Torsdag deltok vi ved Todalen skule på Skulejoggen 2013. Arrangementet er i samarbeid med SOS barnebyer og Landslaget for fysisk fostring. Den frivillige «startkontingenten» går til SOS-barnebyer sitt arbeid for foreldrelause barn i Mwanza i Tanzania.

Les heile saka

Det kommunale Eldrerådet hadde, som skikken har vorte, sitt septembermøte i Sanitetshuset i Todalen sist onsdag. I tillegg til det tradisjonelle sakskartet hadde Rådet besøk av kommunalsjef Inge Skogheim.Han orienterte om kor saka om bygging av eldrebustader i Todalen står. Tomtespørsmålet er ikkje endeleg avklart. Saka er under arbeide og vil kanskje løysast i løpet av inneværande år.

Les heile saka

Onsdag starta vi opp med skulelunsj. Kvar dag samlast vi på SFO-rommet for å ete i lag – kjekt å få maten servert på fat i staden for frå matboks. Grovt brød, sunt pålegg, frukt eller grønsaker – elevane et godt og kosar seg!

Les heile saka

At vegstikkene blir sett ut er definitivt eit dårleg teikn. Til tross for at det er finvêrsdagar med sol og god temperatur er det ei påminning om det vi har i vente. Vi får berre håpe at Veidekke er tidleg ute med dette arbeidet og at det ikkje blir bruk for dei med det første. Rolf Ole Røv frå Teigan Maskin og Landbruk var iallfall i full gang med å sette opp vegstikker innover Kvennsetgarden, og skulle også ta runden rundt heile Todalen før han tok kveld.

Les heile saka

Hausten er i ferd med å feste grepet. I løpet av natt til torsdag er det nok kome rimfrost i vegetasjonen mange plassar. Det er nok ikkje noko unormalt, for vi skriv tross alt 19. september, og må nok rekne med at det blir meir av den sorten. Temperaturmålaren som er montert på eit par meter oppe på husveggen viser minimumstemperatur på +2,5 i løpet av natta.

Les heile saka

Praktfull måne over Todalen i kveld. Eit slør av skyer forsterka effekten av fullmånen (fullmåne 19.9.) Måtte berre stoppe og finne fram stativet, og stillte inn kamera etter beste evne. Resultatet ser du ovafor, og det vart fanga inn kl 21.15. Vêrmeldinga går ut på enda to finvêrsdagar med sørvestleg vindretning, før det kanskje blir nokre regndråpar på laurdag. Torsdag og fredag melder yr.no om 6-7 varmegrader om natta og dagtemperaturar opp til 15-16 varmegrader.

Denne veka er det brannvernveke på Todalen oppvekstsenter. I dag hadde vi besøk av Ståle og Ivar med demonstrasjon av brannbilen i Todalen. Vi starta øvinga med brannrekkje frå klasserommet til ballbingen. Der gjekk Ola gjennom alarmplana. Ståle og Ivar fortalde om arbeidet sitt som brannmenn, vi høyrde om alt frå slokking av pipebrann til bruk av hjartestartar.

Les heile saka

Fylkesmannen i Møre og Romsdal og Surnadal kommune inviterer tysdag 17. september til eit møte om erfaringsdeling etter skredet og vegstenginga i Todalen. -Evaluering, erfaringsdeling og refleksjon er ein viktig del av all krisehandtering, seier fylkesmann Lodve Solholm i ei pressemeleding til redaksjonen.

Les heile saka

Denne månaden kan vi gratulere Michal Heimlund med flest stemmer i avstemninga av månadens bilete med «Sulå tar et sommerbad i Legdvatnet», og med det ein flott Todalen.no-termos. Vi gratulerer og lover at premien blir overbrakt ved første anledning. Har du eit bilete du vil dele, send det inn til oss på e-post red@todalen.no. Akkurat […]

Les heile saka

Hausten er i ferd med å innta fjellet, med brune myrar og startande lauvfall i fjellskogen. Men vegetasjonen ventar nok på den første skikkelege frostnatta for vi får dei sterke haustfargene. Den første frostnatta kjem nok i tide, så vi får berre nyte den finaste tida i fjellet etter kvart som vegetasjonen blir endra. Innhaustinga frå naturen har pågått ei tid, med sanking av bær og sopp. No er det jakta på småvilt og storvilt som sividt er kome i gang. Storviltjakta starta 1. september i år, medan rypejakta starta den 10. september.

Les heile saka

Jaktlaget på sørsida av bygda starta årets hjort- og elgjakt i dag. Dei fekk utteljing alt på første jaginga, da det fall ein liten elgokse for posten på Raudåhjellå. Vi har fått bilde tilsendt og kan her vise stolte jegrar med årets første elg. Tidlegare er det berre Talgø og Kårvatn jaktlag som har vore i aksjon, og dei har felt fleire hjortar som vi har vist på Todalen.no.

Les heile saka

Tirsdag 17. september og torsdag 19. september har Todalen Idrettslag leidd inn Ola Einar Øyen til å vise bruken og funksjonane av dei ulike treningsapperata på Hett & Svett. Han vil også komme med treningsråd for den som kunne tenkt seg det. Etter ein halv mannsalder med fotballspelling, deriblandt også  i trenarfunksjon har Ola Einar mykje kunnskap å dele.

Ola Einar vil være der frå 18.30 utover.