Todalen Idrettslag

Redaksjonen har motteke nok eit bevis på ny banerekord på frisbeegolfen på Bordholmen. Ingen tvil om at dette engasjerer dei som driv med sporten, da det denne gongen er ein surnadaling som har sendt oss eit bilde av sin runde. Ove Nortun har dermed rekorden på 21 kast.

Knut Bergli i fotballgruppa melder om at den tidlegare omtala fotballkampen i morgon mellom Todalen og Søya er utsett til eit seinare tidspunkt. Grunna kraftig regn er banen midlertidig stengt.

I ettermiddag dumpa det ned ein epost om ny banerekord på frisbeegolfbanen på Bordholmen. Som nemnt tidlegare var banerekorden på 23 kast. Eit snitt på 2,55 kast per korg. No med eit snitt på 2,44, og 5 under par som de ser av oppsettet under.

Laurdag er det dags for sommarens store lokaloppgjør på Bordholmen. – Da braker Todalen (A-lag/Old boys) saman med Søya, med Terje Nordvik som myndig og upartisk dommar.

Da er fotballeventyret også over for KUST G13. Dei møtte litt over 17 Vestre Akers SK, som tok leiinga og held denne med 2-0 til pause. Dette var eit lag som var hakket sterkare, men i følge IL Søya si facebookside hadde keeper Henrik Kvande-Talgø fleire strålande redningar i andre omgang som gjorde at gutane held seg inne i kampen.

Gutane på G13 fikk ein forrykande start på sin 1/16 delsfinale mot Lillestrøm no i dag. 1-0 nesten rett etter avspark av Lang Valset, og Ola Valset fortsatte med 2-0 like etter. Lillestrøm mista ikkje piffen for det, og utligna med to kjappe mål rett etterpå, før Ola Valset drog til med 3-2, og deretter 4-2 til pause.

Gutane på KUST G13 er akkurat ferdig med dagens kamp mot Oppsal, og det meldes om seier og stormende jubel i leiren! Det sto 0-0 til pause, men med kvart sitt mål av Erik Husby og Marcus Brein Gikling etter at Oppsal tok leiinga tidleg i 2. omgang. Dette betyr 1/16 finale i morgen kl 12.20, mot Lillestrøm.

Då har alle laga vi følger her frå Todalen spela sine kampar i dag, under den tredje dagen av Norway Cup. Og i følge ivrige tilskoderar, så har både G13 og J14 vunne sin kamp, medan J 16 no tapte. G13 og J 16 er dermed klare for A-sluttspelet, og J14 for B-sluttspel.

På Ekeberg er det dag 2 for Norway Cup. Våre lokale lag melder om fortsatt seier og godt vêr i hovedstaden. Kvass/Ulvungen/ Søya/Todalen G13 spela i dag mot Høybråten og Stovner IL og vann med 3-1. Her var det scoringar av Vebjørn Hunnes, Marcus Brein Gikling og Lang Valset. Laget er dermed vidare i A-sluttspelet med ein kamp igjen i morgon.

Frå Jon Bruset fekk vi før helga tilsendt bilder frå Bjøråskaret der trimboka og lokket på oppbevaringsboksen er fordufta. Det er nok ikkje meir dramatisk enn at vinden har fått for god tak i lokket og teke med seg innhaldet. Plassen der boka er plassert er såpass godt gjømt, at fleire turgåarar ikke har funne denne gjøymeplassen.

I år har vi ingen eigen utegåande reporter under Norway Cup. Derfor låner vi nokre bilder frå Idrettslaget Søya, som har oppsummert første dag i verdas største fotballturnering på si heimeside. Søya/Todalen har i år spelarar på 4 lag med i turneringa. Eit KUST G13 9’er, eit STUK J14 7’er, eit STUK J16 og eit S/S/T J19.

Fotballen rullar ikkje så ofte som før på Bordholmen. Lite ungar og samarbeid med IL Søya gjer at det meste skjer på Søyabanen. Men for å oppretthalde aktiviteten på det fine anlegget har idrettslaget no anskaffa utstyr til frisbeegolf. Dette er ein sosial aktivitet der ein konkurrerer om å bruke minst muleg kast på ein bane med 9 korger.