Todalsdagen 2012

Todalsdagen 2012 er i hamn, og da dommar Ola Magne Nordvik kunne blåse av finalekampen mellom Surnadal og Astor var fotballkamp nr 46 slutt og dei sportslege aktivitetane under Todalsdagen 2012 var avslutta. I lillegutfinalen trekte Surnadal G10 det lengste strået og vann 3-0 over Astor frå Trondheim, etter ein fartsfylt og artig kamp. Stor innsats frå alle dei 28 laga gjorde Todalsdagen til ei fotballfest, som vi håper alle deltakarane har mange gode minner frå. Ros også til publikum som var engasjert og som applauderte innsatsen på banen og gjorde stas på alle dei små aktørane som var i aksjon, seier en storfornøgd cupgeneral Knut Bergli.

Det nye mosjonsløpet «Ræta Opp» startar kl 12.00 frå Bordholmen. Startkontingenten går uavkorta til kreftsaka, og arrangøren ioppfordrar alle til å bli med på løpet som går frå Bordholmen og over Halsabrua og opp i Halsetgrenada og toppen av Ræta, og tilbake til Bordholmen.  Her finn du løypekartet og meir info om Ræta Opp.

Tysdag kveld var siste stordugnad på Bordholmen før Todalsdagen som arrangerast førstkomande laurdag. Eit trettitals deltakarar på dugnaden monna godt, og det meste av førebuingane er no gjort unna. No rykkjer dei forskjellige komitèane inn og etablerer seg med utstyr for grilling, utplassering av mål og merking av dei 5 banane som skal i bruk laurdag. Det er nemleg rundt tretti lag som kjem for å ta del i fotballcupen, og tilsaman er det over 300 spelarar som skal bryne seg mot tøffe konkurrentar. Her blir det fotball frå tidleg morgon til langt utpå laurdag ettermiddag.

Program for Todalsdagen er klart til distribusjon. For første gong distribueres programmet «World wide» og lokalt samtidig. Bor du på strekninga mellom Kårvatn og Hauahyllån vil du finne programheftet i postkassen i løpet av kvelden. Bor du andre plassar kan du berre klikke på linken nedafor, så får du opp det digitale programheftet og kan bla deg gjennom heftet i ro og mak. Her får du presentert programmet for Todalsdagen, med kampoppsett for fotballen og informasjon om mosjonsløpet Ræta Opp og mykje meir.

Frå Todalen idrettslag har vi fått kampoppsett for knøtter og miniputter. Dei skal gjennom eit hardt program med 30 kampar i løpet av Todalsdagen 30. juni. Første kamp startar kl 10.00, og da går det slag i slag utover dagen til siste kamp startar kl 15.00.

I kveld er det dugnad på Bordholmen for å ta siste innspurt på anlegget til Todalsdagen. Ta med deg høveleg utstyr og kom på dugnad. Dugnadskomiteen sørger for traktering.

Loddsalget er alt i gang for det tradisjonelle «Superlotteriet», der det er trekning under Todalsdagen. Søndag var Frikk H. Talgø og Jens Olav Moe på plass framfor Matkroken L.Hals for å drive førehandssalg av loddar. Dei var godt nøgd med salget, for dei aller fleste som passerte på tur inn eller ut av butikken, stoppa for å kjøpe lodd.

Vi i loppekomiteen vil først få takke for alle lopper vi har fått tidlegare år. No er vi i gang igjen med førebuing til loppemarknaden under Todalsdagen 2012 som blir arrangert laurdag 30. juni. Og da treng vi nye lopper. V er interessert i det meste; bøker, barnebøker, blader, leiker, småtre, koppar og kar og ting og tang. Loppene må væra heile og i orden. ta kontakt med Borghild på telefon 908 41 614 når som helst, og vvi kan ordne avtale om levering og eventuelt hjelp til henting.

Tysdag kveld var det «full puss» på Bordholmen, og klargjering til Todalsdagen som arrangeres laurdag 30. juni. Da kjem eit førtital fotballag med knøtter, miniputter og lilleputtar på Todalscup og da må anlegget vera strøkent. Det var fleire arbeidslag som var i aksjon rundt omkring på anlegget, der nokre dreiv rydding i lagerbygget medan andre dreiv slåttearbeid eller reparerte utgarden som vart øydelagt av stormen Dagmar i vinter.

Energiske Ingvild Kårvatn har fått med seg Todalen Idrettslag til å arrangere mosjonsløpet «Ræta opp» under årets Todalsdag. Bakgrunnen for løpet kjem seg av at ho etter lengre tids kreftsjukdom deltok på halvmaraton for å «teste formen» for eit par år sia. Ho deltok også på ulike motbakkeløp og mosjonsløp her i distriktet, men fekk liksom ikkje frå seg ideen om at dette kunne vel også Todalen IL arrangere. Og som sagt som gjort, Todalen IL beit på ideen og arrangerer dermed «Ræta opp» for aller første gong no i år under Todalsdagen 30.juni.

No er alle lagbileta frå fotballcupen lagt ut. Vi har bilde av 36 av til saman 37 lag som deltok i cupen. Laget til Sunndal manglar, da dei drog heim rett frå siste ferdigspela kamp, så dei gikk glipp av premieutdeling og fotografering. Alle dei andre laga ligg i bildegalleriet nedafor. Skulle det være bruka feil namn på laget, så sett vi pris på å få korrigering frå lagleder på e-post til redaksjonen i Todalen.no.

Det var nok ikkje uvanta at Molde gikk til topps i fotballcupen under Todalsdagen. Med ei ubroten sigersrekkje gjennom heile turneringa trekte dei også det lengste strået i finalekampen mot trønderlaget Freidig, der dei vann 3-0. I bronsekampen spela Eide mot CFK, og der dei vann 7-4. Dermed hamna bronsepokalen i Eides premieskap. Det var tilsaman 37 lag som deltok i Todalsdagens fotballcup, og vi er imponent over den store innsatsen på fotballbanen og den fotballgleda som vart lagt for dagen. Honnør også til publikum og heiagjeng som var med heilt til slutt og som gjorde ekstra stas på arrangementet.