Todalen Sanitetsforening

I høve innsamlingsaksjonen for å skaffe til veie hjartestartar til Todalen, ynskjer Todalen Sanitetsforening i etterkant av årsmøtet å takke alle som støtta oppunder prosjektet. Hjartestartaren, som har vorte kalla Hjartine fekk inn 61000 kr. Etter alt utstyr som følgde er betalt står fortsatt over 25000 kr på bok som høyrer Hjartine til. Dette er midlar som vil følgje hjartestartaren, til for eksempel opplæringsmateriell, nye batteri eller anna høvelege utstyr.

Sidan vêret i dag har vist seg frå sin vrede side, tok vi oss ein tur til Sanitetshuset kor eit titalls damer samla til årets første strikkekafé. Strikkekaféen arrangeres normalt ein laurdag kvar månad med sosialt samvær, kaffe og handarbeid.

Todalen Sanitetsforening har gått til anskaffelse av eit stort kunstverk av Elisabeth Marie Aas som dei skal lodde ut. Biletet blir hengande i Sanitetshuset fram til førjulstreffet som brukar å bli arrangert først på desember. Attmed biletet ligg det ei bok og eit pengeskrin, der ALLE som ferdast av ein eller annan grunn i Sanitetshuset, kan ta lodd.

Sanitetshuset vart bortimot fullt i går då det var invitert til Førjulskos med utdeling av Barnas lykkeskilling attåt. Med stort og smått var det nærare 60 stykk som kom på arrangementet.

Søndag inviterer Todalen Sanitetsforening alle som har lyst til førjulstreff i Sanitetshuset. Dette er ein årleg tradisjon, der dei ungane som er fødde det inneværande år er spesielt inviterte for å få ein liten gave. I år har saniteten fornya seg litt, og arrangerer eit lite juleverksted attåt. Her vil det bli både klipping, liming og teikning, i tillegg til servering av nissegraut.

Onsdag kveld var det ein liten dugnad på julepakkepakking i Sanitetshuset. Todalen Sanitetsforening vil i år sende 4 store sekkar med julepakkar til Estland når Estlandsforeninga reiser nedover på sin årlege førjulstur. Saniteten har som kjendt no i fleire år samla inn kleder og anna høveleg utstyr til denne foreninga med lokal forankring i Rindal.

I går kveld var det Todalen Sanitetsforening sin tur til å få besøk av ambulansepersonell og brannvesen i anledning innkjøpet av hjartestartaren som er innkjøpt til Todalen. Arnt Ivar Brøndbo og Ingeborg Myrvang tok ein gjennomgang av korleis utstyret funger. Dette var ikkje eit kurs i opplæring og bruk av hjartestartaren, men ei orientering av korleis utstyret fungerer.

I går ettermiddag arrangerte Todalen Sanitetsforening basar i Sanitetshuset. Det må seiast at det var eit veldig godt oppmøte. Så godt at lokala mesta til tider var for små. Men som nestleiar Maren Ansnes sa til slutt; dei innkomne pengane vil ikkje bli innvestert i utbygging for det. Dei kjem i staden att til bygda i ulike samanhengar, og naturleg nok vedlikehald og drift av Sanitetshuset

Tirsdag ettermiddag var det duka for Sanitetens årlege Løftatur. Mange deltakarar i alle aldersgrupper stilte opp for å gå runden oppå Løfta og nedatt til Sanitetshuset. Årleg vert det over heile landet arrangert Sanitetens veke med ulike tema. Tema i år var fysisk aktivitet og ernæring.

Neste veke arrangeres sanitetens veke rundt om heile landet. Også her i Todalen vil dette behørig bli markert. I år er temaet fysisk aktivitet og ernæring i eit forebyggande perspektiv som står i fokus. Difor har Todalen Sanitetsforening i år utvida den årlege Løfta turen litt.

Tirsdag kveld arrangerer Todalen Sanitetsforening omsorgsberedskapsmøte i Kommunestyresalen på Skei. Dette er eit møte for å fa fleire lag og organisasjonar til å oppretta omsorgsberedskapsavtaler med sin eigen kommune.

Todalen sanitetsforeining gjekk inn i eit slikt samarbeid med Surnadal kommune på januar i år, og i Rindal har dei samarbeidd enda lengre. Der har dei og ved fleire anledningar vore i aksjon dei siste åra.

Tysdag 7. september startar Todalen Sanitetsforening på igjen med medlemsmøte. Det skjer i Sanitetshuset og startar kl 19.30, og dei ønskjer både nye og gamle medlemar velkomne. Foreninga har fått mange nye medlemar dei siste åra, men det er plass til enda fleire, seier sekretær May Elisabeth Holten til Todalen.no