Todalen Idrettslag

Mandag kveld sette dei unge fotballspelarane på Todalen sitt knøttelag eit punktum for ein innhaldsrik fotballsesong. Ungane med foreldre og søsken avslutta med ein hyggeleg tur på Ja-benken ovanfor Flathaugen. Gjengen møttes i Jostua og tok turen om Husby Vasslag sitt pumpehus, før turen gjekk vidare om den no merka stien gjennom Petlia, som endar på eit fint utkikspunkt over bygda kalla Ja-benken.

I kveld kom tabelleiar Clausenenga 1 på besøk på Bordholmen for å stadfeste sin posisjon i klassen J16. Heimelaget STUK hadde derimot ikkje tenkt å gi byjentene ein lett match og ein kan nok seie at STUK dominerte store deler av kampen, til tross for at dei ikkje viste årsbeste i følge oppmann Ståle Ansnes.

Nok eit av «våre» fotballag har fått terminfesta heimekamp på Bordholmen. Måndag kveld møter Søya/Todalen/Kvass/Ulvungen Clausenenga til dyst klokka 18.30.

I kveld var det duka for nytt lokaloppgjør på Bordholmen. I denne kampen var det jentene i 12-årsklassen frå Kvass/Ulvungen/Søya/Todalen 2 som møtte Surnadal 1. Begge laga var klar for seier når vi tok ein prat før start. Jentene frå Surnadal kunne fortelje at dei hadde vunne det meste heile sesongen. Seinast i helga, på Jentecup i Trondheim.

I morgon blir det nok ein fotballkamp på Bordholmen. Denne gongen er det Kamp i klassen J12, der laga Søya/Todalen/Kvass/Ulvungen møter Surnadal klokka 18. Kiosken blir open med bakels og graut og høve til ettermiddagskaffe for den som tek turen. Ellers kan vi også minne om førstehjelpskurset i regi Omsorgsberedskapsgruppa i Todalen Sanitetsforening som også […]

Det vart ein litt regnvåt start på turen over fjellet frå Todalen til Ålvundeid søndag. Men vêrgudane tok seg inn etter kvart og både tåka og regnvêret ga seg etter kvart og gjorde innspurten på dagens Trollheimsmarsj til ei triveleg oppleving. Det er i år 7. gongen at I.L. Ulvungen og Todalen arrangerer Trollheimsmarsjen i […]

Den første bussen med deltakarar er forlengst komen til Todalen og dei første deltakarane er på veg opp lia i retning Ålvundeid. Eit stort trettital starta iløpet av den første halvtimen, men starten går heilt fram til kl 11. Leiar i Todalen I.L. Steinar Frøystad lika dårleg regnbygene i dag tidleg, men trøsta seg med at det var meldt likare vêr utover dagen.

Søndag står Trollheimsmarsjen på plakaten, med start frå kl 8.30 og utover til kl 11. Trollheimsmarsjen går frå Bordholmen i Todalen og over fjellet til Alvundeid – med målgang på Leikvoll stadion innan kl 17. Påmelding skjer på Bordholmen før start, og det er sett opp bussar frå Ålvudeid 7.45, 8.45 0g 9.45 med start frå Leikvoll.

I går var ein trufast liten gjeng samla til lagseriestemne på Bordholmen. Riktig nok ikkje så mange i talet, men dei som kom fekk prøvd seg på fleire friidrettsøvelsar. Her var både langdehopp, kasting av liten ball og nokre gongar med 60-meter på ei litt sleipt underlag.

Kveldens fotballkamp mellom G13-laga KUST og Elnesvågen på Bordholmen er avlyst. Derfor blir det nok desverre ikkje høve til å få kjøpt seg ettermiddagskaffe med bakels og græt i dag. Ny kampdag blir oppsett, men dato er ikke klar enno.

Onsdag kveld var det duka for nytt lokaloppgjer på Bordholmen, da mellom Søya/Todalen G 10 og Surnadal G 10 – 5.

Tysdag kveld var det duka for lokaloppgjer mellom KUST G 12 og Surnadal G 12 – 2 på Bordholmen. Det vart ein velspela og jamn kamp med stor innsats og mange gode målsjansar frå båe laga.