Todalen Idrettslag

Det hører med til oppgåva til komiteen som står for feiringa av nasjonaldagen å evaluere arrangementet. Tysdag kveld var 2019-komiteen samla på kantina på Talgø for å evaluere både arrangementet og for å godkjenne rekneskapet frå arrangementet. Leier i 17. maikomiteen Rune Moe var godt nøgd med arrangementet, som var vellukka og som kom ut med eit moderat overskot etter at alle kostnader var betalt

Volleyballtreninga fortsett også inn i 2020 med samling i gymsalen på tirsdagar kl 19.30.

Todalen IL startar nyåret med balleik allerede i morgon kveld. Da blir det to sesjonar; dei minste opp til 3. klasse først, og så fra 4. klasse og oppover etterpå.

Ski og friidrettsgruppa inviterte til alternativ barn i løypa på skøyter på Bordholmen i dag. Etter kvart dukka dukka det opp rundt 15 ungar sør leik og moro på isen. Første post på programmet var hurtigløp på merka bane, før det vart hockeykamp.

Julerevy er tradisjonelt ein del av julefeiringa i Todalen – den høyrer liksom med og har gjort det så langt attende som vi kan hugse. Det er jammen ein god tradisjon å føre vidare og med storsalen full av publikum er det og tydeleg at folk sett pris på julerevyen. Frå år til anna har det vore generasjonsskifte i revystaben, og slik er det i år – mange nye er komne med i revyarbeidet, og på mange måtar har julerevyen fått ein ny giv.

I morgen, lørdag 28. desember kl. 14, arrangerer Ski- og friidrettsgruppa  barn i løypa på skøyter på Bordholmen. Det blir ishockey-kampar og rundar rundt isbanen med tidtaking. 

Vi minner om kveldens arrangement i Ungdomshuset – julerevyen «Todalen Ymseri». Dørene opnar kl. 20 og billettar får du kjøpt ved inngangen. Her er det sal av mat og drikke, og det blir mulegheit for ein svingom. Og så den store spenninga, da: Kven får heidersprisen – «Den Gyldne Patron»?

Årets romjulsmarsj er historie. Nok ein gong var det stor deltaking med ca 170 personar som var ute på årets trivelegaste luftetur rundt bygda. Idrettslaget hadde som vanleg drikkestasjoner både på Bruset og i Sandstadkrysset med både kakao og gløgg i koppen. Nytt av året var gratislotteri på Bruset med mange fine premier. For dei som var så heldige å trekkje rett nummer i alle fall.

Er det du som har mista brillene dine under Romjulsmarsjen i dag?  Eit par briller vart under marsjen funne ved Pilskaret.  Brillene har «gullinnfatning» og det ser ut som dei har fått seg ein liten trøkk.  Brillene er levert inn på Matkroken Todalen, og rettmessig eigar kan få dei att der, når butikken opnar laurdag […]

3. juledag er kommet og det er berre å finne fram godt fottøy for å bli med på årets Romjulsmarsj. Det er trimgruppa som er arrangør av denne årelange tradisjonen kor alle i Todalen går mann av huse for å få litt friskluft og ikje minst treffe sambygdinger rundt bygda.

Billettane til julerevyen 2019, «Todalen Ymseri», er no lagt ut for sal på Matkroken Todalen. Vi tenkte å være tidleg ut med tanke på at det kanskje kan være ei høveleg julegåve til familie, eller vener og kjente, seier Knut Bergli i Todalen Idrettslag som er arrangør. Billettane kostar kr 150 pr stk., og kan kjøpast i kassa på matkroken. Julerevyen «Todalen Ymseri» går av stabelen 3. juledag, fredag 27. desember kl. 20.00 i Todalen ungdomshus.

Revygjengen i Todalen I.L. er godt i gang med øvingane på scenekanten i Ungdomshuset. Arbeidet med skriving av tekstar er gjort unna, og no pågår øvinga for fullt, og torsdag kveld var det 3. øvingskveld så langt. Det var god stemning i leiren, og det såg ikkje ut til at revygjengen var under tidspress for å kome i mål. – Vi har klart å få til mykje godt og aktuelt stoff, og er eigentleg ferdige med skrivearbeidet, men ting kan skje enno så vi er førebudd på oppgraderingar, seier Astrid Longva Kvendset som er revysjef.