Styret i Todalen I.L. – 2025
Leiar: Elinor Bolme
Nestleiar: Andreas Brøndbo
Kasserer: Asbjørg Husby
Sekretær: Turid Sæther Todalshaug
Leiar Økonomigruppa: Bjørn Gunnar Ansnes
Leiar Trimgruppa: Torill Talgø
Barne- og ungdomsleiar: Endre Talgø
Bygg- og anleggsleiar: Lars Stensby
Driftsleiar Bordholmen: Lars Stensby
Driftsleiar ungdomshuset: John Moe
Driftsleiar Toåa tursti: Ivar Bolme
Driftsleiar Hett & Svett: Ola Talgø/Eirin Børmark
Driftsleiar Tjønnmyra: Gunnar Nordvik
Driftsleiar skihytta og løypekøyring fjell: Terje Nordvik
Kontrollutval: Leiar: Sondre Halset, medlem: Kristen J. Ørsal og vara: Carina Talgø
Valnemnd: Leiar: Ingrun Torvik, medlem for 2 år: Astrid L. Kvendset og medlem for 3 år: Harald Myrås
Nyheter knytta til Todalen Idrettslag

Nytt førstehjelpskurs
Tirsdag 12.mai arrangerer omsorgsberedskapsgruppa i Todalen Sanitetsforening og Todalen IL førstehjelpskurs på Bordholmen kl 1800.
Ivar Bolme stiller for brannvesnet, og som fagmann for Hjartine.
Jan Ove Bævre og Olav Polden fra ambulansen gir oss førstehjelpskurs.

Storhaugrunden – 24 stakk ut på fellestur!
Søndag arrangerte trimgruppa i Todalen idrettslag fellestur til Storhaugen. Dette for å markere at det har vorte ein ny «Stikk UT-tur» i bygda, nemleg Storhaugrunden. Tjuefire personar i alderen åtte til åtti år var med på turen, alle spreke både i motbakkar og unnabakkar. Leiar i trimgruppa, Jorunn Nordvik, var tursjef. Ho gjekk attast og passa på at alle vart med heilt ned att.

Ræta opp på 30 sekunder
Er det snart på tide å komme i form til årets Ræta Opp? lurer Knut Bergli i Todalen IL. Lørdag 27. juni kl 12 startar nemleg den fjerde utgaven av mosjonsløpet Ræta Opp på Borholmen stadion. Løpet er i underkant av 3 km langt, med start og mål på Borholmen. Den tyngste delen av løypa er opp og ned ræta et par ganger.

StikkUT: Storhaugrunden på søndag
Trimgruppa minner om fellesturen rundt Storhaugrunden, med start kl 14 frå vedhuset på Haugligardane, via Storhaugen – og grilling med pølse, saft og kaffe ved Fosstrøin på returen. Alle er velkomne til å bli med på ein triveleg rundtur. Det er berre å StikkUT!

Vårens siste dametrim
Torsdag 7. mai blir vpårens siste innendørs trimøkt for dametrimmen. Det skjer som vanleg i gymsalen, og startar kl 20.00. Dametrimmen kjem muligens til å arrangere nokre fotturar utover mot sommaren – før dei tek ein velfortjent ferie, melder Turid Hals Sæther i dametrimmen.

17.mai – programmet er klart
Programmet for feiringa av nasjonaldagen er no klart. Det meste foregår på tradisjonelt vis, med biltog frå Matkroken kl 9.30 – og fortsett med stor felles frukost på Borholmen etterpå. etter ein liten pause blir det folketog frå skulen til kyrkja og gudstenesta der. Etter gudstenesta blir det kransnedlegging ved bauten, før toget fortsett til skulen. Frå kyrkja til skulen får folketoget følge av 17.-orkesteret som sørgjer for musikk til marsjen. I skulen blir det mat, allsong og leikar for borna – og sjølvsagt tale for dagen med Sondre Ormset.

Stor trimaktivitet!
Søndag kom sola, og mange nytta godveret til å «stikke ut». Det var jamn trafikk av trimmarar både i Storhaugrunden og Svinvikrunden. Midt på dagen søndag hadde 40 personar skrive namnet sitt i «Stikk-Ut-boka» på Storhaugen, og heile 118 turar var noterte i boka i Gammelvegen! Det lovar godt for folkehelsa.

Stikk UT! – Storhaugrunden er no ferdig skilta og klar for trim!
For andre året på rad er Surnadal kommune med StikkUt-prosjektet til Friluftsrådet Nordmøre og Romsdal. 2015 er «Friluftlivets år» og fokus er å framheve den positive effekten friluftsliv har på folkehelsa. Nytt StikkUT-mål her i Todalen er Storhaugen.

Gubbetrimen fortsett ute
Gubbetrimen har no flytta treningane sine ut på Borholmen Stadion. Utover våren og sommeren blir det fysisk fostring for menn i alle aldrar ( og eventuelle damer) to gonger i veka melder ein sjølvutnemt bas Knut Jarle Sandstad.

Full gass kvar tirsdag.
Om det kallast kamp eller trening spelar ingen rolle. Innsatsen var uansett upåklageleg og måla vart rekna etter kvart som dei rann inn. Knøttegjengen som møttes for andre gong for trening på Bordholmen kosa seg stort i ein stor time under litt kald vind tirsdag kveld. Dei er for små til å delta i seriespel enda, men laget har tenkt seg på ei par cupar i løpet av sesongen.

Sjekk om du er ein vinnar…
På sildballdagen sist laurdag hadde Todalen idrettslag eit lotteri, der det var eit Hagemøbelsett i rotting som hovudgevist. Loddsal var det også på «jaktkvelden» på tysdag, der lars Olav Lund tok oss med på tur til Antarktis. No har det vore trekning i lotteriet, som i tillegg hadde 9 andre gevinstar. Trekningslista finn du dersom du klikkar deg vidare…..

Har du lyst til å bli fotballdommar?
Det er behov for fleire dommarar til sesongen starta. Det planlegges no eit dommarkurs i regi av I.L. Søya. Har du lyst til å «bli med på laget» så er det berre å melde din interesse hos leiar i fotballgruppa i T.I.L., Knut Bergli. Send SMS eller ring Knut på tlf 905 91 555.