Foto: Jo Gjeldnes
Hopp under nyhetssakene
Todalsdagen 2012

Todalsdagen 2012

Sjå programmet for todalsdagen!

30. juni er det klart for Todalsdagen 2012, med lotteri, fotball, kiosk, grilling og loppemarknad på Bordholmen. Nytt av året er «Ræta opp», som vi håpar mange deltek på. Les mer om mosjonsløpet her.

Program

09.00 – Kiosken åpnar
09.30 – Start på lillegutturnering
10.00 – Start på mini- og knøttekamper
10.00 – Loppemarknaden åpnar
10.05 – Grillen tennes
12.00 – Ræta opp (last ned flyer)
14.30 – Trekning Superlotteriet
15.45 – Finale i fotballturneringa
16.20 – Seremoni

Kårvatn Fjellutstyr har åpent 10 – 17. På kvelden er det pubkveld på Pakkhuset Kro, som åpnar klokka 21.00.

Velkommen til Todalen den 30. juni!

Først publisert: 19. juni 2012, 16:15 - Sist oppdatert: 1. juli 2012, 13:29

Nyheter knytta til Todalsdagen 2012

KNALL TODALSDAG!!

Elinor Bolme Laurdag 27. juni 2015

Nok ein gong kan Todalen IL sjå tilbake på ein vel gjennomføret todalsdag med ypperlege verforhold til dei mange hundre frammøtte på Bordholmen Stadion. Her var det full fart for knøttespelarar, miniar og lilleguttar på fem banar til ei kvar tid.


– Klare for konsert på Todalshytta

Jon Olav Ørsal Laurdag 27. juni 2015

Da vi stakk innom Todalshytta i ettermiddag, pågikk øving og finpuss til kveldens konsert. Asle Beck, Yngve Kristiansen og Gunnar Westlie satt i kråa ved inngangen og finpussa på kveldens repertoar, og trioen gledde seg til å starte konserten på bakken framfor Todalshytta i det fine sumarvêret. Konserten på Todalshytta er eit samarbeid med Todalsdagen […]


Dugsnadsinnspurt på Bordholmen….

Jon Olav Ørsal Fredag 26. juni 2015

Dugnadsgjengen på Bordholmen er komne i innspurtsfasen, og etter kvart blir nok alt klart til Todalsdagen før dei tek kveld. Det er montert telt og plassert ut bord og storgrillen er komen på plass og klargjort for storproduksjon av kotelettar, hamburarar, vårrullar og laksekotelettar. Klargjering av maten var ein anna dugnadsgjeng i arbeid med i Ungdomshuset.


Fotball på 5 banar på laurdag

Jon Olav Ørsal Fredag 26. juni 2015

Fredag ettermiddag var banekomiteen i full gang med merking av fotballbanen på Bordholmen. Laurdag er det cupfotball frå morgon til kveld, og det kjem til å bli aktivitet på 5 banar gjennom heile dagen.


Programmet for Todalsdagen

Jon Olav Ørsal Torsdag 25. juni 2015

Programmet for Todalsdagen er klart – både digitalt og på papir, fortel Knut Bergli i Todalen I.L. Har har jobba for å få på plass kampprogrammet for fotballcupen, men det har vore nokre utfordringar for å få alt på plass. I første utgåva manglar nokre av kampane, men vi kjem til å oppdatere etter kvart […]


Har du lopper til loppemarknaden?

Jon Olav Ørsal Onsdag 24. juni 2015

Fotballgruppa og Trim/allidrettsgruppa har lang tradisjon med loppemarknad under Todalsdagen, og no er det tid for å rydde litt i garasjen, på loftet eller på andre plassar – kanskje du har saker og ting som du kan gi bort til oss som lopper, lurar Borghild Talgø i Todalen idrettsalg. Alt er av interesse, men må […]


Effektiv dugnadsgjeng

Elinor Bolme Tysdag 23. juni 2015

Ved første augekast var det ikkje imponerande oppmøte på idrettslagets dugnad for å klargjere Bordholmen til Todalsdagen i kveld. Men etter kvart dukka det opp karar kring hus og tribuner med både river, kantryddarar, skruvjarn, vaskarbøtter og slegger. Alt av gras var slått, både på og utanfor banen, og det meste frakta bort.


Laurdag kveld er Todalshytta treffpunktet!

Jon Olav Ørsal Tysdag 23. juni 2015

Laurdag kveld er det klart for gjenyn med musikaren Asle Beck. Da kjem Asle til Todalshytta for å halde konsert saman med musikaren Yngve Kristiansen. Konserten er eit samarbeid med Todalsdagen og Todalshytta , og det også høve til å smake på grillmaten og andre godsaker før konserten – dørene opnar kl 19.


Tysdag: Dugnad på Bordholmen

Jon Olav Ørsal Sundag 21. juni 2015

Tysdag kveld kl 18:00 samlast vi på Bordholmen og pyntar opp anlegget til Todalsdagen. Ta med høveleg utstyr som kankløppar, rive etc. slik at vi får unna både slåttaarbeid og rydding elles, melder Gudmund Kvendset i banekomiteen.


Planlegg ny konsert under Todalsdagen

Jon Olav Ørsal Sundag 21. juni 2015

Konserten på Gammelfabrikken ga meirsmak for Eric Malling og Knut Bergli. No planlegg dei ny konsert under Todalsdagen 27. juni – eit samarbeid mellom Todalshytta og Todalen Idrettslag. Denne gongen kan dei by på konsert med Asle Beck og Yngve Kristiansen – utekonsert på den nye scena framfor Todalshytta.


Todalsdagen 2014 – lagfoto av alle deltakarlag

Jon Olav Ørsal Sundag 29. juni 2014

Vi på Todalen.no held på tradisjonen med å ta bilde av alle deltakarlaga under Todalscupen. Vi tykkjer alle dei flinke deltakarane fortener det – som står på frå tidleg morgon til langt på ettermiddag. Dei spelar fleire kampar gjennom dagen, og har i tillegg overskot til å delta på RætaOPP junior og drive med landhockey og trøbilkjøring i pausane. Det må være godt å koma heim og kanskje leggje seg tidleg etter ein slik dag?


Todalsdagen – eit stor løft

Jon Olav Ørsal Sundag 29. juni 2014

Todalsdagen er eit stor løft for bygda som berre har 320 innbyggjarar. Alle må være med og ta eit tak for at ting skal kunne realiserast. Todalsdagen engasjerte eit hundretal av sambygdingane og andre for å få det til å gå i rundt.