Todalen Idrettslag

I kveld var ein dugnadsgjeng i arbeid med klargjering av Bordholmen til Todalsdagen som arrangerast i morgon, laurdag 30. juni. Leiar i Todalen I.L., Nils Ove Bruset, er imponert over den store dugnadsinnsatsen som har vore lagt ned den siste tida. Men no er alt klappet og klart og kl 9.00 i morgon startar arrangementet, og da går det i eitt fram til klokka nærmar seg 17 før siste finalen er unnagjort.

Arrangørane til morgondagens Todalsdag oppmodar todalingane til å benytte sykkel som transportmiddel i morgon tidleg. – Vi har litt mindre parkeringskapasitet rundt Talgø i år, derfor oppfordrar vi todalingane til å finne fram sykkelen når dei skal på Bordholmen i morgon, seier Nils Ove Bruset i idrettslaget.

Vi har publisert mykje om det som skal skje på Todalsdagen 2018 – du har kunna lese om det her på Todalen.no, men også i andre media. No når alle brikkar er komne på plass, kan vi presentere detaljprogrammet for dagen og seie at slik blir det. Alt kl 9.00 er mannskapet på plass og 9.30 går dei første fotballkampane av stabelen. Programmet som er laga er lokalt delt ut i postkassane, men i tillegg finn du ein digital versjon her på Todalen.no, som du også kan bla i og finne oppdatert info.

Den gode dugnadsånda kjem godt med i disse Todalsdagtider. Førebuingane til Todalsdagen foregår på mange frontar, torsdag kveld var det dugnad i ungdomshuset for å lage grillspyd til Todalsdagen. Tidlegare denne veka var det dugnad på baneanlegget og fredag kveld er det igjen dugnad for å få alt på plass til Todalsdagen startar på morgonkvisten laurdag morgon.

I fjor var det Erik Kårvatn som hadde beste tid på Ræta Opp. I år er Erik bortreist på ferie, så det store spørsmålet blir om kven som skal vinne kampen om å kome først i mål? – Knut Bergli og Ingvild Kårvatn er meir opptekne av at flest mulig skal bli med starte i mosjonsløpet Ræta Opp.

Da er også lagoppsettet for dei minste klassene klassene på Todalsdagen klare. Dei aller minste spelar 3’er fotball, medan dei litt eldre spelar 5’er. Oppdatert versjon fra fredag 29.6 kl 14.

Under Todalsdagen laurdag 30. juni, arrangerer Todalen I.L. loppemarknad. No kan du starte å sjekke ut både kjellar og loft for å finne aktuelle og salgbare lopper som du ikkje lenger har bruk for.

Ski- og friidrettsgruppa minner om lagseriestemnet på Bordholmen måndag kveld kl 18.  Dette blir siste arrangement før  ferien, melder leiar i ski- og friidrettsgruppa Gunnar Nordvik

Fredag kveld blir det dugnad for å klargjere anlegget på Bordholmen til Todalsdagen laurdag. Det blir rydding og slåttearbeid – kort og godt alt som står att når fredagen kjem. Dugnaden startar kl 18, og vi held på til vi er ferdige.

I går kveld møttes spelarane på Søya/Todalen G/J 10 til alternativ trening og sesongavslutning på Tjønnmyra. Kveldens trenar var Gunnar Nordvik, og han introduserte ungane for den fine hinderløypa som no har gjort Tjønnmyra skiarena til eit heilårsanlegg.

Våren er ei aktiv tid med mykje trimaktivitetar, og denne gongen var det Todalen idrettslags trimgruppe som hadde invitert til trimtur til Talgøsetra. Med start frå Sandbakkan gikk turen opp etter skogsvegen i Huslia, og opp til trimposten på Talgøsetra med 8 deltakarar inkludert vår utskremte.

På Todalsdagen blir den splitter nye todalsskjorta lansert. Dette er ei T-skjorte som no er under produksjon og som er venta å ankomme Todalen til neste laurdag. Det er prosjektgrupa i Toåa tursti som står som utviklar og bestillar, og inntekta vil derfor gå til tutrstien fortel Michal Heimlund. Og ideen kom under den vellykka basaren på mai, der Torkjel Ansnes Moe meinte at vi absolutt skulle ha hatt eie eiga todalsskjorte.