Todalen bøgdalag

I går kveld og i føremiddag har det vore stort engasjement på juletorgfronten. Julegrantenninga skal foregå ved Matkroken/Heitt & Svett, og nytt i år er at det blir torgsal i tilknyting til arrangementet. Det blir start på julegrantenninga kl. 16.15 – altså etter at butikken er stengt.

Laurdag kveld inviterte Todalen IL og Todalen grendalag sine sambygdinger til julebordsfeiring i Todalen Ungdomshus. Med komite og gjestar var det no eit godt 60-tals som vart traktert med prima julemat – fleire variantar med ribbe, pinnekjøtt og mykje anna godt – og riskrem til dessert etterpå.

På laurdag er det klart for julemarked og julegatetenning på Matkroken. Mange har meldt si interesse til å stå på stand for å selge ulike saker og ting. Det blir også ei eiga bod  salg, kjøp og bytte av skiutstyr. Det som ikkje blir seld eller bytta bort må den enkelte ta med heimatt på grunn av manglande lagring.

Det er enno ikkje for seint å bli med på julebordet i Todalen ungdomshus laurdag 23. november, fortel Nils Ove Bruset som er leiar i Todalen IL og vertskap for julebordet saman med Todalen Grendalag. Når påmeldingsfristen gikk ut var det påmeld rundt 60 deltakarar, og det teiknar til å bli eit livat arrangement seier Nils Ove. – Vi har mat og plass til nokre fleire deltakarar, så det er berre å ta med god humør og kome på julebord.

Erling Talgø har tenkt på prosjektet med juletre på Holmen i fleire år. No til jul skal det realiserast, fortel Erling og sambuar Maria Hagerupsen til Todalen.no. – Juletreet på bildet er nok i minste laget og juletreet på Holmen blir nok ikkje mykje granbar på. Kanskje blir juletreet på Holmen Norges lengste på 36 meter i ei stålmast som blir bardunert godt fast.

Laurdag 30.november vil det bli julegatetenning ved Matkroken Todalen frå klokka 16:15 til ca. 18:00. Todalen Grendalag er arrangør og dei inviterer til nytenking med julemarked i tillegg.

Todalen idrettslag og Todalen Grendalag inviterer alle sine sambygdinger til julebord i Todalen ungdomshus. Det skjer den 23. november kl 20.00, dermed er det klart at dei gjentek suksessen frå i fjor med lokal julebordsfeiring i Ungdomshuset. Julebordet er ope for alle, og vi trur dette blir eit triveleg kalas, med mykje god julemat og god julestemning rundt borda i ungdomshuset, seier leiar i Todalen I.L. som presenter plakaten for Todalen.no.

I dag vart den lokale handledagen markert på Matkroken Todalen og på rundt 400 andre nærbutikkar rundt omkring i landet. Det vi først og fremst har sett i fokus er kor viktig nærbutikken er i mange bygder, og ikkje minst i Todalen der vi er i overkant av 300 innbyggarar, seier Terje Nordvik som er drivar av Matkroken Todalen. På Matkroken Todalen var det i dag gratis servering av kaffe og nystekte bakels med graut – og det sette folk skikkeleg pris på. Todalen sanitetsforening sørga for serveringa.

Laurdag 19. oktober er den store handledagen for alle butikkar som er med i Merkurprogrammet for levande utkantbutikkar over heile landet. Matkroken Todalen er ein av desse butikkane, og komande laurdag blir det liv både i Kaffekroken, der det blir servering av bakels og graut til gratis kaffe – og i butikken der mange gode tilbud skal gjera det ekstra lønnsomt å handle denne laurdagen.

Det er nok litt tidleg med julebord enno, men det er på høg tid å starte planlegginga for å sette av datoen, seier Nils Ove bruset som er leiar i Todalen Idrettslag. – Vi skal bygge vidare på julebordsuksessen frå i fjor, da rundt 70 personar deltok i julebordsfeiringa i Ungdomshuset. I år er det laurdag 23. november som er den magiske datoen for mykje god julemat og mykje julestemning i Todalen ungdomshus.

Noko som starta som eit sosialt forslag på Todalen Grendalags facebookside resulterte i går i 20 deltakere på den første «Klåppkaffekåppen» i bygda. Da var nemleg den første samlinga på kloppa på Bakkå hos Maria Hagerupsen Halle.

Tidlegare i sommar vart det arrangert infomøte med tanke på å etablere eit infopunkt i Todalen, der folk kunne finne informasjon om Trollheimen og tilrettelegging for bruk av verneområdet og resten området. Da vart det sett ned ei arbeidsgruppe som skulle jobbe med å etablere ein innfallsport og kvar den skulle plasserast. Gruppa består av Hege […]