Todalen historielag 2023

Laurdag 9. juni drog Stangvik historielag og Todalen historielag på tur til Valsøyfjorden. Bussen var full, 50 turistar i alt, og mange av turdeltakarane vart rett og slett overraska over kor mykje spennande og interessant vi kunne få sjå og oppleve berre ved å ta ein kort tur til nabokommunen. Guiden vår, Bjørn Fjærli, skal ha mykje av æra for at det vart ein så vellukka dag. Han var kunnskapsrik og flink til å fortelje!

Onsdag kveld i nydeleg ver vart ei ny og fin informasjonstavle oppsett ved starten av Svinvikrunden. Her kan ein lese historie om dei tre vegane som har utgangspunkt i Svinvika- vegar som er bygde i kvart sitt hundreår. Vidare er det opplysningar om trimruta, altså, Svinvikrunden, kart og bilete

Nordvik grendalag og Todalen historielag har fått laga ei informasjonstavle om Svinvikrunden. Det blir avduking av tavla onsdag 6. juni i Svinvika. Dette skjer kl. 19.00.

At Todalen historielag klarer å samle nærare 40 interesserte til historisk vandring på ein laurdag ettermiddag er jammen godt gjort. Men laurdag var det faktisk slik, da historielaget gjorde sambygdingane kjent på Kvennsetgarden – eller rettare sagt resten av Kvennsetgarden

Sjølv om dei kom landevegen kan ein neste seie at dagens besøk i Todalen var dei første cruice-gjestane i år. Det var Nordmøre Senioruniversitet som kom med ein busslast, og starta sitt program I Svinviks arboret og fortsette til Halsesamlinga i skulen, og runda av med litt Talgø-historie og ein kaffedråpe på Gammelfabrikken før dei drog vidare til Surnadal.

Laurdag er det duka for siste etappe på kulturvandringa på Kvennset, og det er Todalen historielag som er arrangør, fortel John Moe som er leiar i historielaget. Kulturvandringa både startar og sluttar på Bordholmen, og her blir det kaffepause etter at kulturvandringa er fullført.

Todalen historielag melder at det blir årsmøte Ungdomshuset tysdag 20. mars 2018 kl. 19.30

Det var fullt hus i Ungdomshuset da leiaren i historielaget, John Moe, ønskte vel møtt til filmkveld i Todalen ungdomshus. Det er tydeleg at folk set pris på historiske tilbakeblikk. Den nære historia er for mange minst like interessant som det som er meir fjernt.

Tysdag 27. februar blir det filmkveld i Ungdomshuset. Todalen historielag er arrangør, og Svein Åge Saksen viser film frå eit rikhaldig arkiv. Filmframsyninga startar kl. 19.30.

Interessa for lokalhistoria er stor i Todalen. Søndag samla Todalen historielag eit 60-tals historieinteressert frå Todalen og omegn til ettermiddagskaffe i Todalen ungdomshus.  Nils Røv var hyrt inn som kåsør og underhaldar, og det var ei oppgåve han kom seg godt ut av. Nils Røv hadde to sekvensar, der han i første del fortalte lokale […]

Førstkomande søndag, 21. januar kl. 15:00, arrangerer Todalen historielag ettermiddagskaffe i Ungdomshuset. Denne dagen blir det program med Nils Røv som både kåserer, viser bilete og spelar munnspel!

Boksleppet til Todalen historielag trekte rundt 70 historieinteresserte til Todalen ungdomshus i dag. Det var nemleg premieredag for årsskrift nr 16, og Todalen historielag kunne med stolthet presentere 84 sider med god og variert lokalhistorie mellom dei to permane. I Todalen er det knytta stor interesse til arbeidet med lokalhistoria, og historielaget har da også rundt 200 medlemar, og det seier sitt.