Det passer nok godt for alle at brannmanskapa tester utstyret og øver på brannslukking no i maidagane. Tradisjonelt har det vore brannmannskapa sitt ansvar å få vekk grus og strøsand frå asfalten mellom Talgøfabrikken og Matkroken Todalen. Onsdag kveld rigga dei seg til med brannpumper og slangar – og sette i gang med spylinga.
Lundebekken sørga for vannforsyninga. Jan Nordvik, Håvard Halset og Ståle Ansnes riggar vassinntaket. Foto Jon Olav Ørsal
Brannmannskapa i Todalen, Kvanne og i Surnadal brukar ofte å trene saman, med forskjellige tema for kvar øving. Denne kvelden var det altså testinga av utstyr og spyling som stod på programmet, og laget i Todalen fekk da besøk av eit av laga i Surnadal.
Her blir det reint og fint – Dan Roger Pedersen og Ståle Ansnes spylar vekk strøsanden. Foto Jon OLav Ørsal
Total er det 36 brannmannskaper derav er det 6 konstablar i Todalen , og 6 på Kvanne. I tillegg er det 6 hjelpearbeidarar som riggar depotet som er anlagt i Bøfjorden. Vi ser iallfall kor viktig det er at vi har ei lokalt brannlag – det var av avgjerande betydning for omfanget av brannen i Bekkerhagan i fjor.
Jan Nordvik er ny brannkonstabel ved brannlaget i Todalen. Foto Jon Olav Ørsal
Her spyles det rund veggane på Matkroken. Foto Jon Olav Ørsal
Eit lag kom frå Surnadal for å delta i arbeidet – frå venstre Per Egil Fiske, Børge Brøske, Bjørn Gjeldnes, Victor Grøtte og Lars Todal. Foto Jon Olav Ørsal