Todalen Idrettslag

Fleire tok turen til Tjønnmyra i går kveld etter at det vart annonsert at det var mulegheiter for å prøve ulike variantar av felleski frå Intersport. Det var Jo Kvande Hansen som sjølv hadde invitert seg innover slik at også todalingane skulle få prøve ut det nyaste, enklaste og beste innan trim, tur og trening på langrennski fronten.

Førstkommande måndag kjem Jo Kvande Hansen på Intersport Olaf Moen Eftf. As til Tjønnmyra for å tilby todalingar og andre intereserte til felleskidemo. Jo fortel at han vil ta med seg felleski i forskjellige lengder og spenn, og alle som ønsker, skal få prøve. Han tek blant annet med seg testvinnareane fra Rossignol og Fischer. 

Det blir ei stor skihelg i Dalalia i 23.-24. februar, når Todalen I.L. skal arrangere NorgesCup i randonee og ventar besøk av norgeseliten, med renn for individuelle deltakarar laurdag og med sprint på søndag. Veldig artig at eliten – både herre- og dameløparane – har signalisert at dei kjem til Todalen for å delta, fortel Nils Ove Bruset, som er både rennleiar og leiar i Todalen I.L.

Det var stor aktivitet, og alle heldt seg varmen da Todalen I.L. arrangerte «Barn i løypa» måndag kveld. Med fyr på peisen i gapahuken, og litt varm saft som drivstoff var det full fart både i sporet og utafor sporet. Det såg ut som både store og småe kosa seg på det gode vinterføret i lysløypa på Tjønnmyran.

Todalen Bodybyggjarlag held fortsatt koken og melder om knallføre i sporet på Tjønnmyra. Dei har no skifta beite og møtes mandagane presis klokka 18.30 til felles trim og litt sosialt attåt. I kveld var dei fem stykk som møtte opp og jakkane som låg slengt rundt om i løypa vitna om at dei held varmen trass 7 minusgrader.

Kveldens fellestur til Gunnøya samla i starten fem stykker ved Bønnavollen som med godt mot trass nesten 15 minusgrader tok fatt på turen ned til gapahuken. Her var det ulikt fottøy på dei oppmøtte; både truger, ski og til og med kun joggesko ville prøve seg i laussnøen. Men stien har siste veka vore godt besøkt, så alle fekk valuta for oppmøtet med månen som lyste opp over bygda.

I kveld inviterer Toåa Tursti til fellestur til Gapahuken i Gunnøya. Det meldes om kjempefine forhold for truger helt fra Bønnavollen til Halsabrua. Det blir start ved kyrkja/Bønnavollen klokka 18. Derifrå går turen ned til Gunnøya, og eventuelt vidare til Halsabrua om nokon ønsker det. Det går også an å ta turen andre vegen om nokon heller ønsker det, så møtes ein i Gunnøya.

Laurdag føremiddag hadde Michal Heimlund teke plass i kaffekroken for å selje medlemskap i Todalen Idrettslag. Idrettslaget har forresten allereie rundt 290 betalande medlemar, og det er slett ikkje verst når vi her i bygda har rundt 300 innbyggjarar med smått og stort.

Todalen IL er nå klare for et nytt driftsår og har dermed gjort det enda enklere for oss å både bli medlem, og å betalle et allerede eksisterende medlemskap. De skriver i en pressemelding til redaksjonen at de nå blant annet har etablert muligheten for å fornye medlemskapet i klubben via VIPPS (Todalen IL Medlemsavgift #550227). I tillegg vil kasserer Michal Heimlund være tilgjengelig på Matkroken kommende lørdag fra kl 10 – 14 for de som ønsker å betale kontant eller med kort.

Todalen idrettslag melder at det no er fine forhold i lysløypa oppå Tjønnmyrå. Det er kome godt med snø, og i løpet av dagen er det kjørt opp spor; så no ligg alt til rette for å ta ein skitur.

I helga har årets første Norges Cuprenn i randonee vore arrangert i Skorgedalen. Arrangør var Romsdal Randonee Klubb, og på startstreken i klassen ungdom stilte Erik Kårvatn for Todalen IL. Fredag kveld var det individuell sprint og Erik konkurrerte mot Edvard Sætran Solli frå Torjulvågen. Erik var sterkast begge dagane og vann klassen sin. Han har etter ein sesong som både aktiv innan fotball og friidrett eit godt grunnlag til å hamle opp med mtstandarane i motbakkane.

I dag har det vore rydda i kvistdungane nedover ved ekrekanten i Slåttøya ved Toåa Tursti igjen. Per Åke Jakobsson og Carsten Bohle har kutta opp ca 60 kubikk med flis på nokre ettermiddagstimar fra dugnaden tidlegare i fjor haust. Veret har vore litt stabilt vått den seinare tida, så dei har ikkje hatt anledning å gjort ferdig jobben dei starta før jul.