Todalen Idrettslag

Laurdag 28. juni gjer Todalen I.L. storsatsing på Todalsdagen. I tillegg til Todalscupen, med fotballcup for dei minste og mosjonsløpet RætaOpp blir det også kveldsarrangement, der bandet «Glittertind» vil halde konsert/dans i Todalen ungdomshus. – Tida er inne for å utvikle Todalsdagen vidare og vi håper at Glittertind kan være med å løfte arrangementet og gje litt meir penger i kassa for idrettslaget, seier styremedlem Knut Bergli til Todalen.no.

Vi er inne i ei tid med mange årsmøter i lag og organisasjonar. Torsdag 27. mars 2014 kl 1900 er tida koma for årsmøte i Todalen idrettslag, og det skjer i Todalen ungdomshus. Det blir vanlege årsmøtesaker, der detaljert saklista blir tilgjengeleg seinast 20. mars, melder styret i Todalen I.L.

Kvar torsdag møtes eit knippe spreke damer til trim i gymsalen på Todalen Skule. Dette tilbudet har eksistert i alle dei år, faktisk bortimot ein mannsalder fann nokre av dei frammøtte ut i går. I tidlege tider, før dagens gymsal vart påbygd var instruktøren Jean Kvendset, før Ann Kristin Nerland Bruset tok over.

Terje Nordvik stakk i kveld av med hovedprisen under Idrettens festkveld i Surnadal Kulturhus. Vel 100 fremmøtte til Idrettsrådets arrangement var kanskje i underkant av kva arrangørane hadde håpa på, men dei som tok turen fekk bra underhaldning og prissetting av mange som hadde gjort ein innsats i dei 13 idrettslaga i Surnadal kommune 2013.

Laurdag 8. februar er det klart for årets «Idrettens festkveld. Arrangementet starter kl 19.00, og har fleire høgdepunkt utover kvelden. På programmet står innmarsj/presentasjon av klubbane som er under paraplyen til Surnadal idrettsråd, Johan Øiestad med sitt Eggen-show og ikkje minst får vi oppleve Torstein Snekvik frå scena i Storstua i Surnadal kulturhus. I tillegg skal det deles ut 3 priser – «Årets prestasjon», «Årets ildsjel» og «Publikums hederspris».

Kvar tysdag kveld er det barneleik i gymsalen i oppvekstsentret. Frå kl 18-19 er det det for borna til og med 3. klasse, og etterpå er det for 4. – 8. klasse. Denne kvelden var det sirkeltrening, og jammen gikk det fort unna her gitt. Det var full rulle frå apparat til apparat, og den eine sprekare enn den andre.

Ja, det er oppfordringa til alle som har lyst til å bli med. kvar måndagskveld er det volleyballtrening i gymnastikksalen i Todalen oppvekstsenter, og treninga startar kl 19.00 og varer utover til kl 20.30. Sist måndag kveld var vi innom ein tur for å ta pulsen på opplegget, og da var det 16 ungdommar som kjempa om ballen.

I forbindelse med at Nordmøre og Romsdal Fotballkrets er 100 år i år, så har det vært detektivarbeid i gamle protokoller for å lage stoff til eit jubileumshefte. Knut Haugen har i helga vore med på dette arbeidet i Molde, og kom over gamle artiklar om både IL Søya og gamle Todalen Idrottslag.

Stabile vêrtilhøve har gjort at det etter kvart har vorte fin is på asfaltplassen på Bordholmen. Idrettslaget har dagleg sprøyta på vatn for å få isen jamn og fin, og no er det mange som brukar isen kvar dag og utover kvelden. På Bordholmen er det også ein del utstyr som er lagt ut til utlån, slik at du får prøve isen uten å kjøpe nytt utstyr. Alt tyder på at det blir fint også i dagane framover, da vêrmeldinga spår opphald og litt kaldare vêr utover veka.

Laurdag 1. februar inviterer Tingvoll IL til innandørs kretsmesterskap i friidrett i Tingvollhallen. Ski- og friidrettgruppa i Todalen håpar at nokon frå vårt idrettslag også kunne tenkt seg å delta. Leiar Ole Martin Øyen lokkar både med fri reise og deltakaravgift.

Det er no fin forhold på isen på Bordholmen, rapporterer Knut Bergli i Todalen I.L. Heile asfaltplassen er no islagt, og her er det berre å «hive seg utpå glattisen og bli med på isleik for både store og små.

Laurdag fekk vi litt føling med kulda, og i natt kom det 3-4 cm snø. Meir snø og skiføre må vi nok vente litt på enda, men kuldegrader blir det gjennom heile veka og dermed blir det ein ypperleg sjanse til å lage is på asfastbanen på Bordholmen, seier Knut Bergli i styret for Todalen idrettslag.