Organisasjonens hovedsatsingsområder er kvinnehelse og omsorgsberedskap.
Norske Kvinners Sanitetsforening ønsker å delta aktivt i samfunnsdebatten, men er partipolitisk uavhengig og livssynsnøytral. N.K.S. mottar ikke statstøtte.
Norske Kvinners Sanitetsforenings motto:
I de små ting frihet
I de store ting enighet
I alle ting kjærlighet
Leiar: Solveig Glærum
Nestleiar: Nina Heimlund
Kasserar: Ragnhild Ansnes Moe
Sekretær: Steffi Bohle
Styremedlemer: Kari Kvendset og Åse Ville Redalen
Varamedlemer: Arndis Søyset og Jorunn Gislaug Ørsal
Omsorgsberedskap: Nina Heimlund, Kari Kvendset, Jorunn Husby og Maren Ansnes
Husstyret: Jorunn Husby og Synnøve Hole Talgø.
Ta kontakt med Synnøve Hole Talgø på telefon 907 00 429 om du ønsker å leige Sanitetshuset for møte, barnedåp, konfirmasjon, bryllup, gravferd eller ei anna anledning.
Nyheter knytta til Todalen Sanitetsforening
Kløvertur i nydeleg ver!
Måndag 18. februar kom med nydeleg ver; sol og mild vind – eit lite streif av vår! På Kvennsetgarden har dei no lang solgang, og i dag gjekk heile Kløverturen i sol.
Kløvertur – du er invitert til å bli med ut og gå!
Sanitetsforeninga minner om at det er Kløvertur måndag 18. februar. Oppmøte ved Hals, turstart kl. 11.00. Yr melder godt ver, kanskje sol til og med! Turrute blir bestemt ved oppmøte, denne gongen skal det vere tur utan glatt underlag.
Fin tur i snøfokk!
«Godt folk har godt ver!» heiter det, men det stemmer slett ikkje alltid, for under Kløverturen måndag 11. februar var det ikkje godver, men både kraftige snøelingar og vind. Men forresten så var det da riktig godt å vere ute i det friske veret!
Kløvertur i Øyalia?
Måndag 11. februar er det plana å gå Kløvertur etter skogsvegen i Øyalia. Oppmøte ved Hals og start derifrå kl. 11:00. MEN: Yr melder snø og litt vind, så det kan bli aktuelt å legge om turruta.
Triveleg med Fredrikkekaffe!
Det var fullt rundt salongborda i Sanitetshuset under Fredrikkekaffeen laurdag ettermiddag. Ikkje mindre enn 23 handarbeidsglade kvinner tok pause frå vintersporten i fjernsynet for å møtast til triveleg samvær. Her gjekk praten livleg og strikkepinnane fort!
Strikkekaffe
Todalen sanitetsforening inviterer til Strikkekaffe i Sanitetshuset laurdag 9. februar i tidsrommet 13.00 – 16.00. Her er alle velkomne til sosialt samver med eller utan handarbeid!
Godt årsmøte i Todalen sanitetsforening
Under årsmøtet i Sanitetsforeninga tysdag 5. februar vart kunstlotteriet for 2018 avslutta, og biletet vart trekt under nøye oppsikt av årsmøteforsamlinga. Det var seld 545 lodd, og den heldige vinnaren vart Per Reiten, og han var ikkje sein om å møte opp for å ta i mot måleriet. Per var gledeleg overraska, han synest biletet var riktig så fint og skulle nok finne ein høveleg plass til kunstverket av Sissel Storslett heime i Ørsalgeilen.
God sesongstart!
Etter ein lang ferie med julehelg og «mørketid» gjekk første Kløverturen i 2019 av stabelen måndag 4. februar. Det vart riktig så god start på sesongen; fint ver og sola skein på Kvennsetgarden. Ho verma faktisk ganske godt! Men det viktigaste var at 14 trimmarar møtte fram første dagen! «Kjekt å gå tur i lag!» vart det sagt.
Årsmøte i Todalen sanitetsforening
Todalen sanitetsforening minner om at dei held årsmøte i Sanitetshuset tysdag 5. februar kl. 18.30
Ny sesong med Kløverturar – blir du med?
Sola er tilbake etter vinterpausen. No skin ho langt nedover liene og heilt ned på Kvennsetgarden, og ho kryp lenger og lenger oppover bygda dag for dag. Yr lovar godt ver måndag 4. februar så da blir det oppstart for Kløverturane i 2019! Oppmøte ved Halsbua, og så blir turmål bestemt etter ver og føre. Men det blir ein lett tur i nærområdet til butikken. Turstart kl. 11.00.
To rette og to rang i snøfokket
Laurdag var det «på’n igjen» med strikkekaffe i Sanitetshuset. Med Todalen Sanitetsforening som arrangør, og Arndis Søyset og Helen Saksen som vertinner vart det ein triveleg og vellukka strikkekaffe igjen. På årets første strikkekaffe var det ikkje noko spesielt tema, så det var strikking og sosialt samvær som stod på timeplana for dei rundt 20 frammøtte.
Strikkekaffe i Sanitetshuset.
Laurdag 19. januar inviterer Todalen sanitetsforening til strikkekaffe. Det er ope hus frå kl. 13.00 til 16.00. Alle er velkomne til sosialt samver med handarbeid, triveleg prat og kaffelag!