Todalen historielag 2023

Laurdag 1. juni inviterer Todalen historielag til kulturvandring på Husby. Det blir start frå kyrkja kl. 12.00, der er det god plass til parkering. Vandringa vil omfatte Smålandsgrenda, Husbygarden, Fredrikstad, Lauvåskogen og Bekkerhagan. Lokale guidar vil orientere om gammal og nyare historie.

17. maikomiteen har programmet klart for feiring av nasjonaldagen her i Todalen. Det blir i stor grad feiring etter tradisjonelt mønster, og dagen startar med biltog rundt bygda som startar frå Matkroken kl 10 og som går via Gammelfabrikken og endar opp på Bordholmen. Der blir det tradisjonell frokost i regi av fotballgruppa i Todalen I.L.

Todalen historielag melder at det blir årsmøte i Ungdomshuset onsdag 20. mars kl. 18.30.

Todalen historielag fylte ungdomshuset med eit historieinteressert publikum tysdag kveld. Det var folk både frå Todalen og lengre unna som er historieinteressert og det er godt oppmøte på arrangementa til historielaget. Denne gongen var det filmkveld, og det vart vist historiske glimt med stor variasjon – men først og fremst var det todalsfurua – eller todalstolla – som var i fokus. Svein Åge Saksen viste filmsnuttar, med egne opptak som var frå 80- og 90-talet. Veldig artig å sjå att dette, som no er verdifull historisk materiale.

Tysdag 26. februar blir det filmkveld i Ungdomshuset. Todalen historielag er arrangør, og Svein Åge Saksen viser film frå eit rikhaldig arkiv. Filmframsyninga startar kl. 19.30.

Vi har tidlegare skreve om orgelet i Todalen kyrkje som no er under oppussing, og at det vart starta opp kronerulling for å dekkje vedlikehaldsbehovet. Anders Gjeldnes i Todalen sokneråd kan no fortelje at det så langt er komme inn i underkant av 25 000 kroner til formålet frå ulike hald i bygda, kor Todalen Historielag har bidrege med heile 20 000 kroner av desse.

Søndag ettermiddag arrangerte Todalen historielag ettermiddagskaffe i Ungdomshuset. Som vanleg trekte arrangementet mange historieinteressert for å høre Helge Husbys kåseri om slaget i Gratangsbotn den skjebnesvangre aprildagen i 1940. Det har nærast vore lagt lokk på denne hendinga – både i Gratangsbotn og deltakarane i Trønderbataljonen som var i harde kampen under slaget her den 25. april 1940.

Førstkomande søndag, 20.januar kl. 15.00, inviterer Todalen historielag til ettermiddagskaffe i Ungdomshuset. Helge Husby frå Tingvoll har skrive bok om slaget i Gratangsbotnen i 1940 der mange frå gamle Stangvik kommune deltok. Dette er utgangspunktet for kåseriet Helge Husby vil halde i Ungdomshuset.

Det er heilt utruleg, sa leiar John Moe, da ha ønska over hundre deltakarar velkomne til boksleppet til Todalen historielag på Gammelfabrikken. – Det vitnar om at det er stor interesse for bygdehistoria, og at todalingane er flinke til å ta vare på historia si.

I det nye årsskriftet som Todalen historielag skal presentere komande søndag er det mykje godt stoff. Årsskriftet startar med ein artikkel om Leif Halse og hans liv og virke, både som «far» til Vangsgutane, som bygdebokforfattar, musikar, idrettsmann og ikkje minst kulturberar. Vidare er det ein artikkel om Dalavegen, om dei 5 søstrene i Andersstua der 4 vart jordmor. Det fortsett med mjølkerampar og mjølkekjøring, både med lastebil og med hest og vogn. – Vi har kika litt i heftet og kan like godt konkludere med at det er litt for ein kvar smak.

Søndag ettermiddag er det nytt bokslepp for Todalen historielag. Da er det klart for premiere for årsskriftet for 2018, som da er klart frå trykkeriet og dermed klart for utdeling og sal. Heilt nytt denne gongen er det at boksleppet skjer på Gammelfabrikken i Brusetmarka.

Over 100 turruter var med og kjempa om å bli kåra til Noregs beste turrute, og Svinvikrunden kom til slutt på 8. plass! Og i følge NRK fekk Svinvikrunden flest stemmer av turrutene i Møre og Romsdal. Det var Madonnastien i Eggedal i Buskerud som flest stemmer.