Skisesongen er ikkje heilt slutt enno, men du må oppi hågda litt for å nå brukbart skiføre etter kvart. Jorunn Nordvik og Nils Ove Bruset tok sist fredag ein tur til Neådalssnota for å runde av årets skisesong. Jorunn hadde med kamera, og har på oppfordring sendt oss nokre bilde frå turen som starta frå Kårvatn til fots. Skiføret nådde dei att på Dalasetra, og gikk på ski derifrå.

Også ved Stangvik oppvekstsenter var det tradisjonell 17. maifeiring i går. Her var desverre manko på musikk, tross iherdige forsøk frå komiteen fram mot dagen. Men, toget gjekk for det, og mange var møtt opp til nokre trivelege timar i lag. Store, små, gamle og unge.

Det vart berre ein kort pause etter biltog og frukostarrangement, før ettermiddagsøkta fortsette med gudsteneste, folketog med hornmusikk og tale for dagen. Sokneprest Bernt Venås kom med prestekjolen under handa – rett frå gudsteneste i Åsskard. Men til avtala tid – kl 14 – var han i gang med gudstenesta i Todalen kyrkje. Vidare utover dagen gikk det slag i slag, med kransnedlegging på bautaen, folketog, middag – og til slutt tale for dagen.

Fotballgruppa i Todalen idrettslag har i fleire år invitert sine sambygdingar til frukost etter biltoget – og før folketoget. Som oftast skjer dette på Bordholmen i friluft, men Ungdomshuset er backup i tilfelle dårleg vêr. Vêrmeldinga i går varsla kanskje ikkje noko vesentleg nedbør, men temperaturmeldinga på yr.no hadde ikkje meir enn 4-5 varmegrader å by på. Med litt vind i tillegg hadde det nok vorte surt på Bordholmen – difor vart frukosten i år i ungdomshuset.

Vi mista for teljinga på antalet med deltakarbilar i årets biltog, men eit 60-tal bilar var nok med – og som tradisjonelt hadde start ved Halsbua og oppover bygda til Gammelfabrikken i Brusetmarka. Der var det ein kort pause før togen fortsette nedover att til Todalen ungdomshus, der Todalen I.L. inviterte alle sambygdingar til frukost etterpå.

Fredag kveld var ein gjeng 4H-arar samla i Skulstua på dataparty, også kalla LAN. Flest gutar, men eit par jenter hadde rigga seg til i gammelskulen med alskens datautstyr, headset, spelekonsollar og lystette gardiner. Her skulle seine kveldstimar overvinnast, for ingen hadde planer om å sove nevneverdig.

Laurdag var Steinar Husby frå transportfirmaet Ottem i Todalen og omeng for å hente brukt brukt plast frå siloballar til resirkulering. Det blir bruka store mengder plast i landbruket, og det er viktig at dette blir samla inn og resirkulert – kanskje plasten kjem att som brusflasker eller kanskje ein flott fleece-jakke i neste omgang.

Nordvik grendalag er no klare for å feire 17. mai i sitt eige grendahus. Inngangsparti og borda er pynta til fest og dei håpar at grendafolket stiller til hyggeleg sammankomst også i år.

Det var mange kåte sprell da Ola Kvendset opna fjøsdøra laurdag, og ga dei 46 mjølkekyrne og kvigene hadde fri tilgang til å ta seg ut i luftegarden utafor fjøset. Sjølv om dei gjennom vinteren har hatt ein stor grad av fridom i lausdriftfjøset var det nok godt for dei å kome seg ut friluft – og til grønt gras.

1. juni får flere i Todalen tilbud om langt raskere bredbånd. Da fortsetter nemlig Svorka utbyggingen av fiber, og i år er det Todalsøra/Bruset som står for tur. I fjor var det på Kvennset det var utbygging, og vi har prata med Mari Redalen som fortsatt er meget godt fornøyd med hastigheten etter at ho takket ja sist tilbudet var en realitet.

Vi er godt i gang med mai, og det betyr at vi skal stemme fram månadens bilete for april. Vi takkar alle bidragsytarar til dagens bilete gjennom den siste månaden! Her finn du kandidatane vi har plukka ut denne månaden.