Todalen Sokneråd

Også soknerådet i Todalen ha sendt over sine aktivitear som de no finn i aktivitetskalenderen.

Nyttårsgudstenesta på nyttårsaftan markerte på mange måtar eit skille. For det første blir kyrkja fristillt frå staten frå årsskiftet, og det gjer at det blir ei likestilling mellom alle tru- og livssynssamfunn i den norske stat. I samband med denne prosessen sluttar vår sokneprest gjennom dei siste 28 åra, Bernt Venås (59) , og fråtrer si stilling som sokneprest i Stangvik prestegjeld.

Nyttårsaften – 31. desember kl. 16:00 – er det gudsteneste i Todalen kyrkje med sokneprest Bernt Venås. Dette blir ei litt spesiell gudsteneste, da vi tek avskjed med sokneprest Bernt Venås som etter så mange års teneste sluttar no til nyttår. Det blir offer til Todalen Sanitetsforening.

Kveldens tema under lysmessa i Todalen kyrkje var naturleg nok lys. Inne i kyrkjerommet var det dempa belysning, tente lys og høve til å senkje skuldrene eit par hakk ein times tid. Adventstida er ei tid for refleksjon og undring. Lysmessa er ei fin og litt annerledes gudstjeneste. Prest Bernt Venås hadde god hjelp til gjennomføring av kveldsgudstjenesta av konfirmantar både frå Todalen og Stangvik denne kvelden.

Søndag var det hausttakkefest i kyrkja, der 50-årskonfirmantane var spesielt inviterte. Hausttakkefesta er ei markering av at innhaustinga er ferdig og markerer at sesongen er ferig og det er tid for oppgjør.

10. juli 1966 var det konfirmasjon for 1951-årgangen i Todalen kyrkje. Laurdag kveld var det tid for å feire 50-årsjubileum i Todalen ungdomshus – med Todalen sokneråd som vertskap. Det vart ein triveleg kveld med mange artig historier og mang ein god latter.

Kristen Bruset som til dagleg har sitt liv og virke i Veidekke var i full aktivitet med slåttaarbeid på kyrkjegarden i føremiddag, og i ein spøkefull tone lurte vi på om han hadde skaffa seg sommarjobb for å spe på levebrødet. Men det hadde seg ikkje slik, fortalte han. Kristen er valt inn i både soknerådet og fellesrådet, og det var bunnskråpa kasse som gjorde at han no var i gang med dugnadsslått på kyrkjegarden i Todalen.

Denne veka har det vore stor aktivitet med reparasjon av kyrkjegardsmuren. Det har foregått i regi av soknerådet, og er finasiert med midlar som er kome inn som øremerka gåver til formålet. I dag vart prosjektet ferdigstillt og da var det feiring med blautkake og kaffe – ved kyrkjegardsmuren.

I dag starta arbeidet med reparasjon av kyrkjemuren rundt Todalen kyrkjegard. Som vi har omtala tidlegare er det teleskade på muren og skade på grunn press frå røter på store tre som står ved muren. Dette er tungarbeid, og det meste av arbeidet må gjerast med handmakt. Tadeusz Przespolewski (Ted) som har teke på seg dette […]

Førstkommande måndag startar Todalen sokneråd med omfattande restaurering av deler av kyrkjemuren rundt Todalen kyrkje. I kveld var ein gjeng frivillige oppi Teljehaugen og pukka fram stein til bruk i arbeidet. Hoveddelen av restaureringa er det Tadeusz Przespolewski (også kalla Ted på Sandmo) som skal utføre, og han vil ha med seg to stabile handlangarar i Eivind Grønmyr og Gudmund K Kvendset.

Ensemblet «Billuca» frå Trondheim gjestar Todalen kyrkje fredag 20. mai kl. 20. Det blir ein sommarkonsert utanom det vanlege. For kva skjer når spansk kunstmusikk møter ein norsk bånsull? Når ein kryssar Purcell med rytmer frå Balkan? Eller når Brahms gyngar i shanty-takt? Det oppstår noko nytt av det velkjente når Billuca Ensemble framfører sitt nye vår- og sommarprogram.

Det vart ei fin konfirmasjonsgudsteneste i Todalenen kyrkje søndag, da dei to konfirmantane Kevin Anders Brusethaug og Marit Ingeborg Ansnes tok steget inn i dei vaksnes rekkjer. I si preken til konfirmantane sa sokneprest Bernt Venås at livet kan samanliknas med ei reise. På livets reise veit ein ikkje kvar reisa går, men no er tida inne for at dere sjølve må ta styringa på vegen vidare.