Todalen Idrettslag

Sist fredag var IL Søya og Todalen IL representert på bylaget til Kristiansund som spilte mot Molde på Årølia kunstgress. Kampen endte 2-2 etter at nordmøringene ledet 1-0 etter en god førsteomgang. Mer om kampen her. I den 17 mann store troppen var Søya/Todalen/Kvass/Ulvungen G14 representert med Brage Hauglann Talgø og Ørjan Nes Haugen, henholdsvis nr 2 og 4 fra høyre i bakerste rekke på lagbildet.

Todalen Idrettslag samla eit lite femtital publikummere da dei arrangerte Kultmakarkveld i Todalen ungdomshus laurdag kveld. Dei innleia kvelden med salg og servering av Thaimat, og kokkelaget må jammen få skryt for nytt og friskt innslag på matfronten. Til undehaldninga hadde dei fått forstekningar frå nabokommunane Halsa og Rindal, og spesielt Arne Landsem framføring av «Visarbekren» fall i smak.

Laurdag kveld er det Kultmakarkveld i Ungdomshuset. Da Todalen.no var innom Ungedomshuset fredag kveld var kjøkkengjengen i full gang med førebuinga. Dei skal nemleg servere Thaimat denne kvelden. Det var stor entusiasme å spore i produksjonen av vårruller, og matduftene eg kjente ga dei beste signal for å anbefale kveldens siamtallerken. Og dette blir nok ekte saker, for med på kokkelaget var Malii Brusethaug, som nok har spisskompetanse på Thaimat.

No er det kome på plass nye trimbøker på alle postane til Trimgruppa i T.I.L. Dei gamle bøkene er tekne inn for oppteljing av resultatet, og det vil nok etter kvart bli premiering av dei som har flest besøk, eller som blir trekte ut som vinnarar. Dei nye trimbøkene blir no liggjande i trimkassane heilt fram til hausten 2011. Du har altså høve til å registrere trimturar eit heilt år, når det passar deg sjølv.

Kultmakarkvelden i Ungdomshuset er ei vidareføring av fjorårets lygarkveld, og arrangøren som er fotballgruppa i TIL byr byr på eksotiske rettar frå Thailand og innslag frå utanbygds «artikalla». Bernt Vatten frå Halsa, samt Arne og Lars Landsem frå Rindal kjem for å ta del i programmet på kultmakarkvelden. bernt Vatten er kjent for sine gode og lune historier, og Arne og Lars Landsem er nok mest kjent for sin aktive deltaking i revymiljøet i Rindal gjennom ei årrekkje.

Todalen Idrettslag ved Bjørn Hauglann melder no at «heile» Bordholmen kan leigast ut til ulike arrangement. For 300 kroner kan ein disponera kjøkken, bilijardbord, fotballbane og trøbilane som er så populære.

Måndag kveld var det sesongslutt for fotballen på Bordholmen. Da sette også Karen Johanne og Svein Talgø bort bakelsjarnet for i år. Dei har heile sesongen vore trufaste i kiosken i klubbhuset, med salg av bakels og kaffe. Og bakelspressa har gått jamt og trutt, for dei har skaffa idrettslaget over tjue tusen i kassa i løpet av sesongen.

I kveld var det siste kamp i seriespelet for G12 laget Søya/Todalen. Dei møtte eit ungt Surnadalslag som dei bokstavleg tala overkjøyrde.

Gutane spela godt i begge omgangane, tildels med direkte ballkontroll både i forsvar og angrep.

I dag var knøttar og miniar samla på Bordholmen for å markere endt fotballsesong. Trenarar og oppmenn hadde bede dei på pizza, brus og sjokoladekake, utan sportslege forpliktelsar. Og i det fine haustveret var det dekt på langbord ute i den anledning.

Då det er litt lite ungar i desse årsklassane, har det vort til at nokre av dei yngste har fått vore med å hjelpe G10 laget på nokre av kampane.

Torsdag 23. september kl 20 startar «Dametrimmen» ny sesong i gymsalen på Todalen Oppvekssenter. Dei ønsker gamle og nye trimmarar velkomne til trim, fortel Turid Hals Sæther til Todalen.no.

I ettermiddag var det 5. divisjonskamp på Bordholmen mellom KvassUlvungen 2/SøyaTodalen og Halsa/Valsøyfjord. Resultatet blei 1-1 etter høyt press av heimelaget i sluttminutta, men sjansane gav ikkje uttelling.

I kveld var det ein spanande fotballkamp på Bordholmen. Vårt eige G10 lag møtte eit av G10 laga på Kvanne.

I eit forykande tempo frå start til slutt vart det scora heile 22 mål på under timen. Og for første gong denne serien, vart seieren til todalingane, med 13-9.