Måndag viste vi bilete frå Litj-fjellet og åtvara mot rasfare – i dag er det grunn til å gjenta denne åtvaringa. No er det neleg gått ras i området ovafor Ansnessetra – i fjellsida opp mot Litj-fjellet. Har du tenkt deg til fjells i helga, så er det iallfall all grunn til å utvise stor […]
Les heile saka
Dei første basestasjonane som Surnadal og Rindal beitelag skal plassere ut i samband med «Gjetargut»-prosjektet er no komne på plass. 4 av dei 11 stasjonane er plassert ut og er klare for drift. Torsdag kveld var det transport til Rambjøra og montering av utstyret der.
Les heile saka
Fredag 23.april klokka 19:00 kjem Namsos Allstar til Surnadal kulturhus med «The Hits of Bruce Springsteen». Namsos Allstar er det ein kan kalle eit «overskuddsprosjekt», og består av artistar frå DDE, Sambandet, Terje Tysland Band, Grannes samt Thoma, minsteblad, Brøndbo. For å kunne atterskape den kjente og magiske lyden til The E-street Band, har dei teke med seg saksofonisten Egil Furre i rollen som Clarence Clemons.
Les heile saka
Vi trefte to karer som heldt på og rigga seg for fiskri i småbåthamna no i kveld. Dei skulle ut og sette garn, og så skulle dei fiske med snøre etterpå. Det har vore «nåkkån loinne» fiskeri den siste tida – best fangst med småsei og storsei og litt torsk.
Les heile saka
I ei pressemelding i går ettermiddag, informerer kulturavdelinga i Surnadal kommune om at søknadsfristen for kulturmidlar 2021 er 30.april. Same frist gjeld for å søkje om leige av idrettshallen, gymnastikksalar ved skulane og symjehallen, for skuleåret 2021/22. I tillegg informerer dei om at Surnadal kino opnar dørene att frå og med fredag 16.april.
Les heile saka
Frå fredag 16.april blir det endringar i besøksrutinene ved Surnadal sjukeheim. Råda er framleis å unngå unødvendige reiser innanlands. Særleg frå område med høgt smittepress. Blir besøket vurdert som nødvendig skal råda for området med høgast smitteverntiltak følgjast.
Les heile saka
Styret i Todalen Elveeigarlag har sendt oss ei pressemelding, der dei ønsker å informere om nye fiskeregler i Toåa for årets sesong. Elveeigarlaget skal teste ut ein ny modell for fiskeutleie i Toåa for sesongane 2021 og 2022. Over 85% av den ca 8 km lakseførande strekninga i Toåa skal ingå i eit valdsamarbeid, der det tilretteleggast for fiskeutleie til ulike segment av laksefiskere.
Tove Talgø Brøndbo frå styret fortel at det har vore jobba intenst dei siste dagane med å få mykje på plass, og i morgon torsdag starter salet av fiskekort i Toåa. Bla vidare og les pressemeldinga frå elvaeigarlaget…
I tråd med dei nye smittevernreglane som gjeld frå og med midnatt natt til fredag, opnar Hett & Svett dørene att frå fredag 16.april. Det er dei same reglane, som før nedstenginga, som framleis gjeld. Dette inneber m.a. maksimalt 3 om gongen, spriting av alle apparat etter bruk og påmelding.
Les heile saka
Fredag 16.april mellom klokka 13:00 – 18:00 er det ope gardsutsal med ferske bakevarer hos Lia Gard. Innehavar Monica Moen Kvendset fortel at det vil bli mogleg å få kjøpt mykje godt denne dagen, så her er det mogleg å sikre seg godsaker til helga-kaffen.
Les heile saka
I ei pressemelding frå Nordmøre og Romsdal friluftsråd no i ettermidda blir vi informert om den nye sommarsesongen og lanseringa av APP. Stikk UT! starter sommersesongen 1.mai, men allereie 14.april kan du sjå årets 470 turmål i den nye Stikk UT! APPen. Friluftsrådet Nordmøre og Romsdal og Sunnmøre friluftsråd er særs godt nøgd med Stikk UT! APPen og gler seg over at folk kan ta den i bruk for å gå på tur i heile Møre og Romsdal og i Heim i Trøndelag.
Les heile saka
I går ettermiddag kom regjeringa med nye nasjonale smittevernreglar i samband med gjenopninga av samfunnet. Frå fredag 16. april blir det lempa på nasjonale tiltaka, i tråd med Trinn 1 i regjeringas si plan for gjenopning.Takka vere god etterleving av strenge smitteverntiltak i påska, er smittetrykket nasjonalt no på eit nivå som gjer det mogleg å gjenopne samfunnet litt igjen.
Les heile saka
Neste veke, veke 16, blir det vaksinering på Surnadal kulturhus fredag 23.april. Målgruppa neste veke er Gruppe 4 (65 – 74 år) og personar 18 – 64 år med sjukdommar som er spesielt sårbare for smitte.
Les heile saka