I morgon er det dobbeltkamp på Bordholmen. Da får både G10 og J10 Søya/Todalen besøk av Surnadal i to spanande lokaloppgjør. Begge kampane startar klokka 18 og kiosken er åpen, der det blir rå for både kaffe, bakels og smørgraut.

I kveld var naboane rundt Talgøfabrikken, og andre involverte, invitert til informasjonsmøte i samband med at arbeidet med å utarbeide ny reguleringsplan for deler av Kvennsetøran (gnr 137/69 og 137 /15). Det er tidlegare regulert til areal for industri og arealplana er godkjent av kommunestyret i 2017. No startar imidlertid den meir detaljerte reguleringsplana, og Talgø ønsker at dette reguleres til industriområde.

Todalen I.L. har i år beslutta at dei vil invitere heile bygda på julebord i Ungdomshuset. Det skjer den 17. november, og i første omgang er det berre viktig å reservere helga – eller rettare sagt dagen som er laurdag 17. november. Arrangøren har planer om å lage til tradisjonell julemat, og det blir satsa på alle rettigheter med tilbehøret. Enno er det berre datoen som er klar, men vi kjem med meir info etter kvart.

Før helga var vi ute med ein konkurranse der du hadde muligheten til å vinne gratisbilletter til kampen mellom KBK og Haugesund den 23. september. No har vi fått resultatet av konkurransen og trekninga, og de heldige vinnarane av gratisbillettane er Gunnhild Sæther og Karen Johanne Talgø.

Det er oppfordringa frå senterleiar Lorentz Sæter denne veka, før han på laurdag kunngjer kven som blir den heldige vinnar av Amfelia og Oskar-prisen på heile 5000 kroner. Dette er ein heilt ny pris som no deles ut på alle AMFI senter denne veka, i forbindelse med kampanjen Barnas Dager.

Ski- og friidrettsgruppa i Todalen idrettslag arrangerer aktivitetar på Tjønnmyrå måndagskveldane. Dette er eit fint tilbud for små og store, og er i staden for lagseriestemne på Bordholmen.

Tysdag 11. September drog Todalen og Stangvik oppvekstsenter på tur til Kårvatn. Vi tok bussen opp til Kårvatn og starta spaserturen opp til Nauståfossen. Etterpå gjekk vi til gapahuken. Der grilla vi pølse og kosa oss.

Onsdag 19. september kl 17.30 inviterer Pårørandeforeininga i Surnadal til haustfest i kantina på Surnadal sjukeheim.  Dei byr på underhaldning, servering av kaffe med noko attåt. Bebuarar, familie og vener er hjarteleg velkomne!

Surnadal Heimbygdlag inviterer til markaslåttkveld på Mo oppvekstsenter torsdag 27. september. Dei byr på eit allsidig program med både video, tekst og samtale, og det er lærar Oddvar Moen som saman med støttepersonar presenterer eit opplegg som skulen egentlig laga på 1980-talet.

Laurdag ettermiddage er det elevtreff på Husmorskulen på Halsa. Det skjer i samband med boksleppet for «Historia til Halsa Vidaregåande Skole», som Einar Oterholm har ført i pennen. Denne boka er nærast ei fortsetting av «Historia til Nordmøre Husmorskule». Den nye boka omhandlar altså tida etter at skulen vart fylkeskommunal og skifta namn og driftsform i 1977 og fram til skulen vart nedlagt i 2001. No samlar dei altså troppene og arrangerer elevtreff komande laurdag ettermiddag

Viktig å merke seg om du brukar biblioteket på Skei: no bør du fylle opp med bøker, for biblioteket vil bli stengt i fem veker frå 24. september. Surnadal folkebibliotek vil bli såkalla «meirope» når dei opnar igjen. Det vil seie at lånarane kan låse seg inn utanom den vanlege opningstida med lånekortet sitt og ein kode (med unnatak av om natta).