Todalen Idrettslag

Trekninga for måndag 5. desember er klar  – det er 2 gevinstar som ligg bak luke nr 5 – Ein flott brødboks full av havrekjeks med Andreas og Tore Talgø som vinnarar.  Havrekjeksene er sjølvsagt heimebaks av beste sort!  Den andre gevinsten er kjøkkenreiskap som er laga i tre –  Her er det Nestua på […]

Jammen var det eit par ullestar som var gevinsten under luke nr 3 i Adventlotteriet.  Vinnar denne gongen dro vi kjapt kjensel på, da det stod Skogly på vinnarlodden, og da blir det nok størrelsen som kjem til å avgjera om det blir underteikna eller om det blir Berit som blir den heldige brukar.

I dag kom det ny forsyning med bøker til «minibiblioteket» i gapahuken i Båthølen. Det er Ragnhild A. Moe som har teke på seg å vere bibliotekar i «minibiblioteket». Biblioteket har vorte eit populært tilbod for mange dei som går seg tur i Toåa tursti. Det er også mogleg å låne med seg bøker heim frå «minibiblioteket».  

Adventlotteriet har vinnaren klar for luke nummer to – 2. desember.  Under luka der var det ei stor og flott julestjerne med lys.  Den heldig vinnaren er Pestua.  På vinnarloddet står det berre Pestua, så om det er yngste eller eldste generasjon som er vinnar veit ikkje vi – eller kanskje er det alle sammen […]

Endeleg er vi i gang. Etter ein hektisk periode med innsamling av gevinstar og sal av adventloddar er vi i gang med trekninga, seier Torill Talgø og Anita Talgø.  Dei to representerer Todalen ILs trimgruppe som har trødd igang årets nykommar som dette adventlotteriet faktisk er.  Trekninga kjem til å skje kvar dag fram til jul – 24. desember trekkjer vi siste gevinsten.  Dei fleste dagane trekkjer vi ein gevinst, men enkelte dagar slår vi litt på stortromma og trekkjer to gevinstar.  No har dei den første vinnaren klar…

Trimgruppas sal av adventkalendrar har gått over all forventning, og dersom du ikkje har fått kjøpt så hastar det no.  Onsdag er siste salsdag, og torsdag så opnar dei første luka og trekkjer den første gevinsten.  No nærmar det seg altå full utløysing av av spenninga – og spent blir det kvar dag fram til […]

Todalen Idrettslag og Todalen bøgdalag sitt planlagde julebord 3. desember blir avlyst. Grunnen er for få påmeldte til julebordet. Det er mykje arbeid som ligg bak det å arrangere og lage god og variert mat til eit julebord. Vurderinga er at responsen, i form av påmeldte, ikkje står i forhold til dette arbeidet, og det er difor bestemt å avlyse julebordet. 

Barne- og ungdomsgruppa i Todalen Idrettslag har bruka dei siste dagane til å få laga skeiseis på Bordholmen stadion. Det har vore minusgrader dagane, noko som har gjort at det har vore mogleg å lage skeiseis. 

Todalen Idrettslag og Todalen bøgdalag minner om at dei inviterer til julebord i Todalen ungdomshus laurdag 3. desember klokka 20:00. Det blir servert ribbe, pinnekjøtt, medisterkaker og pølser med tilbehør. Etterpå blir det sjølvsagt servert dessert! 

I år satsar Trimgruppa på ein ny og kreativ vri med å lage eein eigen og lokal variant med julekalender, og da er det sjølvsagt gevinstar av den lokale og kortreiste typen. Det kan være lokalprodusert handtverk, mat, bakst eller kunst – og sjølvsagt mukje anna rart som skal gjera det spennande å «opne luka» […]

Todalen Idrettslag og Todalen bøgdalag inviterer til julebord i Todalen ungdomshus laurdag 3. desember klokka 20:00. Det blir servert fleire typar ribbe, pinnekjøtt, medisterkaker og pølser med tilbehør. Etterpå blir det sjølvsagt servert dessert! 

Søndag ettermiddag var Todalen ungdomshus rigga for TIL-basar, med både basarbord, barnebord, pilkasting og sal av bakels og graut til kaffen.  Den store stemninga er kanskje ikkje til stades på basarane lenger, med disto større er førehandssalet som går føre seg på Matkroken – og sjølvsagt med bruk av Vipps.  Vi bør vel seie at nye tider krev nye løysingar, og godta denne endringa, for til denne basaren kom det inn 21.950 på førehandssalet – medan det totalt kom det inn litt over 30.000.  Så bygdefolket er da rause til å støtte lag og foreningar.  Så får vi berre godta at noko av den gamle «basarstemninga» kjem bort og at dei sosiale treffpunkta blir forandra og skjer på telefon.