Todalen Idrettslag

Laurdag kl 11 går startskotet for randonee-NM ved Strengen med Todalen Idrettslag som arrangør. Det var egentleg duka for stor NM-helg på Kårvatn, men snømangel sette ein effektiv stoppar for det. I Strengen-området er det meir snø slik at NM-konkurransen kan avviklast, medan resten av rennøvelsane går ut. Rennledar Nils Ove Bruset fortel at det er fine forhold i Strengen, og det blir nok kamp om medaljene.

NFF har sammen med Nordmøre og Romsdal fotballkrets kåret IL Søya til årets FAIR PLAY-klubb for 2012, skriv Erik Hals på kretsens eigne nettsider i dag. Begrunnelsen er basert på klubbens deltakelse i kvalitetsklubbprosjektet i 2012. Dette har gjort klubben meir bevisst på det med fairplay og alt som det fører med seg.

Da har vi fått klarskap i det forestående NM i randonè som har hatt en del usikkerhet angående gjennomføringen på grunn av mye våt nedbør. Sæterlia var først i helga eit alternativ, men etter befaring der har arrangørane valgt å flytte det til Strengen/Røen området, med ett renn på lørdag.

1. nyttårsdag nytta mange å ta turen på den supre isen på Bordholmen. Her fekk både gutar, jenter, menn og falma kunsløpsentusiastar fart på seg. Isen som vart anlagt før jul var i tipp topp stand og leiken var like fornøyeleg for liten og stor. Og på sidelinja var sekkar med kakao og kaffe tilgjengelege når føtene vart litt slitne. Idrettslaget har kjøpt inn nokre køller som står til utlån nedpå der, om nokon vurderer å driste seg på ein ishoocheykamp ein gong.

Det var nok ei fornuftig avgjerd å utsette Romjulsmarsjen til 4. juledag, for gårdagens snøfokk hadde nok gjort dørstokkmila lang for mange. 4. juledag var det prima forhold for den 6 km lange turen rundt bygda og trimgruppa er godt nøgd med at 124 registrerte seg for rundturen og vart servert varm gløgg eller kakao som varma godt i det kalde vêret. Det blir tross alt litt kald når gradstokken kryp under null, sjølv om det berre var 4-5 kuldegrader i lufta. Todalen.no tok turen rundt bygda med kamera, og resultat finn du i eit galleri nedafor.

Todalingane hadde store forventningar da dei 3. juledagskveld benka seg i Todalen ungdomshus for å oppleve julerevyen «Vassækte jul». Og dei vart jammen ikkje ikkje skuffa, for på scena var det full trøkk frå første stund. Første akt var nærast dedikert det stor butikkjubileet i haust, og vi fekk oppleve livet i kaffekroken på nært hold og til stor fornøyelse for publikum. Og publikum likte det dei fekk sjå, og var rause med applausen. God og lun humor som etter kvart appelerte til mosjon av lattermusklane og mykje fin song og musikk gikk rett heim hos publikum.

På grunn av snøstorm og uvêr er Romsjulsmarsjen utsett til 4. juledag (28.12). Starten skjer til same tid, mellom kl 12 og 15. Det er trimgruppa i Todalen I.L. som melder dette til Todalen.no. Det er no sterk vind og snøfokk, og etter vêrmeldinga på yr.no vil det vedvare utover dagen. Vermeldinga til 4. juledag er imidlertid bra, med opphaldsvêr og vinden vil også løye.

Todalen Idrettslag er godt i gang med arbeidet med den nye lysløypa på Tjønnmyran. Traseen er forlengst rydda, og no er gravearbeidet kome i gang. Det er Per E. Gjeldnes Maskin som har prosjektet, og arbeidet vil nok foregå utover vinteren etter kvart som det er gode arbeidstilhøve i området.

Revygjengen er denne veka i full gang med øvingane i Ungdomshuset. Da Todalen.no var innom ein snartur måndag kveld var det full aktivitet, men det var ein optimistisk gjeng som tykte dei hadde bra kontroll på framdrifta. Det er Nils Ove Bruset som revysjef, og han fortel at dei ligg godt an med arbeidet med revyen som har fått namnet «Vassækte jul». Han fortel at årets aktørar er ei god blanding av gamle og nye krefter. Han setter stor pris på at dei har fått fleire nye og yngre krefter blant årets aktørar, og seier at det er ein triveleg og lystigrevystab som no er komne så langt at dei driv og finpussar kjøreplana.

3. juledag er det kalrt for årets romjulsmarsj. Som tidlegare er det du starte heimefrå på runden rundt byga, da det er registrering på Bruset og på Sandstad. Det er høve til å starte i tidsrommet mellom kl 12 og 15, og du rekk altså å bli med på 1. framsyninga av revyen «Vassækte jul» kl 15 om du startar litt tidleg.

Straks over nyttår, nærare bestemt 12. – 13. januar, inviterer Todalen Idrettslag til norgesmeisterskap i Randonee. Det skjer på Kårvatn i Todalen, der løpena går frå toppen av Tydalsnebba og ned til Kårvatn. Det er alt kome ein god del snø, og forholda ligg alt no godt til rette for eit vellukka arrangement. Todalen Idrettslag har lang erfaring med slike arrangement, da Kårvatn og Todalen stått i sentrum for både NorgesCup og VM/EM uttaking i ei årrekkje.

Laurdag 15. desember startar billettsalget for julerevyen i Todalen ungdomshus 3. juledag. Det er Todalen Idrettslag som er arrangør, og laget fører dermed lange tradisjonar med julerevy vidare. I år er dei forøvrig attende til hovudscena med ekte revyframføring, etter nokre år med julekabaret som har vore framførst som eit slags serveringsteater. – Det er no godt å være tilbake på hovudscena med ekte revyframføring på programmet, seier Borghild Talgø som er ledar i fotballgruppa og festsjef.