No er det tid for å kåra månadens bilete for august. Sjølv om temperaturane dei siste dagane har vore høge, har vi no teke farvel med dei tradisjonelle sommarmånadane. Bileta ber preg av at hausten er på veg og det er mørkare på kvelden.
Les heile saka
Surnadal Lastebilveksted (SLV) driv ikkje berre med reparasjon av lastebilar. I dag er også traktorar og landbruksmaskiner ein viktig del av kundeporteføljen for SLV. Verksmeister Halvor Drøpping fortel at SLV gjennom avtale med Nordlund Maskin har inngått eit samarbeid om vedlikehald og reparasjon av traktorar og landbruksmaskiner. Dette kan skje både på verkstaden på Vasseng eller heime hos kunden, med SLV og Nordlunds fullt utrusta servicebilar som er ”rullande verkstader”.
Les heile saka
Førstkommande torsdag, den 8. september startar dametrimen oppatt. Den første gongen etter ferien tek dei økta utandørs, med ein tur opp til Todalshaugsetra torsdag . Avgang frå Todalshaugen kl 18.30.
Frå og med 15. sept er det trening i gymsalen på Todalen Skule torsdagar frå 20.00-21.15 melder instruktør Turid Hals Sæther.
Klubbmesterskapet i terrengsykling arrangert av Trollheimen Sykkelkubb vart vunne med knappast mogleg margin av Lars Petter Solli. Andreplassen tok Rune Kvande, av dei 7 som konkurrerte i herreklassen. Berre ei stilte i dameklassen.
Les heile saka
Denne laurdagen var det Senterpartiet som dreiv valgkamp utafor ICA Todalen. Det var dei tre listekandidatane frå Todalen, forsterka med ordførarkandidat Bernt Venås og kandidatane Margrete Svinvik og Janne Husby Haugen. I kjølvatnet av tunnelmøtet sist onsdag var det nok naturleg at tunnelspørsmålet var eit heitt tema. Venås sa at Senterpartiet går for å jobbe […]
Les heile saka
Torsdag 1. september la 25 frå Stavganggruppa turen til Storhaugen i Todalen, og Per Bruset var kjentmann på turen. Turen opp gjekk delvis gjennom tett granskog, men etter kvart opna landskapet seg, og meir og meir av Todalen kom til syne mellom trestammane. Vel oppe på Storhaugen kunne alle nyte den strålande utsikta over dalen med fjord og fjell, og som vanleg hadde Martinus bestilt finver og ei strålande sol. Før vi drog ned, fortalde han om grender og fjell som vi kunne sjå her frå Storhaugen. Takk til alle for ein kjempefin dag!
Les heile saka
Store nedbørsmengder hindra I.L. Ulvungen og Todalen I.L. i å gjennomføre årets Trollheimsmarsj søndag 28. august. Arrangøren melder at det ikkje har vore muleg å arrangere på ein alternativ dato i år. Dermed er årets Trollheimsmarsj avlyst, og neste sjanse blir siste helg i august i 2012. Nils Ove Bruset i Todalen I.L. er lei seg for at marsjen måtte avlysast, men han seier til Todalen.no at det var uforsvarleg å arrangere under slike vêrfor. Søndag formiddag kom det nerare 35 mm nedbør i Todalen i løpe av nokre timar.
Laurdag klokka 14.30 er det klubbmesterskap i Trollheimen Sykkelklubb melder Halvor Drøpping. Løpet startar frå Nordvik og går til Kårvatn og er eit terrengritt på 30 kilometer der terrengsykkel er påkrevd for dei som deltek i konkuranseklassen. Men ellers er det høve for alle til å møte opp og ta det som ein trimtur. Påmelding frå kl 14.00.
Les heile saka
Det kom folk heile Indre Nordmøre for å få med seg debatten på tunnelmøtet i Todalen Ungdomshus onsdag. Da initiativtakar til møtet, Ragnar Halle ønska velkomen, var Ungdomshuset fylt til siste plass. Og han sa at han trudde ikkje det har vore så mykje folk i Ungdomshuset sia sist det var Bekkerfest på slutten av 60-talet. Det var fullt både i storsalen, matsalen og på galleriet, og i tillegg stod det folk rundt omkring der det var plass. Møteledar var TK-redaktør Tore Dyrnes, og han gikk rett på sak med eit anstrengt program som varte i to og en halv time.
Les heile saka
Førstkommende laurdag arrangerer Surnadal Velværesenter danselaurdag for unger. Det blir to puljer; ei for dei mellom 8 og 12, og ei for dei over 12 år. Her vil det bli hip-hop, samba, disco og fridans. Les plakaten her.
Les heile saka
Onsdag var det nest siste sykkeltrim for i år. Det går no mot haust og mørkare kveldar, og det er snart på tide å runde av årets sykkeltrim i Trimgruppas regi. Onsdag 14. september altså siste runde, og da blir det trekning av sykkellotteriet og premiering. Men gjengen som møtte på onsdags sykkeltrim hiva seg på sykkelen så snart fotografen var ferdig, og etterpå var det nystekte bakels med tilbehør.
Les heile saka
Då melder Todalen Sanitetsforening om at det vil bli moglegheiter for å bestille time for fotterapi med fotterapeut Olaug Aspill igjen. Ho tek turen til Sanitetshuset 6., 8. og 9. september. For bestilling av time er det berre å ta kontakt med Marit Sanden Søyset på mobilnummer 980 36 391.
Les heile saka