Todalen Idrettslag

Fredag og laurdag arrangerer Toåa turisti dugnad i Båthølen. Per Gjeldnes har som tidlegare nevnt starta gravararbeidet på turvegen ned frå Bønnavollen. I den forbindelse er det no behov for at resterande av skogen i Båthølen blir fjerna, slik at også tomta til gapahuken kan opparbeidast. Dette må gjerast snarast, og turstigruppa inviterer derfor til […]

Hans Inge klette trekte det lengste strået under Kårvatn Sky Run 43 km laurdag. Han var i mål på suverent beste tid etter å ha vore i tet meir eller mindre heile løpet og kunne skrive tida 5.28,51 som rett og slett er imponerende.

3 timar, 33 minutter og 16 sekund bruka Jørgen Kvalsvik på 29-kilometeren i Kårvatn Sky Run. Han vart førstemann i mål på den kortaste etappen som går utover gammelseterdalen og til Kårvatn frå posten på Tovatna. På andreplass på den kortaste etappen kom Robert Sørlie på tida 3.39,16 som og er ei sterk tid.

De første løparane har passert Tovatna.  Vi har imidlertid kommunikasjonsproblemer med stasjonen der, og har ikkje fått verken bilder eller mellomtider. – Men vi har fått info om at Robert Sørlie har passert – og er på veg utover Gammelseterdalen i retning Kårvatn og målgang der.  

Så gikk startskotet for Kårvatn Sky Run – dermed er dei 41 løparane på veg frå Kårvatn og opp den bratte lia til Storfjellet. Deltakarane starta friskt ut for å posisjonere seg på den første biten av traseen går etter vegen.

Starten for Storfjellet opp gikk presis kl 9.00. Det var 7 deltakarar som stilte til start i trimklassen, og ikkje uventa var det Håvard Gjeldnes som vart førstemann på toppen av Storfjellet, og med eit tidsforbruk på 33 minutt har han sett seg i respekt på denne etappen.

Karane i Todalen Bodybyggjarlag starta i kveld opp att med fellestrimmen sin etter endt ferie og kvardag for dei fleste. Kveldens tur gjekk til Øygarden på Nordvik i fin kveldssol, og vart avslutta med litt sosialt samvær og påfylling av kaloriar på Matkroken etterpå. 

Søndag fikk desse tre ein skikkeleg prøvetur på løypa for Kårvatn SkyRun som blir arrangert for første gong den 24. august. Det har lenge vore planlagt å kjøre ein test på løypa, men vi måtte vente til no på grunn av varmebølga dei siste par vekene, seier Gudmund Kårvatn, som er primus motor for arrangementet Kårvatn SkyRun. Arrangementet er eit samarbeid mellom Kårvatn Fjellutstyr og Todalen Idrettslag, fortel Kårvatn.

Nest siste helga i august, nærare bestemt laurdag 24. blir det verdenspremiere på Kårvatn Skyrun. Da inviterer Todalen IL og gutane ved Kårvatn Fjellutstyr AS til det nyaste nye innan løping i fjellet. Skyrunning er kort sagt ein ekstremsport med fjelløping over 2000 meter kor hellinga overstig 30%, men klatringsgraden ikkje skal overstige ein viss vanskelegheitsgrad. Ja, meir som randonnee utan ski; ta seg til topps med minimalt og lett utstyr. Og med naturen frå Kårvatn til Storfjellet, vidare over Grinarane, Slanglifjellet, Tovatna, Tohatten og Neådalen så skiller arrangementet seg ut allerede før start.

Rundt 10 personar møtte på dugnaden som ski og friidrettsgruppa inviterte til i går kveld. Og med stort pågangsmot og rå muskelkraft fekk dei raka heile løpebanen som i forrige veke var oppfresa. Dei mest pessimistiske trudde naturleg nok at ein ikkje rakk å rake heile på ein kveld.

Tirsdagkveld inviterer Ski- og friidrettsgruppa til dugnad på Bordholmen. Denne gongen er det løpebanen som står for tur og treng ei oppgradering. Sist veke har banen vorte horva opp for å få bukt med graset som sakte men sikkert har teke over i løpefeltet. All denne torva lyt no rakast opp slik at baben blir ugrasfri igjen og klar for nye rekordar.

Ein dag med full fart på fotballbanen og med rekorddeltaking i Ræta Opp er over. Til saman var det 32 fotballag som spela heile 62 kampar med treerfotball i løpet av dagen, og det er nok fleire undre unge fotballspelarar som har fått ein ny premie til premiehylla – for alle som deltek får sjølvsagt premie under Todalsdagen.