Todalen idrettslag melder at det no er fine forhold i lysløypa oppå Tjønnmyrå. Det er kome godt med snø, og i løpet av dagen er det kjørt opp spor; så no ligg alt til rette for å ta ein skitur.

Les heile saka

Surnadal Folkeakademiet inviterer til årsmøte måndag 18. februar kl 20.00. Møtet er på  kantina i Skeivegen 3. Denne er i tredje etasje i Coopbygget. Her blir det vanlige årsmøtesaker. 

Les heile saka

Søndag 20. januar er 3. søndag i openbaringstida, og da blir det gudsteneste i Todalen kyrkje kl. 11.00.  Etter gudstenesta blir det kyrkjekaffe, og denne dagen er det takkoffer til Misjonsprosjektet, melder Todalen Sokneråd.

 

Indre Nordmøre Senioruniversitet inviterer til årsmøte på Kulturhuset i Surnadal, onsdag 23. januar 2019 kl. 11.00. Dei byr på song og musikk, med gamle slagere og slagequiz med Tor Strand og Norvald Bondhus.

Les heile saka

Surnadal Pensjonistlag skal ha medlemsmøte på sjukeheimen tysdag 22.1. kl 1500. Det blir som vanleg song og musikk, og vi får kåseri ved Bengt Eriksson, leiar i Kristiansund Pensjonistlag.  Sjølvsagt blir det servering, loddsalg og triveleg samvær, skriv Surnadal pensjonistlag i ei pressemelding.

Indre Nordmøre forsvarsforening arrangerer prøve til skiskyttarmerket etter militært program på Toreseter. Det skjer førstkomande laurdag 19. januar 2019 kl. 13.00. Det er påmelding ved start. Programmet er 10 km langrenn med 10 skott liggjande på 100 meter avstand.

Les heile saka

Laurdag 19. januar inviterer Todalen sanitetsforening til strikkekaffe. Det er ope hus frå kl. 13.00 til 16.00. Alle er velkomne til sosialt samver med handarbeid, triveleg prat og kaffelag!

Les heile saka

Hålkeføre med litt nysnø oppå skapte problem for skulebussen på tur oppover til Kårvatn måndag ettermiddag. Bussen hadde liten fart, så utforkjøringa var heilt udramatisk. Uhellet skjedde tett attmed utløpet frå Vassosvatnet, og det var berre ein passasjer om bord i bussen. Verken passasjer eller sjåfør kom til skade og bussen kom og godt frå uhellet.

Les heile saka

På «søre luten» av Gran Canaria ligg det fleire turistbyar som kvart år har massevis besøk av massevis av norske turistar – trur faktisk det dreier seg om så mange som rundt 350 000 i året. Puerto Rico fristar mange, og her er mange prislister og plakatar på norsk i tillegg til andre språk. Når du høyrer folk snakkar på gata, så er det ofte norsk dei talar.
Mange av turistane har langtidsopphald her, og mange både korttids- og langtidsturistar er flinke til å trimme når dei er her. Eit populært mål for trimturar i området er sjølvsagt Norskeplassen – på 315 m.o.h. og ein stor times gange er den populært mål for trimmarar både frå Puerto Rico, Anfi og Arguineguin.

Les heile saka

I helga har årets første Norges Cuprenn i randonee vore arrangert i Skorgedalen. Arrangør var Romsdal Randonee Klubb, og på startstreken i klassen ungdom stilte Erik Kårvatn for Todalen IL. Fredag kveld var det individuell sprint og Erik konkurrerte mot Edvard Sætran Solli frå Torjulvågen. Erik var sterkast begge dagane og vann klassen sin. Han har etter ein sesong som både aktiv innan fotball og friidrett eit godt grunnlag til å hamle opp med mtstandarane i motbakkane.

Les heile saka

I januar er Torbjørn Brøske stasjonert i Arguineguin som prestevikar i rundt ein månad. Tidlegare har han og kona Rannveig gjort teneste her i 3 månader i 2015, og ein kortare periode i 2017 – da feira dei forresten jul her, og hadde deler av familien på julebesøk. Og det er slett ikkje nokon nybegynnar som tek teneste i Sjømannskyrkja på Gran Canaria, for Torbjørn har gjort teneste i til saman 14 år i Sjømannskyrkja på forskjellige plassar.

Les heile saka

Førstkomande søndag, 20.januar kl. 15.00, inviterer Todalen historielag til ettermiddagskaffe i Ungdomshuset. Helge Husby frå Tingvoll har skrive bok om slaget i Gratangsbotnen i 1940 der mange frå gamle Stangvik kommune deltok. Dette er utgangspunktet for kåseriet Helge Husby vil halde i Ungdomshuset.

Les heile saka