I fjor fekk Todalen sanitetsforening tildelt 300.000 kroner frå Stiftelsen Dam til prosjektet «Inn på tunet». På fredag kom nok ei «gladmelding», nemleg at Stiftelsen Dam løyver ytterlegare 300.000 kroner, til vidareføring av prosjektet. «Inn på tunet» er eit tilbod om helgaopphald for pårørande og personar med dement kognitiv svikt, som blir drive av Helga Bele, i Bæverfjord og Solveig Haglund, i Surnadal
Les heile saka
Todalshytta minner om balldagen idag, og startar serveringa frå kl 15:00 og utover. Fritt val mellom potetball og sildball med tilbehør. Bestill gjerne på telefon/SMS til 975 16 103
Styret i Todalen Elveeigarlag minner med dette om sitt årsmøte i Todalen Ungdomshus tirsdag 12. april kl. 19.30. Alle medlemmer er velkomne til årsmøtet.
Det blir vanlege årsmøtesaker og enkel servering.
Langfredag, no på fredag 15. april, inviterer «Skihyttegjengen» til den tradisjonelle «Kjerringdilten» på Skihytta. Som vanleg har «Kjerringdilten» start ca. klokka 13:00 og her blir det berre konkurrert på idealtid. Vandrepokal til vinnaren, og elles mange «fine premiar» til dei som deltek.
Les heile saka
Etter to års koronapause inviterer Åsskard kyrkje igjen til Påskesongmesse langfredag kveld klokka 19.30. Prest Cathrine Grutle, koret «Prosjekt 17», organist Bernt Bøe, lesarar og instrumentalistar tek forsamlinga med på ei tekstleg-musikalsk temavandring frå palmesøndag til påskemorgon
Les heile saka
Vi har fått melding frå Todalen Elveeigarlag og formann Asbjørn Karlsen om at Todalen Camping førebur seg på ein ny sesong. Det planleggast opning frå 1. mai i år, og campingplassen vil bli dreve av Todalen Elveeigarlag
Les heile saka
Med «vêrbruket» som har vore dei siste dagane, så er det ikkje akkurat våronn med utplanting av blomster og kjøp av hagemøblar som ligg fremst i dagsplana. Men etter ein periode med dårleg vêr så kjem det alltid ein periode med bra vêr, og da er det bra å være litt førebudd! På Hageland Surnadal har dei jobba med våren i sikte dei siste par månadene, og no er det meste på plass i butikken. I helga markerast starten på ein ny vårsesong med søndagsopen butikk og nye opningstider – på Hageland blir nemleg butikken open heile påska!
Les heile saka
I dag er det eit klart bodskap frå varsam.no – Unngå alt skredterreng! Mykje snø og kraftig vind gjer at det kan gå svært store og naturleg utløyste snøskred. Det store snøfallet i går og blaut, tung snø kombinert med regn har gjort at skredfaren i dag er på raudt nivå for Trollheimen.
Les heile saka
Også i år har Statkraft, gjennom Rossåa settefiskanlegg, planta øyerogn. Dette gjorde gjengen ved settefiskanlegget fredag 18. mars, og øyerogna vart planta ovanfor Brusetbrua og oppover mot Fosstrøin, og nedstrøms ved Øyabrua. Nytt av året, er at øyerogna er fargemerka. På biletet under kan ein sjå fargeforskjellane før og denne fargemerkinga.
Les heile saka
I kveld er det tredje og siste sjanse for å sjå framføringa av russerevyen «Surnadalsrussen på filmkveld». Det har vore godt billettsal til revyen, men dersom du er kjapp så er det enno nokre få billettar ledige til kveldens førestilling, som startar kl 18:00. Vi hadde gleda av å få med oss førestillinga fredag kveld, og hadde ei fornøyeleg stund med skikkeleg god underhaldning frå scena
Les heile saka
Fredag 22. april frå klokka 19:00, har IL Søya gleda av å invitere til fotballquiz i Bondehuset. Quizmastere for kvelden er NRKs Tete Lidbom og Sven Bisgaard Sundet. Duoen, som er mest kjent frå fotball-podcasten Heia Fotball, skal straks i gang med Norgesturné med heilt nytt show, men før turneen kjem dei altså på besøk til Bondehuset i Stangvik. Heia Fotball er ein av Norges mest høyrte fotballpodcaster, og bakgrunnen for at Tete og Sven kjem til Bondehuset, er at det under fjorårets TV-aksjon var mogleg å by på ein kveld med underhaldning frå desse to. Sidan vinnarbodet kom frå «Søyaland» blir idrettslaget med som arrangør for å få til ein trivelig kveld, som flest mogleg får gleda av.
Les heile sakaI ei pressemelding frå Svinviks arboret akkurat no, har vi fått beskjed om at dei dessverre må avslyse morgondagens planlagte podeverksted. Avlysinga skjer på bakgrunn av vêrmeldingane som gjeld for morgondagen, som seier at det skal bli ein del nedbør med temperaturar ned mot null grader.
Les heile saka