Komande helg er det markering av 50-årsjubileum for konfirmantane i 1963. Det året var det 11 konfirmantar i Todalen kyrkje, og laurdag 7.9. om kvelden er dei invitert til jubileumsmarkering i Todalen ungdomshus, saman med årets konfirmantar og andre som har lyst til å delta. Søndag 8.9. er jubilantane spesielt invitert til å ta del i gudstenesta i Todalen kyrkje.
Les heile saka
Det blir soknerådsval i “Skulstuå” måndag 09. september 2013, kl. 12.00 – 20.00 og det skjer samtidig med Stortingsvalet. Det er i år 2 medlemar, samt 3 varamedlemar som skal velgast; Knut Halset og Ildri Sjøland Øyen (frå det “gamle” soknerådet ) fortsetter i 2 år til, sammen med dei som bli valt inn i soknerådet under valet den 9.september. Valg for “berre” 2 år denne gong; – i 2015 blir det valg for 4 år i soknerådet.
Les heile saka
Stavganggruppa i Surnadal Pensjonistlag arrangerte «TROLLHEIMEN RUNDT» med middag på Gjevilvasshytta og kafferast ved dammen på Granasjøen sist laurdag (31. august). Tross berre så høveleg turver fekk vi godt innblikk i og utsyn over dei største hovudvasskjeldene til både «Driva» og «Svorkmo» kraftverk. Dessuten; på Gjevilvasshytta meska vi oss med ein treretters middag.
Les heile saka
August har vore makalaus på alle vis. Det store raset uti Stranda gjorde att august månad var heilt annleis enn kva folk hadde planlagt. Men folk vart ikkje rådlause av den grunn, og vi har gjennom ein heil månad vore vitne til både stor kreativitet for å finne løysingar og stor innsats frå alle kantar for å gjennomføre tiltak og sette ting i system. Det har vore stor fokus på raset og aktivitetane i etterkant, både i riksdekkjande, lokale og ikkje minst sosiale media. Det høyrer nok tida til.
Les heile saka
Er du på jakt etter å kjøpe måleri av Olav Halse, så er Bygdadagen i Halsahallen rette plassen. Der blir det nemleg aukjon på 3 måleri av Olav Halse samt 2 måleri til denne dagen. Auksjonen skjer i regi av Halsa Heimbygdlag, og startar i Halsahallen søndag 8. septeber kl 14. Du kan studere måleria på standen til Halsa Heimbygdlag på førehand.
Les heile saka
På sjølvaste valgdagen lovar entreprenørane og Statens vegvesen at vegen inn til Todalen skal opnast. Etter at det meste av ryddejobben er unnagjort, vil arbeidet med å rydde og utbetre sjølve vegbanen starte. Det er entreprenørane Mikkelsen Maskin og Vatn Maskinstasjon som har gjort ryddejobben, og som skal fortsette med vegarbeidet i neste veke, skriv tidsskriftet Våre veger, der sjefingeniør Ivar Hol er full av lovord om entreprenøranes arbeid i rasområdet.
Les heile saka
Eldremiddagen i Todalen starter opp etter sommerferien førstkommende onsdag til vanlig tid. (13.00), melder Martinus Torvik i eldremiddagen. Kokker blir Brit og Jorunn. Utenbygdsboende gjester blir anbefalt å ta passasjerbåten «Tollesund» fra Svinvika klokka 12.15. Dere vil bli hentet på kaia i Todalen og kjørt til Sanitetshuset.
Les heile saka
Søndag blir det Fjord-cruise med sundbåten «Framnæs», kapproing mellom kyrkjebåtane «Hjelmkonnå» og «Halsabrura» og rikhaldig museumsprogram pregar komande søndag i Bøfjorden. Nye «Framnæs» – bygd på Kleivset i fjor – er i seg sjøl ein attraksjon. Denne dagen kan passasjerar få flotte og billege turar med båten. Det er Bøfjorden sjøbruksmuseum som står for arrangementet, fortel Bernt Bøe til Todalen.no.
Les heile saka
Todalen idrettslag er komne til innspurten på arbeidet med det nye treningssentret på Kvennset. Det har no vore montering og rigging av utstyr nokre kveldar, og det store spørsmålet er kva namnet skal bli. Todalen idrettslag har tidlegare lyst ut namnekonkurranse for treningssentret, og det er kome inn fleire forslag som vi skal presentere her. Tidlegare har bygget husa både BP bensinstasjon, Postkontor og solstudio. Bli med og stem fram ditt forslag slik at det kan lagast skilt til å montere på veggen.
Les heile saka
Det er sikkert mange som er utålmodig og tykkjer det går sakte med sikringsarbeidet på rasstaden i Stranda. Men det er full aktivitet kvar dag, og vi hører mange «drønn» frå dynamittsalver gjennom ein dag. Sakte men sikkert blir det veg oppover rasområdet, men dette er vanskeleg og risikofylt arbeid som berre må ta litt tid.
Les heile saka
I kveld er det premiere for nylaga video om ferjeturen frå Todalen til Kvanne «minutt for minutt». Ein treng vel ikkje grave så djupt etter den ideen, etter NRK har vist Hurtigruta langs kysten på denne måten. Etter at skipperen «nylanserte» ideen søndag, vart det bestemt at turen frå Todalen måndag kl 9.15 var eit høveleg tidspunkt. Visste at Jon Are Husby hadde litt erfaring med dette, og han var habil til å være med på eit forsøk.
Les heile saka
Etter vurdering av fleire innspel har Surnadal kommune igjen gjort nokre få justeringar i rutetidene for skyssbåten MS Tollesund til/frå Todalen. Endringane gjeld frå tysdag 27. august melder rådmann Knut Haugen i ein epost til redaksjonen.
Les heile saka