Todalen Idrettslag

Tysdag 17. mai klokka 11:00 inviterer Todalen Idrettslag, med samarbeidspartnarar, til 17. mai-frukost på Bordholmen stadion. Det blir servert frukost-bufeet med brød og mykje godt pålegg. Todalen meieri sponsar yoghurt og Pestua gard egg. I tillegg bidreg Todalen sanitetsforening og Todalen bondelag med økonomisk støtte, slik at frukosten i år blir sterkt rabattert, i høve til tidlegare år. Og om ikkje dette var nok, så spanderer Matkroken Todalen is på alle ungane etter frukosten!

I går kveld spela Søya/Todalen sitt G10 lag sesongens første seriekamp denne sesong. Motstandar var Dahle frå Kristiansund, og kampen vart spela i Kristiansund. Heimelaget kom best i gang i kampen, men bortelaget kom meir med utover i kampen. 

I løpet av helga har det pågått demonteringsarbeid av lyspålane i Todalen Idrettslag si gamle og nedlagte lysløype på Ørsal i Ørsalbukta. Det var Bjørn Kvendset, med gravemaskin med klip, som tok ned alle pålane. Ola H. Ansnes demonterte alle lysarmaturane og kablane, slik at armaturen og kablane, no i kveld, kunne samlast inn for levering på godkjent søppeldeponi. 

Søndag 1. mai gjekk startskottet for årets Stikk UT!-sesong. Godt ver og mykje folk både i Toåa tursti og i Svinvikrunden. Kjekt med turopplegg som gjer at det er lett å finne fram om ein er ukjent, og som er tilrettelagt for parkering.

I år er vi attende til god gammeldags feiring av nasjonaldagen den 17. mai, fortel Borghild Talgø i 17.- maikomiteen. Det vil seier at vi er attende til 2019-programmet og vil i år kjøre «full pakke» gjennom heile dagen. Starten på feiringa blir sjølvsagt biltog – eller «skrommeltog» som vi sa i gamle dagar, og fortsetter med frokostservering i idrettslagets regi

I går ettermiddag/kveld var det dugnad i Toåa tursti, for å klargjere turstien til ein ny vår- og sommarsesong. Vinteren, og da spesielt uvêret Gyda, hadde vaska bort ein del av grusen i turstitraseen, spesielt frå steinutgarden og fram til nedste avstikkaren ned til Gunnøya, og ved øvre avstikkaren mot Gunnøya.  

Har du lyst til å vere med å bidra før eller under Todalsdagen 2. juli? Todalen IL treng nemleg mange frivillige hender, både før og under arrangementet, for å lage eit så bra arrangement som mogleg. Dei oppfordrar difor todalingar i alle aldrarar om å bidra til årets største dugnad.

Måndag spela Søya treningskamp mot Valsøyfjord på Bordholmen stadion. Både Søya og Valsøyfjord speler i 6. divisjon avdeling 1 – Nordmøre og Romsdal denne sesongen, så det blir også to seriekampar mellom laga i løpet av sesongen. Båe laga serieopnar med bortekampar mot Øksendal og Sunndal 2. Det er nokre år sidan siste seniorkamp på Bordholmen stadion, så dette vart ei fin avslutning på påska, i alle fall for alle som likar og er interessert i fotball. 

Styret og driftsstyret anlegg i Todalen Idrettslag inviterer til dugnad i Toåa tursti onsdag 20. april klokka 17:30. Det er behov for å gruse opp deler av turstitraseen, som har fått litt medfart i løpet av vinteren, og det må sagast ned nokre tre langs traseen. Så ta med høveleg utstyr til slikt arbeid og bli med på dugnad!

Måndag 18. april (2. påskedag) klokka 15:00, blir det fotballkamp på Bordholmen stadion. Da spelar Søya sitt seniorlag treningskamp mot Valsøyfjord. Det blir open kiosk med sal av kaffe, brus, bakels med graut og sjokolade. 

I dag inviterte «skihyttegjengen» i Todalen Idrettslag til den tradisjonelle Kjerringdilten på Skihytta på sørfjellet, og nærare 80 personar nytta det fine påskevêret til å ta seg ein fjelltur. 35 av desse deltok på den tradisjonelle Kjerringdilten, og det er mange år sidan det har vore så mange deltakarar på rennet. Idealtida var i år sett til 20 minutt og 30 sekund, og Isak Drøpping vart nærast med berre 3 sekund frå idelatida. Han fekk dermed eit napp i vandrepokalen, og får ha den fram til neste års Kjerringdilt. Endre Talgø og Terje Nordvik, som var 4 og 5 sekund unna idealtida, fulgte på dei neste plassane.   

Det er artig når vi får slik respons på våre arrangement! Leiar i Todalen idrettslag, Elinor Bolme trur at nærare 200 personar deltok på Gunnøydilten som vart arrangert i Toåa tursti på langfredag. Det kom og gikk folk heile tida, så det er litt vanskeleg å anslå, men det er iallfall sikkert at det var mange som var innom «basen» som var ved gapahuken i Båthølen.