Todalen Sanitetsforening

Mange fann vegen til Sanitetshuset i dag når Todalen Sanitetsforening åpna dørene til si årlege klesinnsamling til Estland. Dette er blitt ein årvis hending hos Saniteten, og etter 6 år verkar det fortsatt som om dette er eit populært tiltak. 98 store søppelsekkar vart i dag stabla opp i uthuset på Kvendset, klare for levering til Estlandsforeninga i Rindal.

Todalen Sanitetsforening arrangerer også i år innsamling av kleder til Estland i sammarbeid med Estlandsforeninga og ekteparet Jensvoll fra Rindal. Dato er satt til laurdag 25. april frå kl 11-13 i Sanitetshuset.

Elinor Bolme som er leiar i Norske Kvinners Sanitetskvinner i Møre og Romsdal, fann i haust ut at NKS skulle starte ei haldningskampanje retta mot russen av året i heile fylket. Med seg på laget, fekk fylkesstyret Senter mot incest og seksuelle overgrep (SMISO) i Molde. SMISO fekk Amfi Kreativ til å laga boxershortsar med påskrifta “Eg tek ansvar”(gutane) og “Spør meg først” (jentene). Fylket fekk samme produsent til å laga “Goodiebags”, og fylkesstyret oppfordra dei lokale sanitetsforeningane til å fylle desse med høveleg innhald.

Fotterapaut Olaug Bergem Aspill kjem førstkommande fredag for ein ny runde med fotpleie i Sanitetshuset. Ho kjem også mandag og tirsdag. Ta kontakt med Marit Sanden Søyset på telefon  980 36 391 om du ønsker å benytte deg av tilbudet.

Saniteten «aksjonerer» med salg av lodd til sitt kunstlotterie på Matkroken i helga. Da vi var innom var det leiar i Todalen Sanitetsforening Maren Ansnes som stod for salget. Vidare utover dagen og laurdag skal fleire av medlemane gå på skift innafor butikkens opningstid. Stikk innom og støtt Todalen sanitetsforening med kjøp av loddar!

I år, som tidlegare år har Todalen Sanitetsforening kjøp inn kunstverk av ein lokal kunstnar som skal loddast ut gjennom heile året, med trekning i desember. Denne gongen vart det anskaffa to bilder, av Odd Skrøvset. Mange har allerede kjøp lodd, men da utan å vite eksakt kva dei kjøpte for. Dette var under fastelavnsrissalget på Matkroken midt i februar.

Laurdag mellom 13 og 16 blir det arrangert Strikkekaffe i Sanitetshuset igjen. Merk at tida no er litt forskyva, men damene håper at trufaste og nye kjem til eit sosialt treffpunkt denne laurdagen likevel.

Tidlegare i veka hadde vi ei sak om sanitetskvinnene i Todalen som produserte fastelavensris til aksjonen no i helga. Fredag og laurdag er dei på plass på «torget» på Matkroken L. Hals med både fastelavensris og eit flott fastelavenstre på vegkanten framfor butikken.

Fastelavn nærmar seg no med stormskritt, men det er sanitetskvinnene godt forebudd på. Søndag trossa dei regnvêret og dro til skogs for å finne bjørkeris, og måndag var ein gjeng samla i Sanitetshuset for å lage bukettar – pynta med fargerike fjær og NKS-logo. Fredag og laurdag er dei på plass på Matkroken for å selge fastelavnbukettar for ein 50-lapp.

Laurdag mellom 14 og 17 blir det arrangert Strikkekaffe i Sanitetshuset igjen. Dette er første treff etter jul, og damene håper at trufaste og nye kjem til eit sosialt treffpunkt denne laurdagen.

Fotterapaut Olaug Bergem Aspill kjem rett over nyttår for ein ny runde med fotpleie i Sanitetshuset. I første omgang er dagane satt til 5. og 6. januar, med muligheit for ein tredje dag om behovet melder seg.

Laurdag ettermiddag var det tid for førjulskafè i Todalen ungdomshus. Det var Start 4H, FAU, PT-utvalet, idrettslaget, bondelaget og saniteten som hadde invitert sambygdingane til felles arrangement. Dei var spente på om folk hadde tid til eit lite avbrekk midt i julestrida, men det trong dei ikkje bekymre seg for.