Todalen historielag 2023

Komande søndag, frå kl 15.00 og utover, arrangerer Todalen historielag tradisjonell ettermiddagskafé i Todalen ungdomshus. Denne gongen byr historielaget på kåseri med Gunnvald Bøe, som vil kåsere om ord og uttrykk som er knytta til vêr og vind – og kanskje andre historier. I tillegg vil «Skannerpatrulja» vise nokre gamle bilder frå historielagets arkiv.

Det vart ei triveleg førjulssamling i ungdomshuset søndag. Krafttak for kratt var dagens tema, og jammen vart det eit krafttak. Rundt 25.000 blanke kroner kom inn til aksjonen som skal settast i gang når det lir til vårs. Da skal krattskogen til pers. Kjøkkengjengen fikk salg på 80-90 porsjonar med saltkjøtt og kårabistappe, og det var god stemning og praten gikk lett rundt borda…..

Av og til dukkar det opp ein godbit frå gamle arkiv. Denne gongen var det eit innslag frå Norge Rundt den 21. desember 1990 som fanga interessa. Denne sendinga hadde eit innslag frå Todalen, sidan Vangsgutane fylte 50 år dette året. Todalingane hadde naturleg vis dramatisert eit av stykkja som vart sendt i beste sendetid.

Eit bokslepp er i seg sjølv kultur, men på Todalen historielags bokslapp var det nok Ola Bræin som stjal kulturshowet. Ola Bræin har i årsskriftet for 2016 skrive om krigsåret, da familien bodde i Todalen, og han gjekk på skule her. – «E føle me som ein ekte todaling», sa Ola Bræin.

Dei to siste åra har det etter initiasjon frå Todalen sanitetsforening, vore samarbeid mellom fleire lag i bygda om eit arrangement kalla Førejulstreff eller Internasjonal-kaffe i Ungdomshuset. Intensjonen har vore at alle todalingar og spesielt dei nyinnflytta skulle inkluderast under eit uformelt kaffelag med smakar frå forskjellige land, litt underhaldning og så bortetter. Evalueringane viser at dette ikkje har vore dei aller sveraste arrangementa i historia, så no tenkjer lag og foreningar i bygda nytt.

Frå Todalen Historielags sitt arkiv på Facebook har vi funne nokre gamle bilder frå 17. mai i 1966 og 67. Her er årets tog på tur opp ungdomsstubrekkå. Bilda er levert av Åshild Halle.

I hovedbildet har vi todalingar fødde i 1977, 1978 og 1979, no vorte vaksne og er sist i 30-åra. Desse gjekk på korttidsbarnehagen som var i Ungdomshuset på den tida.

Laurdag 13. august inviterte Stangvik historielag i lag med årnesgardingane til kulturvanding. Vandrarane møttest ved Grendahuset, veret var ikkje det beste, men dei tretti oppmøtte fekk ein både interessant og triveleg dag. I godt turfølgje merka ein ikkje regnet som sila ned.

Av og til er tilfeldighetene så utrolige, at det mest fantastiske skjer. -I dag har en årelang drøm gått i oppfyllelse, smiler James Edward Bruseth fra Texas. Han og kona Toni Turner har i flere år drømt om en Norgestur, for å finne ut mer om James sine røtter som stammer her fra Todalen. For det var alt han visste; navnet på bestefar Einar Bruseth som utvandret i 1912, og at han kom fra Todalen.

Malvik hagelag nytta godveret laurdag til tur til Todalen. Første stopp var naturleg nok arboretet. Der nytta dei god tid til vandring i den interessante og fine hagen, men det var litt for tidleg til full blomstring.

Todalingane har stor interesse for å ta vare på bygdehistoria si – søndag samla Todalen historielag rundt 60 deltakarar på kulturvandringa som denne gongen foregikk på Hjellnes, der vi både fikk sjå å høre om historia for dei to gardane – Nestua og Oppistua. – Dei eldste husa som står på Hjellnes i dag er frå midten av 1800-talen, men det er dokumenter aner attover til 1645.

Søndag 22.mai kl. 12.00 er det klart for årets første kulturvandring i regi av Todalen historielag.  Da går turen til Hjellnes, der det blir kulturvandring på gardane Nestua og Oppistua. På Hjellnes er det mykje gamal historie, som historielaget gler seg til å dele med sine medlemar og andre som har lyst til å bli med. […]