Årets strandryddedag er laurdag 5. mai og er ein del av strandryddeveka frå 30. april til 6. mai. Derfor blir Kløverturen måndag 30. april tur med strandrydding, – vi skal altså ut å «plogge» – både trimme og plukke søppel!

Les heile saka

I kveld åpna G10 Søya/Todalen sitt seriespel mot Rindal på Banksletta. Det vart ein målrik kamp, der rindalingane var hakket kvassare framom mål og dominerte størsteparten av kampen. Laget frå Søya/Todalen består av spelarer både frå Todalen, Kvanne og Stangvik i årsklassane 2008 og 2009. Dei skal i løpet av sesongen møte både Surnadal, Tingvoll, […]

Les heile saka

Som ei midletidig løysing har det vore snakk om å tillate personbiltrafikk over Øyabru. Brua vart stengt for all biltrafikk i november 2017, og sia har det vore kun gang- og sykkeltrafikk som har vore tillatt over brua. Etter at det vart avklart at det skal prosjekterast og byggjast ny bru, har det vore vurdert om brua kan opnast for trafikk med personbilar. Så snart nye skilt er på plass blir brua opna for personbiltrafikk – det skjer tidlegast fredag, men mest truleg rett over helga.

Les heile saka

I dag vart det gjort eit skikkeleg løft på Kvennset, da turbinene til Råssåfoss kraftverk vart løfta på plass igjen. Det er no 4 månader sia dei fekk feil på turbinen, og dermed driftsstans. Straks føre jul vart turbinen demontert og løfta ut, for å sendast til Tyskland på reparasjon.

Les heile saka

IL Søya skal feire 100-årsjubileum til neste år. I den anledning etterlyser dei no gamle bilder frå smått og stort som er verd å ta med i ei jubileumsbok. Her nemner dei på si heimeside både klubbhusbyggjing, ulike arrangement, aktivitetar på Vang, husmortrim og anna som synleggjer breidda i det no snart 100 år gamle idrettslaget.

Les heile saka

Førstkommande torsdag startar fotballsesongen opp att også for dei aller minste. Dermed er det berre å ta fram knottsko, leggskinn og godt humør og møte opp til klokka 18 fortel Bjørn Gunnar Ansens.

Les heile saka

Etter ein lang og kald vinter er det fint å kunne rydde og rake vekk kvistar, lauv og gammel fynne. Det samles mykje rusk og rask i løpet av vinteren, og på kyrkjegardsdugnaden vart det atskillig mange trillebårlass rund på heile kyrkjegarden. – Vi var utruleg heldig som fikk så god hjelp til ryddedugnaden vår, sa soknerådsleiar Britt Mossing som kunne registrere eit førtitals deltakarar på kyrkjegardsdugnaden.

Les heile saka

Torsdag 26. april kl 11.00 startar Stavganggruppa i Surnadal pensjonistlag årets første stavgangtur. Premieren er i år lagt til Stangvika og Brøskjehagan som vanleg.

Les heile saka

No kjem den gamle jaktskytebanen i Dalavegen til heider og verdigheit igjen. Vi meiner banen der det i gamle dagar foregikk oppskyting til jakta, bortafor «Ytter brua» oppi Dalavegen. Det er den nystarta klubben Trollheimen Sportsskyttere som skal ha skytetrening der den 2. mai, fortel leiar i klubben Anders A. Karlsen til Todalen.no

Les heile saka

Første mai startar årets Stikk UT!-sesong, og nedanfor ser du alle turane i Surnadal kommune. Det trykte Stikk UT!-kartet blir sendt til alle husstandar i løpet av veke 17. Om du ikkje får det i posten, kan du hente det på servicekontoret i kommunen.

Les heile saka

Det er delte meininger om kva som er vårens vakraste eventyr – det er nemnt både Holmenkollstafetten og saulamminga, men Norges varemesse på Lillestrøm nyttar slagordet i sin invitasjon til Hagemessa som opna fredag og har ope til og med søndag 22. april. Her er det 250 utstillarar som viser kva dei har å by på og Talgø MøreTre skjemmer slett ikkje laget.

Les heile saka

Denne veka har 9.-klassingane ved Surnadal ungdomsskule fått prøva seg i yrkeslivet. Her i Todalen har vi fem 9.-klassingar som har hatt lokalt engasjement, og alle 5 har trivast på kvar sin plass, – og fått prøva seg på varierte og interessante arbeidsoppgåver.

Les heile saka