Todalen Idrettslag

Det blir ei travel sesongavslutning for Søya/Todalen sitt G9-lag. I går var dei i Laikarvollen og spela kamp, før det vart ein tur på Napoli i Surnadal for å ha sesongavslutning med pizza og brus. Og no i ettermiddag, nærare bestemt klokka 18:00, spelar dei heimekamp mot Surnadal G9 på Bordholmen stadion, og først etter at den kampen er ferdig, er fotballsesongen 2021 over for Søya/Todalen G9. 

Torsdag 7. oktober klokka 18:00 er det duka, for det som ser ut til å bli sesongens siste fotballkamp på Bordholmen stadion for i år. Da er det lokaloppgjer mellom Søya/Todalen G9 og Surnadal G9. Her er det lokale spelarar, både på heime- og bortelaget. 

Da medlemskontingenten for Todalen Idrettslag for 2021 vart utsent tidlegare i haust, oppstod det ein liten feil. Feilen er at forfallet vart sett til 14.11.2021, nesten tre månader fram i tid. Dette skulle ha vore 14.09.2021. Difor oppfordrar Todalen Idrettslag sine medlemmer til å snarast betale kontingenten for 2021, sjølv om forfallsdatoen framleis er om over ein månad. 

Laurdag var det offisiell opning av trimappen «På tur i Todalen ved gapahuken i Båthølen. Appen blir levert av  Turpoeng, og kan lastast ned både på iPhone og Android.      Knapr 40 trimmarar hadde teke turen for å vere med på den offisielle lanseringa, sjølv om turmåla opna for registrering frå fredag, og allereie var teke i bruk av fleire turgåarar.

I går kveld var Søya/Todalen G9 i Ålvundfjorden og spela kamp mot Kvass/Ulvungen. Kampen vart spela innandørs i fotballhallen til Kvass/Ulvungen på Ålvundfjord stadion, noko som passa bra på ein kveld med mykje vind.  Kampen vart, som ofte lokaloppgjer blir, ein jamn kamp der laga skifta på å ha føringa i målprotokollen. Rapportane fortel om […]

Frå 1.oktober blir trimpostane til Trimgruppa i Todalen Idrettslag, som tidlegare nemnt, opna for digital registrering gjennom appen Turpoeng. Frå neste veke vil: «http://www.trimpoeng.no/i/paa-tur-i-todalen/», bli «levande» og registreringa kan ta til. Her finn du alt av informasjon og rettleiing du treng for å kunne bli med på den digitale registreringa av trimturane dine. Her kan du ôg laste ned Trimpoeng-appen. Når det blir opna for å registrere seg i appen på telefonen, vil alle registrerte bli synlege. Samstundes vil turane med besøk, i samtid, bli synlege. 

I går kveld ettermiddag var 17 barn og unge, i alderen 4 – 14 år, samla til sesongens siste friidrettskveld på Bordholmen stadion. Der sto lengde (med og utan tilløp), kast av liten ball, 60-meter og 400-meter på programmet. 

Onsdag 29. september klokka 17:30 inviterer Barne- og ungdomsgruppa i Todalen Idrettslag til sesongens siste friidrettskveld på Bordholmen stadion. Og denne gongen, kan dei skilte med servering av frukt igjen, etter at samfunnet no har gått attende til «normale» tilstandar etter koronarestriksjonane, som har vore dei siste halvanna året. 

Som vi tidlegare har skreve, så blir Trimgruppa i Todalen Idrettslag sine trimbøker digitale frå fredag 1. oktober. Du lastar ned appen Trimpoeng, enten i Appstore (for iPhone) eller Play Butikk (for Android). Når du har lasta ned appen, går du inn og registrerer deg som brukar. Rettleiing i bruk av appen vil det bli gjeve under Trimgruppa sitt arrangement i Båthølen laurdag 2. oktober klokka 12:00, samstundes som det vil ligge rettleiing på kvar av dei 24 trimpostane.  

Torsdag kveld tok Søya/Todalen sitt G9-lag turen til Sunndalsøra og Lille Ekeberg for å spele seriekamp. Ein kan trygt seie at vêrgudane ikkje spela på lag, da det var skikkeleg dårleg vêr med regn, sterk vind, surt og kaldt. Men kamp vart det, og det vart ein kamp med heile atten mål. 

I dag har Søya/Todalen sitt J10-lag vore i Kristiansund og spela to fotballkampar. Første kamp var mot Nordlandet på Kunstgressbanen, medan kampen mot Dahle gjekk på NEAS arena. Dei 11 jentene var heldige med vêret, nemleg kjempefint haustvêr med sol, når dei tok turen til Kristiansund for å spele to kampar på ein dag. 

Torsdag kveld spela Søya/Todalen sitt G9-lag heimekamp på Søyabanen mot Tingvoll G9. Det var litt «duskregn» under kampen, men det såg ikkje ut til å påverke spelarane sin innsats nemneverdig. Så det vart ein velspela og jamn kamp publikum fekk sjå.