Ein uniformert mann frå Vegvesenet ved Todalshaugen vekte vår interesse. Var han i gang med prosjektering av ny bru over Husbekkjen med tanke på tidleg oppstart av tunnelprosjektet? Nei da, han var på synfaring av bruene i området, og hadde oppdrag på vegne av Vegvesenets avdeling for bruer og fergekaier i Region Midt. Eit hol i asfalten og en skadd påle til rekkverket hadde fanga hans interesse for meir nøye kontroll, og her er det nok naudsynt med ein reparasjon så snart som muleg.
Les heile saka
Skog-Kompaniet driver no tømmerhogst på Nordvik, fortel dagleg ledar Kristen Bruset. På Nordvik var det ein god del vindfall etter julestormen Dagmar, og dei har no oppdrag der for fleire grunneigarar. Hogsten foregår i regi av Allskog og drifta blir koordinert av skugbrukledar Per Egil Rønning. Kristen fortel at det er tildels vanskelege forhold i skogen no, og dei tok jobben på Nordvik da fleire planlagte tømmerdrifter har vorte utsett på grunn av vanskelege vær- og føreforhold.
Les heile saka
Salmeskatt i Jeans og bunad hadde dirigent Bernt Bøe kalla songkvelden i Todalen kyrkje onsdag kveld. Og med det signaliserte han ein stor variasjon i programmet, der korsongen nok dominerte på denne songkvelden. Den var eit samarbeid mellom Todalskoret og Åsskard kyrkjekor. Men programmet var krydra med både deklamasjon, solosong og orgelmusikk, og spente frå tangorytmer til Bach-koral, ispedd både allsong, folketonar og klassisk.
Les heile saka
Hos Byggmakker Surnadal er det stor aktivitet om dagen, både på utsida og innsida. På utsida har entreprenøren kome i gang med et tilbygg på 400 m2. Nybygget skal mellom anna huse den nye OutLiving-kolleksjonen frå MøreTre. Inne i butikken er det også store endringar, der varegrupper er flytta om, for å få en meir praktisk butikk – både for kundane og for betjeninga.
Les heile saka
I dag har kommunestyra i Sunndal og Surnadal vore på befaring for å sjå nærare på dei forskjellige alternativa for ferjefri ferdsel over Todalsfjorden. Dei starta på Sunndalssida av Todalsfjorden i formiddag, og etterpå bar det over med ferja og innover mot Todalen. Der var det ein rask stopp ved ICA Todalen for ei kort orientering, før det bar vidare til Halsasvingen og Ørsal. Etterpå var det lunch og informasjonsmøte i Todalen ungdomshus for heile gjengen.
Les heile saka
Kveli/Rånes/Kveli køyrer for tida stappfulle hus i Trøndelag. Det har vore ekstra forestilling både på Orkanger og i Olavshallen. Fredag 9. mars kl 19.00 kjem dei til Surnadal kulturhus, fortel kulturhussjef Karstein Telstad. Og han garanterer vi slepp å sjå «gammel moro», for det er heilt nytt show og han reknar med at det blir fullt hus. Det er enno plass, og bilett kan du kjøpe på nettet ved å følgje linken til Billettluka.
Måndag var det karneval i barnehagen. Endeleg kom dagen som borna hadde gledd seg lenge til! Det var stor stemning og mange fine kostymer å sjå, så det var jammen ikkje lett å kjenne igjen ungane. Utover dagen vart det dansa limbo og vi kosa oss med pølser, juice og eksotiske fruktfat, fortel Jorunn Nordvik som har sendt oss bilde av heile gjengen.
Snart er det tid for vårens vakraste eventyr som er saulamminga. Men før den startar er det tid for sauklipping, og med vinteren på hell og våren anmarsj er det nok mange som no er i gang med dette arbeidet. Gudmund Kvendset i Viastua starta jobben i dag, og sjølv om han egentleg hadde avslutta dagen, så vart nr 6052 avbroten midt i kveldsmåltidet for å vera fotomodell. Men det var fort overstått og etter nokre minutt var det overstått.
Les heile saka
Onsdag kveld (7/3) kl 19.30 er det klart for tonekveld som dei har kalla «Salmeskatt i jeans & bunad». Det skjer i Todalen kyrkje, og det er Bernt Bøe med Todalskoret og Åsskard kyrkjekor som vil underhalde oss med song og musikk kvelden. Dei har og med Sigrid Bøe, Daniel Bjørlo og Torgrim Tunes denne kvelden. På plakaten står det at vi får høyre Tangorytmer og Bach-korat, Spiritual og Bibelsalme, Folketone og klassisk, velkjent og nytt, allsong og korsong, solo og orgelmusikk, samt kåseri og opplesing. Med andre ord ein allsidig kveld med mykje kultur. – Og etterpå serverer soknerådet kaffe i kyrkja. Her finn du plakaten.
Surnadal Velværeseter har ”vokst ut” av lokala dei har i 2 etasje på Landbrukshuset, og er no på flyttefot, fortel dagleg leiar Ann Kristin Bruset. Men dei flyttar ikkje langt, berre på baksida av bygget til Landbrukshuset. Her får dei nye og fine lokale og mykje meir plass. Da velværesentret opna i oktober 2006 hadde dei 300 m2 til disposisjon, medan dei no vil få heile 700 m2 å boltre seg på. Torsdag 7. mars kl 18.00 er ordførar Mons Otnes klar til å klippe snora.
Les heile saka
Då var det tid for å bestemme kva for bilete som var mest populært i årets siste vintermånad, og stemme fram månadens bilete for februar. Snø og vinter er gjennomgangstema i bileta, men vi ser tendendar til sol og lysare tider. Framover blir det enda lysare, og vi satser på mange spennende bilete i månadane som kjem.
Les heile saka
Vårsøg Hotell har i desse dagar reklamert med si nye brosjyre «100 ting å gjera i Surnadal». Todalen.no har teke ein titt i den, for å sjå om kanskje Todalen var representert med ei og anna opplevinga som er verdt å nemne. Og visst var Todalen nemt, heile 12 ulike «ting å gjera» har hotellet lagt hit inn. Og tek vi med Nordvik i tillegg kjem ein opp i 16 ulike alternativ frå fartsfylt moro, for den aktive, aktivitetar for alle, festivalar, inspirasjon, guida turar, sightseeing, shopping, kultur, tid til å leva og mat og drikke.
Les heile saka
