Todalen Sokneråd

Frå torsdag til i morgon, søndag, er Møre bispedøme og biskop Ingeborg Midtømme vertskap for preses i Bispemøtet Olav Fykse Tveit, som er desse dagane er på nordmørsbesøk. I dag tok dei to, saman med prost Vidar Wilhelmsen Rygh i Indre Nordmøre prosti turen til Todalen. Først var dei innom kaffekroken på Matkroken Todalen for ein uformell samtale og kaffelag, før turen gikk vidare til Todalen kyrkje for aftensong der. 

Søndag 4. februar klokka 11:00 inviterer Todalen Sokneråd til gudsteneste i Todalen kyrkje. Under gudsteneste vil det bli både dåp og nattverd. – Eg vonar folket ikkje er heilt utslitne etter bispebesøket laurdag, så somme (helst mange) finn vegen til kyrkja også søndag, seier fungerande sokneprest, – Det vert dåp av ei lita jente, og for meg vert dette litt spesielt, for eg døypte mora til jenta for om lag 30 år sidan!, legg han til. 

Laurdag 3. februar kjem det besøk utanom det vanlege til Kaffekroken på Hals-bua og til Todalen kyrkje.  Da kjem preses i Den norske kyrkja, Olav Fykse Tveit på besøk og kaffelag på Kaffekroken.  Fykse Tveit skal være på Nordmøre frå torsdag til søndag, og han skal saman med sitt følgje innom fleire plassar på turen – mellom anna Tingvoll, Smøla, Kristiansund og til Averøya.  Med i følgjet blir biskop Ingeborg Midttømme og prostane Vidar W. Rygh og Sindre Kulø.

Regnet dei siste dagane har ført til både store dammar og inntrenging i både kjellarar og bygg. Heldigvis har det vore opphaldsvêr det siste døgnet, så no er vatnet på retrett.  Ein av plassane som har fått føling med vassmengdane er på Todalen kyrkjegard, der synkebrønnen  var frose til da regnvêret stod på som verst.

Tysdagar etter skuletid samlar Torbjørn Brøske og Bernt G. Bøe årets konfirmantar i Todalen, Stangvik og Åsskard kyrkjer til konfirmantundervisning, ei av dei av tre kyrkjene. Før konfirmantundervisninga tek til, serverer sokneråda mat og drikke. Bernt G. Bøe har sendt oss ein rapport om kva konfirmantane får lære gjennom konfirmantopplæringa. 

På ettermiddagen i dag inviterte Todalen Sokneråd i tradisjonen tru til nyttårsgudsteneste i Todalen kyrkje. Kjell Gunnar Polden har sendt oss ei lita sak om gudstenesta, som du kan lese nedanfor:

Todalen Sokneråd inviterer til nyttårskveldsgudsteneste i Todalen kyrkje søndag 31. desember klokka 16:00 Forrettande prest er Torbjørn Brøske og ved orgelet sit Bernt Bøe. Preiketeksta er frå Johannesevangeliet kap. 14: «Fred etterlater jeg dere».

Det er Koret Prosjekt 17 som er hovudaktør, når Todalen Sokneråd inviterer til «vi syng jula inn» i Todalen kyrkje søndag 10. desember klokka 15:00. Same julekonsert blir også arrangert same dag i Åsskard kyrkje klokka 19:30.

Dagens lysmesse i Todalen kyrkje samla over 50 tilhøyrarar, og var ei triveleg samling og gjenhør med mange veteranar. Vikarprest var Torbjørn Brøske, som innleia gudstenesta med å minne oss på kor heldige vi er som kan feire adventstida og seinare jula i ro og fred uten frykt for krigshandlingar.  – Må vel være enig i at det er litt betenkeleg når så mange prøver å skape ro og fred uten at dei får det til – vi kan f.eks nemne Nato, EU, FN og mange andre.

Søndag er det mykje som skjer her i Todalen. Todalen Sokneråd inviterer til lysmesse i Todalen kyrkje, Todalen Idrettslag inviterer til adventsmiddag i Todalen ungdomshus og til slutt er det julegatetenning av Todalen bøgdalag si julegate mellom Matkroken Todalen og Talgø.

Søndag 19. november klokka 11:00 inviterer Todalen Sokneråd til gudsteneste i Todalen kyrkje. Forrettande prest er Torbjørn Brøske, og ved orgelet sit Oddveig Helset Halle. Konfirmantane er med. – Dei møter kl. 9.30, heng opp salmenummera, ringjer med klokkene, går i prosesjon, og kanskje vert det tekstlesing, fotel Torbjørn. 

Søndag er det allehelgenssøndag, og Todalen Sokneråd inviterer til allehelgensgudsteneste klokka 11:00 i Todalen kyrkje. Prest er Torbjørn Brøske, og ved orgelet sit Oddveig Helset Halle. Gudmund Husby og neste års konfirmantar deltek i prosesjon med lystenning.