måndag gikk turen hadde turen start frå Bruset og gikk langs elva oppover til Fosstrøinn, Hafallmelen og til Nernesset, med Jon bruset som guide og kjentmann.

Måndag 8.mai er det på nytt Kløvertur. Oppmøte ved Matkroken kl. 11.00 som vanleg.

Denne gongen blir det tur langs Toåa frå Bruset og innover til Fosstøin. Vidare er det plana å gå inn til Hafallmelen og så ned til ein fin gapahuk nedst på Brusetnesset

Fredag og laurdag er Saniteten på plass på butikken for å selge maiblomsten til bygdefolket og andre som stikk innom Matkroken. Og det er ikkje noko dei har begynt med no, for maiblomsten har vore i sal heilt sia 1909, fortel Dordi Jorunn Halle og Marit Sandens Søyset som satt der i dag.

Etter ein lang påskeferie er det klart for ny Kløvertur måndag 24. april. Turen går frå Nordvik og utover Haltbakkvegen, fin grusveg og ikkje bratt. Som vanleg er det oppmøte ved Matkroken kl. 11.00.

I går ettermiddag var den tradisjonelle «Estlandsinnsamlinga» i Sanitetshuset. Ruskete verbruk gjorde nok sitt til at det ikkje vart nokon innsamlingsrekord, eller så har todalingane no fått orden i overskuddslagra sine. I løpet av tre timar vart det levert 55 fulle svartsekkar som no allerede er levert til ekteparet Jensvoll i Rindal for vidare transport til Estland i løpet av neste veke.

Laurdag klokka 13 arrangerer Todalen Sanitetsforening strikkekaffe i Sanitetshuset igjen. Dette er ein sosial treffstad med strikketøy eller anna handarbeid for den som ønsker det. Eller utan, om du berre vil komme for eit triveleg selskap ein laurdags ettermiddag.

Todalen Sanitetsforening arrangerer også i år innsamling av kleder til Estland i sammarbeid med Estlandsforeninga og ekteparet Jensvoll fra Rindal. Dato er allerede i morgon mellom klokka 17 og 20 i Sanitetshuset.

Omsorgsberedskap Todalen sanitetsforening inviterer bygdafolket til ny middagsservering i sanitetshuset tirsdag 25.april kl.13.00.

Todalen Sanitetsforening forsøker seg på ein ny runde med bomkjøploppis måndag 17. april mellom klokka 18 og 20. Og da treng dei naturleg vis hjelp med salgbare lopper. Kven har ikkje opplevd å kjøpe noko som var veldig fint, men som nesten aldri vart bruka? Dette blir det no ei rå å gjere med, om ein vil lette litt på lagerbeholdninga si. Så om du har noko som kan egne seg, men synes er for gale å kaste kan det leverast enten til Ragnhild Ansnes Moe eller Åse Ville Redalen innan søndag kveld.

Kløverturen måndag 3. april blir på Kvennset. Oppstart frå Matkroken kl. 11.00. Turen går innover skogsvegen frå Sanitetshuset, eventuelt oppover til Løfta og Sissihaugen.

6 ivrige deltakarar møtte opp på det uformelle datakurset som var arrangert i Sanitetshuset i går kveld. Her var det ope for alle problemløsingar som den enkelte måtte ha. Og derfor hadde deltakarane med seg eigne bruksenheiter, slik at lærdommen vart mest muleg nyttig.