Todalen Idrettslag

Laurdag 10.november var det klart for hogstdugnad i Toåa tursti. Ni karar med motorsag gjekk laus på lauvskogen langs elva. Det vart raskt felt mange tre, men det er mykje å ta av! Skogen, mest older, hegg og selje, står tett langs heile elvekanten.

Todalen IL og prosjektgruppa i Toåa Tursti minner om dugnaden ved Båthølen i morgon laurdag klokka 10.

Forrige helg var Todalen IL representert i NM i halvmaraton i Stavanger. Her deltok Erlend Halset for sin hjerteklubb og sprang inn til 1.45 på halvmaraton som er ca 21 km. Erlend har sendt oss ein liten rapport frå løpet.

Todalen I.L. minner om invitasjonen julebordet som laget arrangerer laurdag 17. november og at påmeldingsfristen går ut laurdag 3. november. Bruset fortel at det allereie no er mange påmeldte, og reknar med ein innspurt dei siste to dagane.

Allsidigheita var stor når nesten alle skuleungane og barnehageungane møttes til felles Halloweenmarkering i gymsalen i går kveld. Her var både søte damer, skumle typer, mumiar på rulleskeiser og mann i dusj på plass for ei hyggeleg fellessamling i forbindelse med årets kanskje skumlaste dag; Halloween. 

Det var skikkeleg basarstemning og mykje folk som møtte opp da Trim-, ski- og friidretssgruppa arrangerte sin årlege basar. Klingande mynt i kassa vart det også, for basarkomiteen rapporterte om skikkeleg god respons på førehandssalet på Matkroken dei siste vekene og sjølvsagt var det triveleg at så mange kom på basar, sa leiar i Trimgruppa Jorun Nordvik da ho takka publikum etter trekninga.

Laurdag var det førehandsal til TILs basar for trim-, ski- og friidrettsgruppa. Loddsalet gikk strykande og Gunnar Nordvik hadde fullt opp med å registrere loddsalet.  Førehandsalet fortsett i opningstida til butikken fram til kl 16.00.  Søndag er det basar i ungdomshuset som startar kl 16.00 og går utover ettermiddagen og kvelden og der blir det massevis […]

Komande søndagskveld arrangerer Trimgruppa saman med Ski- og friidrettsgruppa basar i Todalen ungdomshus. basaren startar kl 16, og det blir både basarbord, åresal og utdeling av premiar. Hovedposten på programmet blir likevel eit litt nostalgisk lysbildeprogram, der Gunnar Nordvik viser lysbilder frå 90-talet, der ei gruppe dreiv med klatring både i Todalsfjella og i Innerdalen – med nettopp Gunnar som mentor og læremeister. Det blir nok eit triveleg gjensyn etter så mange år.

Det blir balleik i gymsalen på skulen onsdagar frå og med  førstkommande onsdag 31. oktober til og med  12. desember. Her blir det som vanleg tider for dei yngste, og så for dei eldste ungane etterpå.

Laurdag 17. november blir det arrangert stort julebord i Todalen ungdomshus. Da inviterer Todalen Idrettslag alle sambygdinger til sitt første julebordarrangement. Det trur vi skal gå veldig bra, for vi er vant med store festarrangement og matservering – ikkje minst i samband med hjortfestane som lenge hadde stor oppslutning og gikk for fulle hus, seier leiar i Todalen I.L. Nils Ove Bruset. – Vi trur dette blir artig!

Søndag 28. oktober melder Todalen idrettslag om basar til inntekt for Trimgruppa og Ski- og friidrettsgruppa i fellesskap. Det skjer i Todalen ungdomshus, og startar kl 16.00. Programmet står basarbord, åresal og utdeling av premiar for lagseriestemne og for trimbøkene som no har slutta av sommarsesongen.

Onsdag kveld var prosjektgruppa i Toåa Tursti på ny befaring. Denne gongen saman med fleire berørte grunneigarar, entreprenør Per Gjeldnes og prosjektgruppa. Prosjektet er no inne i fasen med å få ein godkjent tippemiddelsøknad, kor Todalen IL er søkar. Då må alle tenkte kostnadar være dokumentert og godt planlagt, og denne kvelden var det deler av arbeidet med tilrettelegging av den planlagte turvegen frå Bønnavollen og ned til Båthølen, samt plassering av gapahuken som var på agendaen.