Todalen Bondelag

Det er Solli Skog frå Surnadal som har oppdrag for Kristen Bruset, der det skal hoggast eit par tusen kubikk med gran og furu. Litt lauvskog blir det også med i same prosjektet, som dei reknar med vil ta tre veker eller der omkring. Her skal det hoggast eit granfelt ved Vårsetra, og elles frå nederste del av Bjørålia og utover til Korslia mot Storhaugen

Det har vore godt vokstravêr no på tampen av sommarsesong, og 3.-slåtten er forlengt komen i gang rundt omkring i bygda.  Håvard Halset seier at det er bra med gras, og no satsar han på at det som kunne vorte 4.-slåtten skal bli fine beiter om nokre veker. 

Det har vore generasjonsskifte i hønehuset i Pestua.  Det gamle innsettet med verpehøner var uttjent, og nye er komne til gards.  No nærmar det seg starten på verpinga, og dei aller første kjuklingegga er alt komne og snart er det full produksjon igjen.  Og full produskjon, det er ca 7.500 egg pr dag – ett egg pr verpehøne. 

Dagros, eller kva ho no heiter, kan takke moderne teknologi for at ho er i live.  Eit trettitals ungdyr og tørrkyr  går på fjellbeite i Romådalen.  Dei er utstyrt med Nofence, som er ein slags elektronisk bjølle, der ein kan definere eit virtuelt gjerde for krøttera. Det blir da definert eit område som dei må halde seg innafor – kjem dei utom så får dei eit lite støyt og eit lydsignal. 

Frå i dag er det nok full trøkk med siloslåtten over heile bygda.  Vi stakk innom i Pestua, der Todalen Mjølk har moblisert både mannskap og utstyr til full fokus på førsteslåtten.  Den kalde vinteren med mykje is har nok sett sitt preg på slåttamarka med mykje isbrann.  Det fine maivêret har også gjort sitt til at tørke har hemma veksten.  Dette har ført til at vi opplever ei avling som er under normalen til førsteslåtten, seier Anders A. Karlsen hos Todalen Mjølk.

På vår runde rundt bygda trefte vi iallfall på 2 sikre vårteikn.  Jenstad Maskin var i full gang med å plukke inn brøytestikker på fylkesvegane.  Det vil seie fylkesvegane rundt bygda til Brusetkrysset og utover til Todalskrysset 

På Husby har det i dag gått hardt utover lauvtrebestanden på tampen av dagen.  Det er Per-Åke Jacobsson som fliser opp olderstrangar som skal bli til strø i sauefjøset heime på Hjellnes. 

Vi kan trygt seie at Eirik Gjeldnes som kjører ut kraftfôr er «vidfarann», for du kan treffe på han med tankbilen frå Romsdalsfjorden og oppover til Verdal i Trøndelag.  – Sågar hender det også at det er levering i Ålesundsområdet.  Etter 16 år som sjåfør på Røv Mølle er han nok lommekjent både på Nordmøre og i Romsdalen. 

På flat mark er det nok rundt 50 cm tele no, og det er nok perfekte forhold for å drive med skogsdrift.  Solli Skog er i full gang med skogsdrift for Talgø Gard, der Anita Talgø er grunneigar. 

Med aukande straumprisar er det sjølvsagt aktuelt med vedfyring igjen.  Dei siste par månadene har regnet sørga for å halde straumprisane nede – sågar eit par dagar på minusnivå.  Men så kom finvêret og litt kulde, og da vart det straks aktuelt å fyre opp i omnen igjen.  Bjørn Kvendset rusta seg på skogsarbeid og vedhogging i Lykkjebygda i dag – det er nok ved for neste sesong, og leveringsklar først til sommaren. 

Det har vore utfordrande å drive med sauesanking i år  – det har vore mykje nedbør og ikkje minst har det store snøfallet i høgfjellet laga problem.  Ola G. Kvendset i Viastua fortel at dei har rundt 40-50 dyr i fjellet enno –  knappe 30 er berga ned frå snøen medan eit 20-tal ikkje er funne.  Onsdag henta Ola ned over 20 dyr frå Tælafjellet i Romådalen, men måtte forlate dei på Husbystølen i Romadalen da kveldsmørkeret kom. 

Måndag 4. september blir dei første krøttera henta ned frå beite i Kvennsetdalen.  I sommar har det vore nærare 80 storfe på fjellbeite i Kvennsetdalen, men no er sommaren på hell, og da bers det heimover, og dyra vil bli henta puljevis ned frå fjellet, fortel Ola Kvendset. Han ber om at billistar viser litt hensyn når det er dyr i vegbanen mellom Rossåbrua og Kvennsetøran.