Bli med på tur til Strengen! Tysdag 1.juni feirar Fjellgruppa i Surnadal Pensjonistlag første sommardag med tur til Strengen. 

Les heile saka

Todalsdagen 2021 går av stabelen laurdag 26.juni på Bordholmen stadion. Programmet er ikkje heilt «spikra» enda, men at det blir ein dag med fleire nye aktivitetar er heilt sikkert. «Ræta opp!» har etter kvart vorte eit tradisjonelt arrangement under Todalsdagen, og i år er ikkje noko unntak i så måte, så her er det berre å legge seg i trening for å «spisse» forma!

Les heile saka

Barne- og ungdomsfotballen har så vidt begynt å rulle rundt om, men på grunn av koronasituasjonen, er det så langt berre kampar mot lag frå same kommune som kan spelast. I går kveld var det difor duka for eit klassisk lokaloppgjer når Søya/Todalen J10 tok i mot Surnadal J10 til seriekamp på Søyabanen.  

Les heile saka

Samarbeidsprosjektet om turstien opp til Snytå er god i gang med dugnadsarbeidet. Tysdag kveld var det 12 personar som deltok på dugnaden som Nordvik Grendalag og I.L. Søya arrangerte i lag.  Ingrid Røe inviterte heile gjengen til hytta deira, «Sveinebu», og der vart det traktering.

Les heile saka

Første kvelden med sykkeltrim i sommar vart arrangert i kveld. Både store og småe todalingar møtte opp for å delta, og den første runden gikk rundt bygda – oppover Ørsalbukta til Bruset og nedover att på norsdsida og siste etappe etter Toåa tursti frå Bønnavollan til Halsabrua og vidare til Bordholmen. 

Les heile saka

No er det tid for ein ny runde med fotpleie i Todalen sanitetshus. Fotterapeut Pan Promchart kjem måndag 7. juni og tysdag 8. juni. Det er mange ledige timar båe dagane.

Les heile saka

På ettermiddagen i dag tikka det inn ei skikkeleg gladmelding til alle som er kundar i Gjensidige Heim, Surnadal og Tingvoll. I meldinga heiter det at kundane i Heim, Surnadal og Tingvoll får 15 millionar til fordeling. 

Les heile saka

Fjellgruppa i Surnadal Pensjonistlag gjekk i går tur til Mulneset. Det var 25 deltakarar på turen. Deltakarane fekk ein fin tur etter ein tørr og fin sti med god utsikt utover fjorden. Stien frå Haltbakken og utover til Mulneset går gjennom eit frodig område med allsidig vegitasjon og skog med mange treslag. Turrapporten fortel at deltakarane storkosa seg i det fine vêret.   

Les heile saka

I kveld var Start 4H ute og testa fiskelykka i Todalsfjorden. Gudmund K. Kvendset, Finn Ranes, Kjetil Sogge, Laila K. Bergli og Shan Allan Halle stilte med båtar, slik at det vart plass til alle 4H-arane. Todalt var det rundt 20 personar i dei fem båtane som drog ut for å freiste fiskelykka. 

Les heile saka

Det er Todalen historielag som laurdag 29. mai frå kl 12 og utover inviterer til kulturvandring i Brusetgrenda, frå Bruset og oppover til hengebrua.  Kulturvandringa starta på Bruset kl 12, og så går turen innover grenda, med kjente guidar – Ola Bruset, Kristen Bruset og leiar i historielaget John Moe som blir med på turen. På returen går turen nedom Nernesset, der det før i tida var busetting.

Les heile saka

I dag er mesta i gang med tillyst utbetringsarbeid på på asfalten på fylkesvegen på 3 plassar.  Arbeidet starta i dag tidleg og vil gå føre seg utover dagen på Todalsøra, ved Pilskaret og på begge sider av Brusetbrua. Til saman er det snakk om 2-300 meter som no får eit nytt lag med asfalt. 

Les heile saka

Laksefisket nærmar seg med stormskritt – i Toåa startar fisket den 15. juni og varer til 15. august.  I Surna er dei i gang om ei veke – nærare bestemt tysdag 1. juni går startskotet der. Det er nok mange som stundar til at laksefisket skal starte, og «medan du ventar» har Todalshytta lansert ein flott promoteringvideo i samarbeid med utstyrleverandøren Zpey.  Opptaka vart gjort i Toåa i fjor sommar og resultatet – ein videosnutt på 3-4 minutt vart sleppt for eit par dagar sia.

Les heile saka