Todalen sanitetsforening starta årets sanitetsveke med ope infomøte om NKS sitt prosjekt for å hjelpe folket i Etiopia til å kome igang med stifting av sanitetsforeningar. Det er eit skrikande behov for å kome i gang med organisering av helsearbeid i Etiopia, men dei lyt starte frå grunnen med opplysningsarbeid og før dei kan bygge opp eit organisert apparat til hjelp i helsearbeidet.
Les heile saka
På Pakkhuset kro er det duka for skaldyrfest laurdag kveld. Det er Todalen I.L. som inviterer sine medlemar til ein kveld fri for dagnad og andre plikter, og med skaldyr på menyen, fortel leiar Karin Halle. Rundt 50 er alt påmeld, men det er plass til fleire og det er berre å ta kontakt og melde seg på. Festa startar frå kl 19 og ca kl 21 blir det quiz….
Les heile saka
Styret i Todalen I.L. inviterer alle medlemar til skaldyrfest laurdag 27. september på Pakkhuset Kro. Det siste året har det skjedd så mykje at no er det på tide at vi alle samlast til ei fest, der alle saman kan være gjestar og ha tid til å slappe av og kose seg, seier leiar i Todalen Idrettslag, Karin Halle. Ho nemner både treningsstudio, lysløpe, fotball, laksefestival og mykje meir – det har nærast vore dugnad og arbeid heile året, så no er det på tide med ein frikveld. Vi har så mykje å takke alle for!
Les heile saka
Veka som gikk var det mange aktivitetar på skulen. Måndag var heile skulen på tur til Vorpneset. Der vart vi godt mottekne av ein flokk nysgjerrige kyr som hadde lyst på kos og klapp. Området vart godt undersøkt med leik i skogen og leiting etter krabbar, skjel og smådyr i strandkanten. Det var og dei som prøvde fiskelykka.
Les heile saka
Laurdag vart ein historisk dag på Kvennset. Da fall den første elgen på legmålet, og det var Kvennset jaktlag som felte ei elgku og kalv i Dumpa, vest for Arnslåhammaren. Elgane vart skotne i 10-tida, og dei kom på postrekka før jagarane hadde starta jaginga.
Les heile saka
Denne veka har barnehagen og 1. og 2.klassen lart om brann og sikkerheit. Det er viktig å kunne litt om det dersom situasjonen oppstår, og kva ein kan gjera. Dei eldste i barnehagen hadde bedd med 1. og 2. klassen på turen til Surnadal brannstasjon. Vi fekk omvisning av Jon Nordvik som viste fram brannbilane og redningsutstyret. Vi fekk sjå varmesøkande kamera, brannbåt og tankbil. I tillegg viste han kor viktig det er å feste sikkerhetsbeltet på rett måte når ein skal køyre bil og buss.
Les heile saka
Snart er det tid for «Hjortfest» igjen – 22. november er datoen for årets arrangement, melder Håvard Halset i Hjortfest-komiteen. I år er det jaktlaget på sørsida som er hjortfestkomitee, og vi kan vel vente oss ein skikkeleg smakebit både frå scena og frå kjøkkenet. I første omgang er det berre å sette av datoen, slik at du har kvelden ledig – og kanskje det lønnerseg å bestille billett dersom du skal ha «heimreishelg»
Då var det endelig klart for å annonsere vinnaren av månadens bilete for august, etter ei avstemning kor det var mange bilete som lett hadde gjort seg som postkort. Vi gratulerer Ingri Bruset som vinnar med biletet «Julikveld», eit bilete som definitivt fanga stemninga på en fin sommarkveld.
Les heile saka
Anders Gjeldnes fikk denne veka eit blinkskot på sitt viltkamera. Han har nemleg eit viltkamera ståande ein plass opp lia ovafor Hjellnes, som følger med kva som rører seg på stien som går rett forbi. Kameraet har no stått ute sia august, og det har fange inn både hjort og elg i tillegg til gaupa som vart fangsten denne veka. Men moskusen derimot, har så langt ikkje lagt ruta om kameraet til Anders.
Les heile saka
Måndag 22. spetember inviterer Todalen sanitetsforening til ope møte om NKS sitt prosjekt for å hjelpe til å etablere sanitetsforeniger i Etiopia. I samband med dette vil ledar i Møre og Romsdal sanitetsforening Ellinor Bolme og sjukepleiar Thea Brevik orientere om prosjektet og helse, omsorg og kvinnerolla i Etiopia i dag. Dette fell saman med sanitetsveka der temaet i år er vald.
Les heile saka
Førstkommende onsdag serverer Eldremiddagen Todalen serverer “Kjøtt og Påsse” og med tradisjonelt tilbehør. Tradisjon tro har de også i år invitert ordfører og rådmann, samt medlemmene i Eldrerådet i Surnadal Kommune denne dagen.
Les heile saka
Laurdag morgon vart det gjort ein ny observasjon av moskusen som har vore på vandring i Trollheimen. Da vart den observert på Hjellnes i Todalen, så han har nok halde stø kurs vestover frå Dalabotnan der han var observert for ei veke sia. Det var Per Åke Jakobsson som fikk sjå moskusen frå kjøkenvidauga heime i Oppistua.
Les heile saka