Torsdag starta Norsk Laksefestival 2014, med fagdag om vilkårsrevisjonen for Surnavassdraget. Det var nok ein viktig dag for å belyse framtida for både Surna og andre elvar i området. Det dårlege laksefisket har nok ei samansett problemstilling. Det rammar ikkje berre laksefiskarane, men også Laksefestivalen, turistnæring og næringlivet elles. Laksefestivalen når nok høgdepunktet i dag, laurdag, med rikhaldig program både på dagtid og på kveldstid.
Les heile saka
Torsdag ettermiddag nappa det skikkeleg på kroken til Ivar Borthen. Han stod med markstonga i Engjavadhølen, litt nedafor hengjebrua da storlaksen hogg på. Da den kom på vekta, slo den ut på rundt 8,5 kg og er dermed årets første storlaks som er komen på land. Det er no fin vassføring i Toåa, og det har utover veka kome fleire laksefiskarar som har etablert seg i elva. Vassføringa dei siste dagane har vore heilt oppe på 23 m3/sek, men etter som regnvêret har dabba av er elva no på sakte retur og i skrivande stund er det 17 m3/sek og riktig fin fiskarelv.
Les heile saka
Måndag 23. juni startar Søya og Todalen skyttarlag sesongen med skyteprøver på lagets anlegg i Ranheimsvingen på Kvanne, melder styret. Det er sett opp 9 måndagar utover sommaren og hausten til skyteprøve og oppskyting til storviltjakta. Alle kveldar er det skyting frå kl 18.00 til kl 20.00
Les heile saka
I disse VM-tider var det torsdag kveld topp-oppgjør mellom Kvass/Ulvungen og våre helter på Søya/Todalen sitt a-lag. Kvass/Ulvungen er seriens beste hjemmelag, så oppgaven var ikke lett for guttene. Allikevel klarte de å ta med seg ett poeng. En meget underholdende og tøff kamp endte med poengdeling.
Les heile saka
Etter eit kjapt søk på ledige jobbar i området, ser ein at Surnadal for tida har mykje å tilby til sine innbyggjarar, for ikkje å snakke om dei som vurderer å flytte hit. På nav.no er det innmeldt 9 annonsar, derav 6 med Surnadal kommune som arbeidsgivar. Her er det no blandt anna oppretta ei ny stilling som fastlege ved Legesenteret, 2 stillingar innan psykiatrien, ei innan oppvekst og integrering, med undervisning til framansspråklege, 2 stillingar som vaktmeister / vedlikehaldsarbeidar, ei fast 100% stilling som reinhaldar/hallvakt (ledig frå snarast) og heile 7 stillingar innan sjukepleie/vernepleie/helsefag/omsorgsarbeid/hjelpepleie.
Les heile saka
Då melder Todalen Sanitetsforening om at det vil bli moglegheiter for å bestille time for fotterapi med fotterapeut Olaug Aspill igjen. Ho tek turen til Sanitetshuset 2., 3. og 7. juli igjen. Ho startar kl 9.00 kvar dag, med ein liten pause etter nr 3. før det er rom for ytterlegare 2 påmeldingar.
Les heile saka
I går kveld var det avslutning også ved Stangvik Oppvekstsenter. Heile 15 elevar takka for seg etter 7 år i lag, no klare for nye utfordringar ved Sursnadal Ungdomsskule til hausten. 3 av desse vart med frå Todalen Oppvekstsenter etter at dei to skulane var samanslegne sist skuleår.
Les heile saka
Onsdag kveld samla Surnadal Husflidslag eit 30-tals medlemar til «blåtur». Berre nokre få visste kvar reisemålet var, men det bar etter kvart til Todalen med heile gjengen. Og oppover bygda bar det til Talgø utstillingssenter, der det var omvisning og orientering. Etter ein runde både inne i møbelutstillinga og ute i parkanlegget på utstillingsentret, gikk turen vidare til Todalshytta.
Les heile saka
Eller i alle fall ganske mykje: Surnadal Folkebibliotek lånar no ut e-bøker som du kan lese på ditt nettbrett, lesebrett eller mobiltelefon. Dermed overlever du også sommaren – sjølv om filialen i Todalen er sommarstengt. Finn fram lånenummeret og pin-koden din og last ned appen eBokBib, og så er det berre å «dra» deg gjennom samlinga av e-bøker og velje den du vil ha, skriv Steinar Hasselø på Surnadal Folkebibliotek i ein e-post til Todalen.no
Les heile saka
Det er sett opp busstransport frå Todalen til Laksefestivalen i Surnadal laurdag kveld. Bussen startar frå Matkroken L.Hals kl 21:00, og returnerer frå Surnadal kulturhus kl 01:30. Bussturen kostar kr 100 kvar veg, og alle som vil være med må bestille plass via SMS til Karin Halle på tlf 416 19 200 innan torsdag kl 18:00. Dei som var vaktmannskap fredag får gratis skyss med bussen!
Går du med planer om å rydde kjellar, loft og garasje så passar det godt no! Neste laurdag (28. juni) er det nemleg loppemarknad på Borholmen, som ein del av Todalsdagen 2014. Og da tek vi mot lopper av alle slag, fortel Borghild Talgø som er ledar for loppemarknaden. Når vi skriv lopper av alle slag, så er det unnateke klær! Det er det nemleg Saniteten som tek seg av, med innsamling til Estland kvart år. Men koppar, kar, gamle bøker og andre ting du ikkje brukar lenger tek vi mot, seier Borghild.
Les heile saka
Førehandssalet av billettar til Glittertindkonserten er kome i gang på Matkroken L. Hals, fortel stemnegeneral for Todalsdagen Knut Bergli. Han fortel at det har vore stor interesse for konserten, og han reknar med «stinn brakke» når Glittertind dreg i gang konserten i Todalen ungdomshus laurdag 28. juni kl 21.00.
Les heile saka