Todalen Idrettslag

Ræta Opp er eit mosjonsløp på 3 km som arrangerast av Todalen IL , og som har både start og målgang på Bordholmen. Ræta Opp er eigenleg eit spesielt løp som har eit sosialt tilsnitt, for startkontingenten går kvart år i si heilheit til eit samfunnsnyttig formål – som kjem barn og ungdom til gode. I 2020 er det Sykehusklovnene som er den heldig mottakar, fortel Ingvild Kårvatn som er løpsleiar.

Under Todalsdagen komane laurdag, arrangerer Todalen I.L. loppemarknad.  No kan du  sjekke ut både kjellar og loft for å finne aktuelle og salgbare lopper som du ikkje lenger har bruk for.

Onsdag blir det fotball for alle som har lyst til å spele litt ball på Bordholmen kl. 17:30 – 18:30. Det vil vere vaksne tilstades for å organisere og tilretteleggje. Vi oppmodar likevel foreldra til å bli med slik at dei kan gje ei hjelpande hand om det blir naudsynt.

Måndagskvelden 22. juni ved Dagsrevyslutt var det registrert 1000 Stikk UT!-turar i Svinvikrunden! Registreringa starta 1. mai, så da er det 1000 registrerte turar i løpet av 53 dagar!

Todalsdagen har lang tradisjon i Todalen Idrettslag. Det har liksom vore hovudinntekskjelda til idrettslaget og eit høgdepunkt med både fotball, loppemarknad og anna program i overgangen frå vår til sommar.  På grunn av situasjonen som har oppstått i samband med handtering og regelverk for koronaviruset såg det ut for at arrangementet måtte avlysast.  Etter som situasjonen har utvikla seg er det no gjeve ein opning for eit begrensa arrangement på Bordholmen komande laurdag, seier Nils Ove Bruset som er leiar i Todalen I.L. 

Talgø Møretre har i år laga St. Hans-bål ved Ansnessaga, og har fått godkjenning for å brenne bål av brannmeistaren i kommunen. Bålet vil bli tent tysdag 23.juni kl. 18:00. Den som vil sjå bålet kan ta turen til Ansnessaga.

På årsmøtet i Todalen Idrettslag 4.juni vart den nye organisasjonsstrukturen for Idrettslaget vedteken. Tysdag var det duka for det første møtet i den nye Barne- og ungdomsgruppa. Gruppa består av: Ola Dalsegg (leiar) Anders Gjeldnes, Ole Martin Øyen, Knut Bergli, Marit Bruset, Sina Kristin Moe, Finn Ranes og Bjørn Gunnar.

Vi driv både generell opprydding og vedlikehal og førebuing til Todalsdagen – tek to fluer i eit smekk, fortel Lars Stensby , som er leiar for banekomiteen og som har ansvaret for dei tekniske anlegga som tilhøyrer Todalen idrettslag. – idrettslaget har mange anlegg som representerer stor verdiar, og det er nok difor rett at idrettslaget legg vekt på å ta vare på dette gjennom å drive aktivt vedlikehald.

I dag var det klart for den festdagen ei offisiell opning skal være. Med vêrgudane i beste stemning vart det ei kjempefin presentasjon av det flotte anlegget. Koronarestriksjonane klarte ikkje å legge nokon dempar på stemninga, men reduserte sjølvsagt talet på deltakarar.

Laurdag kveld vart den universelt utforma fiskerampen i Båthølen kvalitetssikra av den første rullestolbrukeren. Eirik Halle var på sin andre tur i Toåa Tursti og var mektig imponert over anlegget. Denne gongen hadde han parkert ved kirka og kjørt med den elektriske rullestolen nedover turvegen.

 Todalen Camping er klare til å ta i mot dei første sommargjestane på den improviserte campingplassen på Bordholmen. Tilbodet er eit samarbeid mellom Todalen Idrettslag og Todalen elveeigarlag.  Plassen er først og frmst etablert med tanke på eit tilbod til laksefiskarane i Toåa, men den er også open for andre som vil ha ein plass å sette campingvogna, bubilen eller teltet i sommar, fortel Laila Kvendset som er ansvarleg for den daglege drifta.

Den nyvalgte anleggsgruppa med ansvar for anlegget på Bordholmen med Lars Stensby i spissen, har i kveld hatt sitt første møte. I den anledning ønsker gruppa å invitere bygdefolket til dugnad førstkommende måndag.