32 stilte til start på Kjerringdilten – Lars Sæther tok pokalen

Langfredagsvêret glimta til med sol frå knallblå himmel og heile 32 deltakarar stilte til start på Kjerringdilten, der det var kniving om å sikre seg eit napp i vandrepokalen. Lars Sæther sikra seg med knapp margin til nestemann og bomma med bare eit sekund på idealtida som var sett til 14 minutt. No har vi også resultatlista på plass!

Fin stemning i solveggen utafor skihytta – over 40 besøkande på skihytta i dag. Foto: Terje Nordvik

Det var god stemning på skihytta og over 40 personar besøkte hytta på Ørsalfjellet.  Hyttekomiteen hadde diska opp med både kaffe og nystekte bakels og varme pølser.  Det var omtrent vindstille og folket kosa seg både på terrassen og ut på plattingen framfor hytta. Det har de siste dagane vore såpass kaldt at det var godt føre og folk kom både opp Haukålia, Øyalia og utover frå Innerdalsmerket.

Flott vêr og flott føre – det har vore såpass kaldt at føret har heldt seg bra etter det siste snøfallet. Foto. Ivar Helge Kvendset

Vi har fått bilder frå hyttesjefen sjøl – Terje Nordvik og frå Ivar Helge Kvendset som var rennleiar for Kjerringdilten. Bilda finn du i galleriet nedafor.