Allereie i 1938, altså for 85 år sidan, kom dei første planene om å bygge ein ferjefri veg mellom Todalen og Drøppingstranda, som den gongen låg i Stangvik kommune. Etter dette har det vore mange forslag til ferjefritt samband, siste i så måte er planene om flytebru frå Kvanne til Rykkjem. Tysdag sist veke var kommunestyremedlem Ragnar Halle og talsperson for Todalsøra Terje Nordvik kalla inn til møte med Vegvesenet i Møre og Romsdal, der dei møtte vegsjefen og utbyggingssjefen i Vegvesenet.
Les heile saka
Vi som fekk vera med på den gjennomarbeidde og gripande song- og musikkstunda ved påskevandring i Stangvikkyrkja onsdag før den stille veka, har mykje å takka for. Vi fekk ei god førebuing til påskehøgtida ved koret Prosjekt 17 som no har mange fine soliststemmer, både mannlege og kvinnelege. Med sitt krevjande og utsøkte repertoar førte dei oss rett inn i påskebodskapen, både gjennom deler av Handels «Messias» og Mendelssohns arie frå oratoriet «Elias» og Elgars «Ave verum corpus», og ikkje minst gjennom Jesu sju ord på korset, tekster sammensatt frå alle evangelia og solosong med stilisert tablå ved kormedlemer og fleire.
Les heile saka
Denne veka har det vore noko uvanleg aktivitet på Kårvatn. Folk frå «heile verda» har vore samla for å lage reklamefilm for det kinesiske droneselskapet DJI for ei splitter ny drone som skal lanserast i løpet av juni -23.
Les heile saka
Frå i morgon, 1. april til og med søndag 31. oktober, er det bandtvang for hund i Surnadal kommune. Den generelle bandtvangen i Norge er frå 1. apil – 20. august, men Surnadal kommune har eiga forskrift om bandtvang som inneber at bantvangen her i kommunen altså gjeld i perioden 1. april – 31. okotber. Dette betyr at hunden i denne perioden skal vere i band, forsvarleg inngjert eller vere innestengd. Somme unntak gjeld for jakt- og gjetarhundar, samt toll- og politihundar, når desse er i aktiv teneste, Bandtvangen er regulert i Lov om hundehald (Hundeloven) § 6, og i Surnadal kommune si forskrift om Bandtvang.
Les heile saka
Olav Rønning, ved eigedomsavdelinga i Surnadal kommune, opplyser i ein telefon til redaksjonen, at Todalen barnehage no får ei enkel bygningsmessig tilpassing, slik at bygget kan brukast til bustad for flyktningar frå Ukraina.
Les heile saka
Sanitetskvinnene har ein over hundre år lang tradisjon for å arbeide med beredskaps- og helsearbeid – no oppfordrar dei lag og organisasjonar og lokale firma til å bli med på å planlegge og sette i system dette arbeidet. Første samling for å kome i gang var torsdag kveld i Sanitetshuset. Maren Ansnes som er leiar i […]
Les heile saka
Tysdag ettermiddag og kveld samla årets konfirmantar, sokneråda og andre frivillige inn pengar til den årlege «Fasteaksjonen». I Surnadal kommune vart det til saman samla inn 99.976, -. Dette gjev reint vatn til rundt firehundre menneske.
Les heile saka
Skigruppa i Idrettslaget Søya inviterer til turrenn i Strengentraséen søndag 2. april med start i tidsrommet mellom klokka 11:00 – 12:00. Turrennet startar frå Vang Skiarena og går i variert terreng. Ein kan velje å gå til Øygardshalsen eller videre oppover mot Haukarberget, Langvatnet, Klåberget eller til toppen av Strengen. Det er ikkje tidtaking, så ein snur når ein sjølv måtte ønske.
Les heile saka
Surnadal bibliotek og Surnadal Frivilligsentral til påskeverkstad i Frivilligsentralens sine lokaler på Skei måndag 3. april klokka 12:00. Påskeverkstaden vil halde på fram til rundt 15:00, så her er det mogleg å få laga litt påskepynt til påskehøgtida!
Les heile saka
Påska nærmar seg med stormskritt, og dette fører sjølvsakt til at Surnadal kulturhus og Surnadal bibliotek får litt endra opningstider påskeveka og sjølve påskehøgtida.
Les heile saka
Jammen kom det ikkje eit par lam litt i forkant av lammingstida – det var nok eit bekkerlam som lura seg frampå, og det skjedde nok heilt på tampen av beitesesongen smiler Ola og løftar opp ein av dei to nykomlingane. Ola er glad i dyr, og gler seg til lammingssesongen kjem i gang for fullt om eit par veker. Med eit trettitals lamsauer blir det nok liv i leiren etter kvart.
Les heile saka
Onsdag kveld var det årsmøte i Todalen.no. Med grei økonomi og eit lite overskudd på knappe 40 tusen vart både regskap og årsmelding fort unnagjort. Etter pandemien er Todalen.no attende til «normal drift», der nettsida har hatt omtren 455.ooo besøkande i løpet av 2022 – det er tal som har gått oppover heile tida, men ser kanskje ut til å nå ei metning etter kvart. 95% av besøkande kjem frå Noreg, medan USA, Sverige og Tyskland står for flest besøk frå utlandet.
Les heile saka
