Foto: Jo Gjeldnes
Hopp under nyhetssakene

Søndag: Basar for trim-, ski- og friidretssgruppa

Jon Olav Ørsal Fredag 25. oktober 2019

Søndag 27. oktober arrangerer Todalen Idrettslag, trim-, ski- og friidretssgruppa basar i Todalen ungdomshus.  På basaren som startar kl. 16.00 blir det ordinært basarbord med massevis av flotte gevinstar – ikkje minst hovudgevinsten som er eit par randoneeski av årets modell.  Ca kl. 17.00 blir det utdeling av premiar for deltaking på lagseriestemna og aktivitetar på Tjønnmyran. Trimgruppa deler ut krus til deltakarane på trimaktivitetar på trimbøkene og så blir det lysbildekåseri! Fredag og laurdag er det førehandssal av lodd på Matkroken.

Etter premieutdelinga viser Gunnar Nordvik lysbilder frå tidlegare fjellturar han har vore med på. Vi får sjå mange fine bilder frå tur over Ørsalkjerringa, til Lauvåfjellet, Romådalen, Dalabotnan og til Fagerlidalen! 

Trekking ca kl 18.30.  Elles blir det førehandssal av lodd på Matkroken Todalen fredag 25. og laurdag 26. oktober i opningstida.  Arrangøren er takksam for basartingar, melder TILs Trim-, ski- og friidrettsgruppe.

 

Publisert: 25. oktober 2019, 04:00