Todalen Idrettslag

Søndag ettermiddag inviterte Ski og friidrettsgruppa til utvida lagseriestemne med muligheit til å lufte trøbilane på Bordholmen. Ikkje det aller beste oppmøtet ein regntung ettermiddag, men eit titals ungar tok turen for litt sosial leik og aktivitet.

Den største cup-bomba for spente todalsknøttar i dag var nok ikkje resultatet, men at veret var på lag, og huver og buffar kunne ligge att på sidelinja etter kvart. Den opplagte gjengen med forhåpningsfulle jenter og gutar fekk ein fin dag under Surnadal IL sin årlege SILregncup.

Ræta Opp blir også i år arrangert under Todalsdagen. Dette for fjerde året på rad kan Ingvild Kårvatn fortelje. Løpet starter kl 12 lørdag 27.juni, mellom dei mange fotballkapene som blir på Bordholmen. Også i år blir det Knøtteløp, der dei aller minste deltar med ein runde rundt løpebanen, med ulike hinder å forsere.

Fotballgruppa i Todalen IL er godt i gang med planlegging av Todalsdagen. Her blir det i år som alle tidlegare år full rulle på 5 banar for dei aller yngste fotballspelarane på knøttelag og G/J10-lag. Ledar i fotballgruppa Knut Bergli melder om passe god påmelding så langt, og av erfaring vet han at antall lag endrar seg innan påmeldingsfristen går ut den 19. juni.

Søndag kl 17 inviterer friidrettsgruppa store og små til treff på Bordholmen. Det blir mulighet til å prøve seg på lengdehopp, ballkast og 60m. Her blir trøbilene teke ut for bruk, samt at buldrerommet også blir opna.

Dei to blide damene satt på butikken for Superlotteriet til Todalen idrettslag – det tradisjonelle lotteriet som har trekning under Todalsdagen. Loddselgarjobben skal gå på omgang fram til Todalsdagen som arrangeres 27. juni – altså om 3 veker.

Denne helga går søndagsturen til Svinvika, og blir ein runde i Gammemelvegen. Da har du også ein ypperleg sjanse til å besøke Svinviks arboret i same slengen. Der er blomstringa på topp no, og heile hagen står i full flor. Her kan du også ta deg ein kaffepause i arboretet kaffeteria.

Torsdag kveld arangerte trimgruppa tur med både lokalhistorie, trim og triveleg sosialt samver. Veret var ikkje det beste, men tretten deltakarar vart med på ein interessant tur!

I går kveld starta G14 STUK opp att sin serierunde etter at de vann samtlege innleiande kampar. Motstandar var CFK, og gutane vann til slutt 3-0, etter mange gode sjansar. Nytt i ungdomsfotballen (G/J14 og G/J16) er at ein får 5 minutts pause på sidelinja om dommaren gir gult kort.

Tysdag kveld frå kl 17 er det på’n igjen med målardugnad på Bordholmen. Målargjenen er komne godt i gang, og tysdag kveld er det meldt bra målarvêr og i løpet av et par kvelder skal jobben være unnagjort dersom det møter bra med mannskap, trur Knut Bergli i Todalen IL.

Årets Halsa Cup var eit vellukka arrangement, med fotballspelarar fordelt på 6 banar. IL Søya og Todalen IL’s G10-lag stilte med 8 ivrige og humørfylte gutar.

Mannskapet på G10 Søya/Todalen spela i går kveld kamp på Bordholmen mot erkerival Surnadal. Det vart dessverre tap for dei lokale gutane, da Surnadal var hakket meir effektiv framfor mål. I følge Surnadal vart resultatet 5-24, men det treng kanskje ikkje vere fasiten. Søya/Todalen er eit blanda lag, med både 9 og 10 åringar.