Todalen historielag 2023

Det vart bokstaveleg fortalt ei historisk ettermiddagssstund, da historielaget inviterte til ettermiddagskaffe i Ungdomshuset søndag. Eit førtitals historieinteresserte personar var møtt fram for å ta del i arrangementet til Todalen historielag. Denne søndagsettermiddagen kunne dei by på ei unik utstilling av utskårne storfe og hestar etter Kristoffer Gjeldnes. I tillegg var det historiske videoglimt, som Svein Åge Saksen hadde filma på nittitalet og først på 2000-talet.

Søndag blir du invitert til ettermiddagskaffe! Det er Todalen historielag som står attafor invitasjonen, og det skjer i Todalen ungdomshus søndag 10. februar kl 14. Historielaget har mykje meir å by på enn berre kaffe og kaffebrød. Da blir det visning av gamle videoglimt, der Svein Åge Saksen viser opptak han gjorde for mange år sia – heilt i videofilmens barndom. Treskjerarkunst blir det og vist, for historielaget har fått låne ei unik samlig etter Kristoffer Gjeldnes på Snøya.

Todalen Historielag har alt starta arbeidet med årsskriftet for neste år. Eit tema som vik bli i fokus i neste årsskrift er gamle kjørty, – bilar, traktorar og motorsyklar. Historielaget vil i samband med dette etterlyse gamle bilete av slike kjørety frå Todalen, som vi kan skanne og bruke i årsskriftet.

Søndag presenterte Todalen historielag sitt årsskrift, som er nr 11 i rekkja. No er årsskriftet forlengst kome i salg, og ledar i Todalen historielag Maren Ansnes fortel at salget har gått strykande. Du kan i år kjøpe årsskriftet på bokhandelen i Surnadal, Matkroken L. Hals i Todalen og hos Joker Kvanne. Prisen på heftet er kr 150. I heftet er det presentert stoff både frå gammel og ny tid, og vi trur det finnst interessant stoff for ein kvar smak.

Søndag ettermiddag inviterte Todalen historiealg sine sambygdingar til ettermiddagskaffe og premiere for årsskriftet for 2012. Det skjedde i Todalen ungdomshus, der dei i tillegg hadde invitert Reidar Østvik til å stille ut ein del av sine bilder i samband med arrangementet. Det var stor interesse både for den flotte bildeutstillinga og for det nye årsskriftet, for dei samla rundt 50 personar i Ungdomshuset denne ettermiddagsstunda.

Todalen historielag er klare med nytt årsskrift, og arrangerer tradisjonell lansering i Todalen ungdomshus søndag 25. november kl 13-16. I samband med lanseringa er det og laga ei kunstutstilling, der den allsidige Todals-kunstnaren Reidar Østvik vil stille ut ein del av sine arbeid. Etter lanseringa vil han kl 14 orientere om utstillinga. Historielaget byr sjølvsag […]

Dette bildet har vi fått tilsendt i ein e-post frå Ingri Bruset. Ho skriv:»Eg fann dette bilete i ein gammal album vi har arva etter Helga Gjeldnes (gift Søyseth) frå Oppistua på Gjeldnes. Har lurt på kva for eit hustak vi ser på bilete. Har hatt tankar om at det kunne væra Øya, Øyan eller Pestua? Men svaret dukka opp på baksida av bilete, da eg omsider kom på å ta det ut av albumen!

Det er Sven Olav Svinvik som har det gamle biletet av bussen/lastebilen til Ingebrigt Kvendset (Sandstad). Biletet er frå Svinvika og dei som Sven Olav kjenner er far hans Bjarne og mor hans Anna-Lisa,bestefaren Erik Svinvik, Bengt og Else Maj. Ingebrigt Kvendset står midt på biletet. Trur elles det er folk frå Viastua med på biletet?

Som dei to siste åra blir det også dette året eit arrangement på Åsen Bygdemuseum med Todalen historielag og Stangvik historielag. I år blir museumsdagen ei markering av kulturminnedagen. Den norske kulturminnedagen vert markert kvart år i september, med arrangement over heile landet. Formålet med kulturminnedagen er å bidra til å skape forståing og interesse for kulturminner og kulturmiljø. Årets tema er «Møtestader», noko som passar godt for å markere dagen akkurat på Åsen med si lange historie som møtestad – som soldatgjestgiveri, skysskifte, gamalheim og no som museum.

Surnadal Museum informerer om at museet på Åsen held ope søndag 15. juli frå kl. 12 – 17. Der vert det høve til å sjå seg om i dei fasta utstillingane, og nyte søndagen i vakre omgjevnader. Dersom veret tillet det dekkjer vi på til sommarleg kaffelag i tunet, skriv maja Frønes i ein e-post til Todalen.no, søm ønskejr alle hjarteleg velkomne til museumsbesøk denne dagen.

Søndag kjem det ein heil busslast med 50 pensjonistar frå Vestnes til Todalen og Todalen historielag. Dei vil sjå Todalen, og har eit spesielt ønskje om å sjå Halsesamlinga. Det er Per Bjørn Ellingseter som er reiseledar på turen, og dei skal ta heile rundturen med Svinviks arboret, Gammelfabrikken, Kårvatn og Halsesamlinga som no er på plass i biblioteket på Todalen oppvekstsenter. Nils Ove Bruset frå Todalen historielag blir med som lokal guide på heile turen rundt i bygda og til Svinvika til slutt.

Det var stor interesse for den historiske vandringa som Todalen historielag la opp til i Brusetmarka. Værgudane sørga for at det vart ei vandring på lerretet på Gammelfabrikken for eit stort 60-tal, og det var eit godt alternativ i regnvêret. Finn Talgø var hyra inn som kjentmann og formidlar av historia til Brusetmarka. Han starta med historia om Bjørås og da han og foreldra Erling og Aslaug bodde der. Da han var 15 år, flytta til nybygd bolig på Brekkvoll. Finn tok for seg hus for hus innover grenda, og fortalte om kven som har bodd der og litt om livet i grenda i gamle dagar. Det var også mange publikum som supplerte med opplysningar, og krydra førestillinga med muntre historier frå gamle dagar.